鱗翅目

蝴蝶（上）同飛蛾（下）都係鱗翅目嘅成員。

鱗翅目（粵音：leon4 ci3 muk6 | 學名：Lepidoptera）係昆蟲綱其中一個目，有成 180,000 個物種，可以分做兩大類：蝴蝶同飛蛾。鱗翅目顧名思義其中一樣最大嘅特徵係佢哋嘅身體同翼上面有鱗，而且呢啲鱗好多時色水仲好鮮艷樣眼。

生物分類

睇埋：昆蟲綱

鱗翅目屬昆蟲綱下嘅一個目。

蝴蝶

内文：蝴蝶

蝴蝶（butterfly），學名叫真蝶總科（Rhopalocera）係鱗翅目下嘅一個亞目，包含咗大約 18,500 個物種。

蝴蝶興响日頭行動，全部物種都識飛，兩對翼就生咗喺個胸部嘅背脊嗰度，而蝴蝶嘅翼係佢哋同其他昆蟲比起上嚟最樣眼嘅特徵之一－蝴蝶嘅翼上面有鱗，鱗會組成好多樣又鮮艷奪目嘅色水同斑紋。

飛蛾

内文：飛蛾

飛蛾（moth），學名叫異角亞目（Heterocera）係鱗翅目下嘅一個亞目，包含咗大約 160,000 個物種－飛蛾物種嘅數量多過蝴蝶物種好多。

飛蛾冚唪唥都曉飛，兩對翼就生咗喺個胸嘅背脊度；同蝴蝶嘅翼一樣，飛蛾嘅翼上面有鱗，不過飛蛾色水通常冇蝴蝶嘅咁鮮艷。另一樣同蝴蝶唔同嘅係，多數物種嘅飛蛾都係興夜晚出沒嘅，不過都有部份物種係興朝頭早出沒嘅。

外形特徵

睇埋：鱗

睇埋

• 完全變態，鱗翅目嘅物種冚唪唥都係行完全變態嘅。
• 毛蟲，鱗翅目嘅幼蟲。