白蟻

出自維基百科,自由嘅百科全書
跳去: 定向搵嘢
白蟻

白蟻,學名叫等翅目Isoptera),係種昆蟲,成身白色,外型似螞蟻,鍾意蛀食木頭

社會制度[編輯]

白蟻社會制度極為嚴謹,同螞蟻相似,普遍分為蟻王蟻后兵蟻工蟻三種。可分為兩大類,生殖型非生殖型。雖然數量眾多,但佢哋各個分工,喺狹小嘅巢都可以維持秩序。

白蟻要求的棲息環境[編輯]

白蟻對水份要求好高,身體佔90%係水份,保持唔到就會死,而且係咁搵水源或濕潤嘅泥土或木材。俾白蟻入侵嘅多數係漏過水或濕氣重。白蟻好怕光,被日光照射會死,所以當需要越過露天位置時,一定先築泥路。

白蟻泥路[編輯]

好多人會以為泥路係木碎,不過其實嗰啲係泥。白蟻起泥路嘅目的係因為白蟻好怕光,紫外線對白蟻係致命嘅。當白蟻經過嘅地方暴露於光線中時,就會以泥建築隧道,喺泥路中活動。

呢啲泥路係白蟻獨有的,所以一旦發現莫名其妙嘅泥(似木糠),就要撩開睇睇。如果有白蟻喺入面,就要揾滅蟲公司。用殺蟲劑、漂白水等會令佢哋擴散。

害處[編輯]

白蟻嘅分泌物可以將木材變軟。木製物品常遭受白蟻侵蝕,令建築物易冧、鐵路枕木減低壽命,因此普遍被認係一大害蟲。主要危害是針對人類

白蟻之所以蛀爛木材,唔係啲牙利,而係分泌物可以將木材變軟,變成好似浸喺水嘅餅乾噉樣。沾咗白蟻分泌嘅木材,乾咗之後會好似威化餅咁脆,可以輕易徒手搣開。白蟻可以破壞所有木材,而白蟻就係噉將木材變質成佢哋嘅食糧。

白蟻亦可以破壞塑膠或其他嘅任何物質,只有堅石同金屬無法破壞。

防治方法[編輯]

一發現有白蟻就要揾滅蟲公司處理,因為唔殺死蟻后兼消滅白蟻巢係無法杜絕白蟻。

參考[編輯]