喜茶

喜茶

產業	茶樓

喜茶香港銅鑼灣分店

喜茶（英文：Heytea）係中國大陸一個賣茶類嘢飲嘅連鎖牌子，以芝士奶蓋而出名。

雖則佢係大陸牌子，但佢對芝士嘅稱呼用咗粵語譯名嘅「芝士」，而唔係用大陸慣用嘅「奶酪」。

史

喜茶喺2012年開張，初頭係開喺廣東江門一條巷仔嘅舖頭仔，之後喺大陸各地開分店，又將總部搬到廣州。佢初頭叫皇茶（英文：Royaltea），後尾因為註冊唔到商標同好多山寨舖頭，2015年改用依家個名。

喜茶2017年用特許經營權方式判畀人用東喜茶（英文：Heeretea）個名喺香港開舖，不過因為同經營者有合約糾紛，所以決定自己喺香港開直營舖頭，2018年12月24號喺沙田新城市廣場開張，第二間分店喺2019年1月12號喺銅鑼灣時代廣場開張，第三間分店喺2019年2月23號喺銅鑼灣希慎廣場開張。高峰期香港總共有八間分店，但自從2019年下半年開始先後受反修例運動同 2019冠狀病毒病疫情影響，到2020年第二季執淨頭兩間分店。