初凝芝茶
 | |
| 公司前類型 | 有限公司 |
|---|---|
| 公司結局 | 受搜捕事件影響停止運作 |
| 開檔 | 2020年12月20號 |
| 執笠 | 2022年2月24號 |
| 口號 | 「哪裡有壓迫，哪裡就有反抗」 「初心凝聚，堅持品質，不用国貨」 |
| 總部地址 |  香港旺角彌敦道688號旺角中心一期 1樓F86A |
| 緊要人物 | 侯穎欣、林宛宜 |
| 產業 | 台式嘢飲 |
| 產品 | 珍珠奶茶等 |
| 網址 | 初凝芝茶嘅Instagram頁 |
初凝．芝茶（粵拼：co1 jing4 zi1 caa4；英文：Ascohesion Cheese Tea），係香港一間執咗笠嘅嘅台式嘢飲舖，2020年12月20號喺旺角中心開張，2022年2月24號，被香港警務處國家安全處以「作出一項或多項具煽動意圖的作為」嘅罪名拉人，一日後被正式落案起訴。受搜捕事件影響，初凝芝茶無再開門，所有社交媒體停止更新。
搜捕事件
[編輯]背景
[編輯]内文：香港武漢肺炎疫苗接種計劃
初凝芝茶係黃色經濟圈嘅其中一間舖頭，庭上控罪律政司就話佢哋喺2020年10月1號到2022年2月17號期間，成日喺Facebook同Instagram張貼「反政府」內容，又指世界各地已經開始同病毒共存，呼籲香港人唔好打針，唔好用安心出行，就係有煽動意圖「引起憎恨或藐視中央或香港特別行政區政府或激起對其離叛」[1]。
喺香港，政府堅持推動「動態清零」做法，但坊間亦有討論同病毒共存嘅做法。2022年1月25號，民主黨公布一項民調結果，指65%受訪者贊成香港應該就同病毒共存策略作準備[2]。
雖然係公共衞生議題，而且建議亦得到一定民意支持，但親中派立法會議員何君堯就話，呢啲討論係違《港版國安法》[3][4]。
過程
[編輯]喺2022年2月24號，大約下晝四點，大批警員去到旺角中心一樓圍封間舖頭，拉咗兩個負責人，同時搜舖，拎走咗兩箱嘢，大約6點完成行動[5]。
審訊情況
[編輯]喺2022年2月25號，律政司喺西九龍法院提堂落案起訴侯穎欣同林宛宜，首被告侯穎欣因發高燒未能到庭，案件押後至4月21號提堂，羅德泉冇批准佢哋嘅保釋申請[6]。
判刑
[編輯]2022年6月28號，侯穎欣同林宛宜認煽動，分別判囚6同7個月[7]。
被搜捕者名單
[編輯]- 侯穎欣：老細、中文大學學生
- 林宛宜：老細
參考
[編輯]- ↑ 凌逸德 (2022-02-25)。〈「初凝 · 芝茶」2女遭國安處拘捕 暫控煽動意圖作為罪 今早提堂〉。《香港01》 (香港中文)。喺2022-04-25搵到。
- ↑ 〈香港民調：65%贊成"與病毒共存"策略作準備 民主黨指反映市民抗疫疲勞〉。《美國之音》。喺2022-02-21搵到。
- ↑ 〈港議員斥實施「與病毒共存」國家不負責任 港人推動涉違國安 港府稱討論不違法〉。《RFI - 法國國際廣播電台》 (繁體中文)。2022-01-31。喺2022-02-21搵到。
- ↑ 周禮希 (2022-01-30)。〈何君堯稱專家推「與毒共存」或違國安法 港府：純意見討論不違法〉。《香港01》 (香港中文)。喺2022-02-21搵到。
- ↑ 獨媒報導 (2022-02-25)。〈國安處搜黃店「初凝．芝茶」拘兩人 稱涉嫌抹黑防疫杯葛打針〉。《獨立媒體 inmediahk.net》 (香港中文)。喺2022-04-25搵到。
- ↑ 獨媒報導 (2022-02-25)。〈涉籲勿打疫苗 「初凝．芝茶」兩負責人被控煽動意圖罪保釋遭拒 一人發高燒未上庭〉。《獨立媒體 inmediahk.net》 (香港中文)。喺2022-04-25搵到。
- ↑ 〈涉籲勿打針遭警扮客拘捕「初凝．芝茶」兩人認煽動囚6至7個月 官指令抗疫雪上加霜〉。《獨立媒體 inmediahk.net》 (香港中文)。2022-02-25。喺2022-04-25搵到。
