窩仔山

窩仔山
窩仔山
海拔	86.5米（284英尺）
位置	香港九龍西部
座標	22°19′48″N 114°10′08″E
窩仔山 呢座山喺香港嘅地理位置

窩仔山，又叫主教山，係香港一山，喺九龍石硤尾同九龍塘大坑東之間，山並唔高，高二百八十四呎。山頂曾開有圓形配水庫，今已封。今下樹林滿佈，係四周樓宇中嘅綠洲。

有啲人會將窩仔山同喃嘸山搞亂，但查實兩座山係俾石硤尾邨隔住：窩仔山喺石硤尾邨東南，喃嘸山就喺石硤尾邨西北。

窩仔山頂

史

窩仔山喺英人接管新界之時，係九龍山脈下一支。佢南面係九龍塘村，山東同西，都有谷流涌水。山東早年係田地，涌水後尾變成大坑。山西係石硤尾，早年或叫硤石尾。山西面有田有村，村叫田寮同元洲。

英人無耐喺九龍山脈開水塘，亦喺窩仔山頂開細塘裝水，供應新開嘅深水埗市區，亦喺山東北開墳場。早年大埔道開咗條路，直上塘仔，如今已不在。

第二次世界大戰前，深水埗市區拓展開去，去到窩仔山西南。九龍塘、田寮同元洲三村，亦併埋入市區中。九龍塘村地，變成警察球場同馬球場。

戰後大批難民湧入，窩仔山以北等山頭都變成木屋區。政府喺山嘅東面，開咗大坑東邨。山嘅西北面開石硤尾邨。

1962年1月22號，窩仔山向東南一面山坡上嘅西堅里（東同陸軍球場相接，南同警察球場相鄰）木屋區火燭，災埸面積估計有四千平方呎，三百幾間木屋之中燒咗三分之一，幾千名居民之中有一千五百幾人受災。

睇埋

• 深水埗食水減壓缸