香港特別行政區行政會議

本文屬香港政治系列
《憲法》 《基本法》
香港政府    行政長官：梁振英      行政會議    行政部門    公營機構 立法會    區議會 司法    終審法院    法律制度 - 法例
選舉 – 政黨 主權移交後政制改革 殖民地時期政制改革
港區全國人大代表 港區全國政協委員
內聯 　　 香港中聯辦 　　 港府駐京辦 　外事 　　 外交部特派員公署 　　 台港關係 　防務 　　 解放軍駐港部隊
授勳及嘉獎制度 排名表 太平紳士
其他香港系列
文化 - 經濟 歷史 - 地理 - 教育 香港主題

行政會議（簡稱行會，英文：Executive Council, ExCo）係幫香港特別行政區行政長官手決策嘅最高官方機構，由香港特別行政區行政長官擔任主席，同時自行任命成員。而家總共有三十位成員，包括行政長官、十四位現職問責官員（官守成員）同十五位非官方人士（非官守成員）。

香港基本法規定，行政長官喺做任何重要嘅決策之前，都一定要徵詢行政會議嘅意見。好多人都將行政會議當做歐美國家嘅內閣咁睇，但係由於行政會議並唔係以少數服從多數嘅準則嚟做決定，所以即使大部份成員都反對，最後嘅決定權仍然喺返行政長官手上。因為咁，所以行政會議較接近嘅應該係行政長官嘅智囊團，而唔係內閣。

歷史背景

行政會議嘅前身行政局係香港殖民地時期香港政府最高嘅決策機構，由港督主持，邀請知名社會人士擔任成員（當時叫做議員），通常有十幾人。重要政策都需由香港總督會同行政局通過咗先至可以執行。行政局有四個當然議員^[1]，包括布政司、財政司、律政司同埋英國駐港三軍司令（直到1991年），其餘由港督委任。議員分為官守（即係擔任緊官職嘅意思）同非官守兩類。

行政局成員需要遵守保密制同集體負責制：即係話政策未決定之前所有嘢都要保密；而政策決定咗之後，所有成員都要公開支持份政策。呢種制度喺行政會議中仍然保留，但有唔少人，包括現任成員都覺得呢種制度有需要檢討；而近年亦有一啲咁嘅例子，就係同時作為立法會議員嘅行政會議成員會違反集體負責制，公開反對政府政策。

現任成員

根據香港基本法，行政會議唔會好似行政局咁有當然議員；所有成員嘅任免都係由行政長官決定。

主席

• 曾蔭權，大紫荊勳賢，JP，KBE，香港特別行政區行政長官

官守成員

• 林瑞麟，GBS，JP，政務司司長
• 曾俊華，JP，財政司司長
• 黃仁龍，SC，JP，律政司司長
• 孫明揚，GBS，JP，教育局局長
• 蘇錦樑，JP，商務及經濟發展局局長
• 譚志源，JP，政制及內地事務局局長
• 李少光，JP，保安局局長
• 周一嶽，GBS，SBS，JP，食物及衞生局局長
• 俞宗怡，GBS，JP，公務員事務局局長
• 曾德成，JP，民政事務局局長
• 張建宗，GBS，JP，勞工及福利局局長
• 陳家強，SBS，JP，財經事務及庫務局局長
• 林鄭月娥，JP，發展局局長
• 邱騰華，JP，環境局局長
• 鄭汝樺，JP，運輸及房屋局局長

非官守成員

• • 夏佳理，GBS，JP，香港交易所主席，行政會議非官守成員召集人
• 成員
  • 鄭耀棠，SBS，香港工會聯合會會長、全國人民代表大會代表
  • 史美倫，GBS，SBS，JP，香港科技大學校董、全國人大代表
  • 李業廣，大紫荊勳賢，JP，香港交易所前主席
  • 梁智鴻，GBS，JP，安老事務委員會主席、香港大學校董會主席
  • 張建東，SBS，JP，香港交易所董事、機場管理局主席、香港科技大學校董會主席
  • 張炳良，GBS，BBS，JP，香港教育學院校長、消費者委員會主席
  • 劉江華，JP，立法會議員（新界東）、民建聯副主席、公民力量召集人
  • 劉皇發，大紫荊勳賢，JP，立法會議員（鄉議局）、鄉議局主席
  • 劉遵義，JP，香港中文大學校長
  • 胡紅玉，SBS，強制性公積金計劃管理局主席
  • 葉維義，信德集團獨立非執行董事
  • 楊敏德，溢達集團主席兼行政總裁、香港理工大學校董會主席

外面網頁

• 香港特別行政區行政會議
• 行政會議成員名單

註釋

1. ^  當然議員即係英文嘅 "Ex-Officio"，意思係指喺某一個圈子入面最大嗰位仁兄，例如喺政府某個部門最大嗰位就會成為「當然議員」。又以區議會為例，喺「鄉事委員會」入面，主席最大，所以鄉事委員會主席就會自動成為區議會「當然議員」。