國際天文學聯會

出自維基百科,自由嘅百科全書

國際天文聯會譯名,大陸新加坡國際天文學聯合會英文International Astronomical UnionIAU)於1919年7月28日喺比利時布魯塞爾成立,由當時嘅國際天文星圖計畫(Carte du Ciel)、太陽天文聯合會(Solar Union)同埋國際時間局(Bureau International de l'Heure)等幾個組織合併而成。其後,世界各國嘅國家級天文組織陸續加入,構成今日嘅規模。該會係國際科學理事會(ICSU)嘅國際科學聯合成員,亦係國際上承認嘅權威機構,負責統合恆星小行星衛星彗星等新天體以及天文學名詞嘅定義及英文命名。

IAU下面分成幾個工作單位,其中行星科學命名委員會(Working Group on Planetary Science Nomenclature,WGPSN),負責制定及維護天體命名規則公約同埋行星系嘅命名。IAU亦負責天文訊息全球電報通報系統,實際工作由中央天文電報局(Central Bureau for Astronomical Telegrams,CBAT)總整天文訊息嘅匯報及電報嘅發布。小行星中心(Minor Planet Center, MPC)負責喺太陽系裏面小行星衛星以外嘅天體資訊交流,亦喺IAU下操作。

截至2006年9月1日,總會共有85個不同國家或地區共8859位會員,美國有2417位會員,法國為625位,英國為573位而日本就有504位;中國大陸(南京)292位而中華台北則有30位會員。

組織及活動概況[編輯]

國際天文學聯合會嘅大多數活動係透過各天文領域嘅12個分會舉行。喺各分會下更細分成37個唔同研究領域嘅委員會。喺委員會下轄個別研究主題有關嘅90個工作小組。

該會每三年召開一次全體會議,討論IAU整體嘅活動方針,並有研究成果發表等研討會,與及遴選新屆IAU執委、各屬下委員會成員,新會員推薦等。此外亦定期喺歐洲亞太拉丁美洲召開各區域會議。隨著各式各樣天文事件嘅發展,亦會隨時召開小規模嘅學術研討會。

最近一次(第26屆,XXVIth)國際天文聯合會嘅全體會議於2006年8月14至24日喺捷克首都布拉格舉行,由世界各地(包括中國大陸台灣代表)等2500位天文學家代表出席,會議最受矚目嘅就係表決第5、6號共四份決議草案,重新確定行星定義,將冥王星由行星劃為新開設嘅矮行星(dwarf planet),而未來全體會議將審議更多天體列入矮行星一席。

對上一屆(第25屆)全體會議於2003年7月13至26日於澳大利亞悉尼舉行,下屆(第27屆)全體會議將於2009年8月3日至14日由巴西里約熱內盧舉辦,而第28屆全體會議將於2012年8月12日至25日喺中國北京舉辦。

出面網頁[編輯]