光復行動

出自維基百科,自由嘅百科全書
Jump to navigation Jump to search

光復行動2015年光復行動,係指本土主義思想嘅香港人針對香港水貨客問題中國大陸自由行問題等港中矛盾,由下而上發起一連串抗爭,國族運動。事件令兩地以至國際社會關注香港主權移交問題,而行動最終令到中共機關報批評,並迫使中國政府實施一周一行

過程[編輯]

導火線[編輯]

香港同其他旅遊國家一樣,受到中國遊客影響。平衡進口同出口方面得到中國政府特區政府建制派「包容(實為縱容)」下,愈搞愈多走私。好多北方人化身不速之客,搶空香港日用品物資,然後轉手圖利。水貨客佔領香港街路同馬路,重成日「分贓」後搞到周街垃圾同包裝盒,產生聲浪。雷同經濟戰污染噪音,情況嚴重影響民生,改變港人生活方式。[1]

雨傘革命結束後,旺角一帶出現「鳩嗚團」,佢班友聲言「購物」但實情係流動聚眾示威。2014年12月尾,上水有一間拉麵店發起「抗水貨客,撐拉麵店」行動,反抗水客佔用店門外,當街道係執貨區。當鳩嗚團可能搞上水時,差人已開始驅散水貨客。本土派人士採用「鳩嗚團運動」模式發起行動,而食物環境衞生署(食環署)都加入混戰。[2]

發展[編輯]

香港公職人員食環署人員管衛生拉人時,有時中國水貨客借機打人。

部份光復人士向水貨客進行多種行為:包圍作戰、引發罵戰、攻擊水客貨物同旅行喼等。差人試圖維持秩序[3]。當時好多人好亂,有人形容係「戰爭」、「暴動」。[4][5]

影響[編輯]

  • 事件令香港服務業親中[註 1]即時受到明顯經濟打擊。2015年3月中開始,商務及經濟發展局蘇錦樑表示,行動令大陸客數字由升轉跌。2015年年初一至初七同2014年同期相比下跌4.3%,個人遊更跌8.6%;3月,大陸客總人次跌13%,個人遊跌幅接近19%。據報,香港藥房會有結業潮。《東張西望》反指,專做自由行生意就會有影響,但做街坊生意就會無事[註 2]
  • 親中派聲音認為,事件會損害香港「國際上好客形象」。中國大陸五毛借機辱罵港人;有自由行聲言以後唔會再去香港。政府開始推出政策回應行動,如將一簽多行改為一周一行。[6][7]

組織[編輯]

香港本土化運動組織 [8]

睇埋[編輯]

參考[編輯]

[編輯]

  1. 交易影響上,以零售業旅遊業為首,當中有依靠水貨客為生例如:藥房雜貨店,同針對中國旅遊團為收入相關公司。
  2. 真正香港民生行業有:茶餐廳文具店、家具店等。

出面網頁[編輯]