Wikipedia:是日正文/2006年3月

香港

香港係位處華南嘅一個城市，三面環海南至南中國海，西為珠江，東眺南大鵬灣。北面連住中國大陸，隔住深圳河。1997年開始，香港行政上係中華人民共和國嘅特別行政區，叫中華人民共和國香港特別行政區。香港塊地原本屬於大清帝國。1841年，英國響鴉片戰爭後佔領香港島，響島嘅北面起咗域多利亞城。清庭響1842年正正式式割咗個島畀英國。另外響1860年，再割埋九龍半島。1898年，英國再借埋新界九十九年。英國響1997年約滿嗰年，將香港主權還畀中華人民共和國。