中華民國國籍法
| 中華民國國籍法 | |
|---|---|
| 施行日期 | 1929年2月5日 |
| 修正次數 | 7 |
| 最新修正 | 2021年12月15日 |
| 法規類 | |
| 母法 | 中華民國憲法 |
| 類 | 行政 |
| 部 | 內政部 |
| 目 | 戶政目 |
| 參考文獻 | |
| 所有條文 | 中華民國國籍法 |
| 沿革 | 法規沿革 |
| 立法歷程 | |
| |
| 相關資訊 | |
| 相關法規 | 戶籍法、入出國及移民法、國籍法施行細則 |
| 相關訴訟案 | 陸男國賠案 |
| 重要記事 | |
  |
| 中華民國政府同政治 主題文章 |
| 政府 |
|
|
政治 |
|
國定假日（倒數） |
中華民國國籍法係中華民國嘅法律，用嚟決定邊個有中華民國嘅國籍，而所有擁有呢個國籍嘅人就係“中華民國國民”。依照中華民國法律嘅規定，中華民國國籍用屬人主義為主，屬地主義為輔；相關法規中亦將國民分為「居住臺灣地區設有戶籍國民」同埋「臺灣地區無戶籍國民」。
常見由行政機關依法審核後，作為個人中華民國國民身份證明嘅文件，包含內政部派發俾有戶籍國民嘅國民身分證、戶口名簿、戶籍謄本等等，或者外交部派發俾全體國民嘅中華民國護照等等[1]。
港澳居民[編輯]
同冷戰之中屬於東方陣營嘅中華人民共和國同蒙古人民共和國統治下嘅中國大陸同外蒙古相反，香港同澳門分別由西方陣營嘅英國同葡萄牙統治，所以中華民國同港澳之間嘅交往從都冇斷絕。由於中華民國對海外華僑華人嘅友善政策，所以住喺港澳地區嘅華人居民可以喺攞到僑務委員會發放嘅「華僑身分證明書」之後，依照《國籍法》對「中國人」相關條款嘅寬鬆規定，以華僑身分證明書做中華民國護照，成為中華民國國民。1950-1970年代期間，中華民國國家足球隊有唔少係嚟自香港嘅選手。除此之外，唔少有能力負擔前往臺灣船票嘅港澳學生，亦都好願意去臺灣讀大學或者做野，因為當時港澳僑生喺中華民國政府統治嘅臺灣地區仍然享有國民待遇，而且非常容易喺臺灣設籍同埋攞國民身份證。其中科技界非常出名嘅林百裡、演藝界嘅周華健、楊懷民、林煒等等嘅人，無論係喺香港抑或係中國大陸出世，喺擁有或者攞到香港居民身份後，再會攞埋中華民國國民嘅身分。
隨住1991年嘅憲法增修，中華民國對海外華僑華人攞到國籍戶籍之規定越嚟越嚴緊。1994年5月，內政部廢止同僑生相關嘅《回國僑生戶籍登記辦法》[2]。1997年3月，立法院通過《香港澳門關係條例》，預備港澳主權移交之後，規範同兩地之間嘅來往嘅事。自此之後，中華民國政府方面將港澳地區定為「有別大陸其他地區嘅特別區域」，唔再係僑區[3]。僑務委員會唔再向港澳居民派發「役政用華僑身分證明書或護照加簽僑居身分」[4]。港澳居民待遇同外國人類似[3]。出入中華民國統治嘅地區嘅時候，港澳居民同大陸人民一樣會用「中華民國臺灣地區入出境許可證」，但係港澳人士嘅申請流程，比大陸人士嘅流程容易好多。
2002年12月，中華民國內政部制定《歸化我國國籍者及歸國僑民服役辦法》，其中第5條規定，港澳回歸前攞到港澳僑民身分嘅男人「適用本辦法有關歸國僑民之規定」，回台定居或回台定居「初設戶籍登記之翌日起」，「屆滿一年時，依法辦理徵兵處理」[5]，同月僑務委員會制定《華僑身分證明條例》，第3條將「有大陸地區人民、港澳居民身分、或者有大陸地區所發護照嘅人」排除出中華民國僑民嘅列表[6]。
睇埋[編輯]
出面網頁[編輯]
- 〈內政部入出國及移民署〉. 原先內容歸檔喺2007-02-25. 喺2007-02-21搵到.
- 〈在海外之中華民國國民，現在國內未設有戶籍者，應備具那些條件才可以申請返國行使第13任總統副總統選舉權？〉. 中央選舉委員會. 原先內容歸檔喺2013-11-10. 喺2013-11-10搵到.
- 〈「甘神父條款」 葉俊榮：徵詢馬偕計畫196人意願〉. 自由時報. 原先內容歸檔喺2017-01-08. 喺2017-01-08搵到.
- 〈中華民國國民適用以免簽證或落地簽證方式前往之國家或地區〉. 中華民國外交部. 原先內容歸檔喺2013-11-10. 喺2013-11-10搵到.
- 〈中華民國國民須使用晶片護照始能適用美國免簽證待遇〉. 中華民國外交部. 2012-10-22. 原先內容歸檔喺2013-11-10. 喺2013-11-10搵到.
攷[編輯]
- ↑ 〈中華民國國籍證明核發要點〉. 原先內容歸檔喺2022-07-16. 喺2020-08-01搵到.
- ↑ 〈回國僑生戶籍登記辦法〉 (繁體中文). 法務部全國法規資料庫. 原先內容歸檔喺2021-02-03. 喺2020-12-10搵到.
- ↑ 3.0 3.1 〈澳門移交專輯》澳門移交專輯》答客問〉 (繁體中文). 中華民國大陸委員會網站. 原先內容歸檔喺2021-01-12. 喺2020-12-10搵到.
- ↑ 〈原具香港澳門僑民身分證明函〉 (繁體中文). 我的E政府，中華民國國家發展委員會，發佈單位：僑務委員會. 原先內容歸檔喺2021-01-11. 喺2020-12-11搵到.
- ↑ 〈歸化我國國籍者及歸國僑民服役辦法〉 (繁體中文). 法務部全國法規資料庫. 原先內容歸檔喺2020-08-21. 喺2020-12-11搵到.
- ↑ 〈華僑身分證明條例〉 (繁體中文). 法務部全國法規資料庫. 原先內容歸檔喺2021-01-10. 喺2020-12-11搵到.