Wikipedia talk:粵語用辭

哪里用“那西”代表“隨便”的意思？ “那西”該來自“垃圾”的變音。

糾枉過正

太糾枉過正啦--JackyCheung（討論） 2008年11月4號 (二) 11:09 (UTC)[回覆]

我哋呢度成日有啲人客，明明有簡單直接嘅廣東辭唔用，特登去改埋曬啲勒勒卡卡嘅國語字；呢版啱佢哋睇。* = )< Hillgentleman|書|二零零九年四月八號（星期三）格林尼治 06點22分25秒。>

倒

從意思上睇，「倒」應該係「到」嘅變音，唔知有無出處？--William915（傾偈） 2009年7月5號 (日) 05:23 (UTC)[回覆]

例子：諗dou²（想到）/諗唔dou³會喺道見dou²你（想不到會在這裏見到你）。呢件事太難，我做唔dou²（這件事太難，我做不到）/講得出做得dou³（說到做到）。dou^2/3嘅意思完全相同。--William915（傾偈） 2009年7月5號 (日) 05:44 (UTC)[回覆]

已經搵到出處：倒表示「能夠」、「可以」噉解嗰陣只係變音：[1]。--William915（傾偈） 2009年7月5號 (日) 05:56 (UTC)[回覆]

八点零鐘

唔知加個cn模板係表示邊道有問題呢？認為粵語無呢種講法？--William915（傾偈） 2009年7月6號 (一) 00:44 (UTC)[回覆]

當然有。點解用「零」，呢隻字唔音，個音 leng⁴ 都唔啱，零有冇「過啲」嘅意思，有點解唔用靈、令、寧、淩、鯪、楞... 所以，用「零」應該有出處？係咪？Sorry，仲有你個解釋睇唔明，拉埋啲京話嚟講真係一頭霧水 --WikiCantona (傾偈) 2009年7月6號 (一) 01:49 (UTC)[回覆]

雖然話搜索引擎唔可以代表一切，不過去搜索一下就知道「零」係最常用嘅，而且亦有「零頭」呢個詞。音唔啱只係變音，ing到eng嘅變音非常常見（eng一般用於口語），例如「正」、「凈」、「平」，廣州音字典裏面大把例子（可惜我手頭暫時無呢本書）。個解釋嘅意思係：普通話嘅「來」有以下呢啲用法：「十來天」、「五十來歲」、「三百來人」、「三斤來重」、「兩里來地」，但係無「八點來鐘」。你可以諗下點樣可以講得清楚啲。--William915（傾偈） 2009年7月6號 (一) 01:59 (UTC)[回覆]

Sorry，我嘅問題，啱啱搜過，普通話亦有用「八點來鐘」，噉就無事嚹。--William915（傾偈） 2009年7月6號 (一) 02:03 (UTC)[回覆]

搵到呢個：[2]，不過唔算可靠來源。--William915（傾偈） 2009年7月6號 (一) 02:29 (UTC)[回覆]

粵語拼音方案

我嘅意思唔係話一定用粵拼，但係至少成版所用嘅應該係同一種拼音方案，唔係就會好混亂。--William915（傾偈） 2009年7月6號 (一) 05:03 (UTC)[回覆]

我覺得用「香港語言學學會粵語拼音方案」會好過「耶魯粵語拼音」，點睇？--Samoht✓Nahc (傾偈) 2012年6月9號 (六) 09:01 (UTC)[回覆]

我本身唔多中意粵語拼音方案，唔自然。除咗兩隻，重有敎育學院式同香港政府式，都好流行。如果顯示，用萬國音標示比較正當，當然打唔方便。唔知得唔得咁，整個自動對照，入時打邊拼音都可以，顯示出來係萬國音標。HenryLi (傾偈) 2012年6月15號 (五) 02:29 (UTC)[回覆]

我推薦新法蘭西粵語拼音方案。殘陽孤侠 2013年1月13號 (日) 22:42 (UTC) 嘰嘰嘎嘎

「尊港抑粵問題」同埋其他問題

尊港抑粵問題

伊個表有幾個地方都有好嚴重嘅「尊港抑粵問題」——好多粵語詞，明明唔係北方話，而係珠江三角洲粵語（例如「昇降機」），都被你地當成北方話。另外重有好多其他粵語地區嘅詞語伊個表都無收錄到（例如喺台山話入面新婦^[1]重可以叫姖老公個阿媽做「安人」^[2]，好古雅，但係完全唔係北方話）。

↑ 根據《王亭之談正音》，「新抱」嘅本字係「新婦」。
↑ 出自楊子靜《粵語鈎沉》。

尊外抑中問題

好多來自外文嘅意譯詞，喺廣府粵語入面完全無問題（例如「櫻桃」同埋「李」[lei˩˥]），但係都被你地當成北方話，唔通意譯嘅就一定係北方話，而粵語引進外來詞就祇能夠音譯咩？如果係咁，咁粵語重叫做繼承古漢語雅言最多嘅唐話咩？

知識錯誤

我唔知道香港嘅情況係點，但係喺廣府粵語裡面，「好話」、「過獎」同埋「言重」根本完全唔係同一回事：「好話」係自我抬舉、「過獎」係表示謙虛、而「言重」更加唔止一種用法。將「好話」、「過獎」同埋「言重」夾硬同同一句北方話「謝謝」扯上對應關係，完全係失之牽強。補充：喺廣府粵語裡面，「老師」唔單止可以指喺學校教書嘅先生，亦都可以用來敬稱任何一位前輩，但係「先生」就祇能夠指喺學校教書嘅先生。

殘陽孤侠 2013年1月13號 (日) 22:38 (UTC) 嘰嘰嘎嘎

關於量詞“棵”

因為古无轻唇音，或者“棵”字系啱嘅。119.32.81.55（討論） 2013年12月14號 (六) 08:32 (UTC)[回覆]

最近發現幾個好嚴重嘅問題

我而家最近提醒一個噉嘅問題：有啲人（唔提邊位喇）出現將「廿幾」改成「二十幾」嘅講法，呢個好明顯係唔符合粵語嘅規範。粵語用字嗰方面，「廿幾」、「卅幾」同「卌幾」嘅講法係有歷史嘅。（證明1 證明2 證明3），重有佢嘅本字討論都有歷史嘅（證明1、漢数字講座）。如估夾硬將「廿幾」改成「二十幾」嘅講法，有冇尊重到粵語先？前排嘅所謂「天衛二十幾」就係個反面教材，我已經冚唪唥将佢把亂反正喇。--CRCHF (傾偈) 2015年2月19號 (四) 23:10 (UTC)[回覆]

喺將自己做法講成係「撥亂反正」之前，麻煩先確認一下自己做法係有社群共識。--William915（傾偈） 2015年5月20號 (三) 16:43 (UTC)[回覆]

窗門窗口窗戶

我一直都講“窗門”。普通話“窗戶”常用，也有用“窗口”。（申報：我係廣州人。）--Roy17 (傾偈) 2017年7月10號 (一) 20:41 (UTC)[回覆]

[1] 根據《王亭之談正音》，「新抱」嘅本字係「新婦」。

[2] 出自楊子靜《粵語鈎沉》。

[1]

[2]