崇左

出自維基百科,自由嘅百科全書

座標: 22°22′0″N 107°21′0″E / 22.36667°N 107.35000°E / 22.36667; 107.35000

中華人民共和國 廣西壯族自治區 崇左市
第啲名 西原地
設市時間 2002年12月23號
行政區劃 1區1縣級市5縣
市政府駐地 江州
而家嘅市委書記 趙樂秦
而家嘅市長 黃克(壯族)
面積
- 總面積
- 市區面積
全區第7位
17,351平方公里
2,902平方公里
人口
- 總人口
- 佔區人口%
- 人口密度
(2009~2010年數據)
241萬人
5.1%
115人/平方公里
主要語言 壯語/粵語
國內生產總值
- 人民幣
- 折合美元
列全區第12位
329.37億元(2010)
US$57.96億美元
人均GDP
- 人民幣
- 折合美元
列全區第7位
18,734元(2010)
US$2,767美元
電話區號 0771
郵政編碼 532200–532800
車牌號照 桂F
市花
行政區類別 廣西壯族自治區轄市
崇左市喺廣西嘅位置
崇左

崇左粵拼sung4 zo2壯文Cungzcoj普通話拼音:Chóngzuǒ)係中國廣西壯族自治區轄下一個地級市。面積17351平方千米,人口241萬。郵政編碼532200。市人民政府喺江州區。而家嘅市長黃克壯族),市委書記係趙樂秦

[編輯]

秦朝以前,殘存嘅古代文化遺跡昭明,崇左係壯族先民駱越民族聚居嘅地方。秦朝時歸象郡。漢朝時歸鬱(郁)林郡。三國時歸晉興郡晉城縣。隋朝時歸西原地。唐朝時設“左江鎮、邕管羈縻太平州、左州”。宋朝時設“左江道置太平寨、崇善縣”。元朝時設“太平路”。明清時歸“廣西布政司左江道太平府、思明府、思明土府”;民國時歸“鎮南道、崇善縣、第七行政督察區”。到咗中華人民共和國嗰陣時,喺1951年設崇左縣、崇左專區。2003年改為崇左市

政區[編輯]

崇左轄1市轄區、5、1縣級市。

市轄區[編輯]

  • 江州區:崇左市經濟文化、信息同交通嘅中心,面積2902平方公里,人口36萬(其中壯族人口29萬)郵政編碼532200。區人民政府喺太平鎮新民路。

[編輯]

  • 扶綏縣:面積2876平方公里,人口44萬。郵政編碼532100。縣人民政府喺新寧鎮。
  • 大新縣:面積2756平方公里,人口37萬。郵政編碼532300。縣人民政府喺桃城鎮。
  • 龍州縣:面積2318平方公里,人口28萬。郵政編碼532400。縣人民政府喺龍州鎮。
  • 寧明縣:面積3698平方公里,人口43萬。郵政編碼532500。縣人民政府喺城中鎮。
  • 天等縣:面積2159平方公里,人口43萬。郵政編碼532800。縣人民政府喺天等鎮。

縣級市[編輯]

  • 憑祥市:面積 650平方公里,人口11萬。郵政編碼532600。市人民政府喺憑祥鎮。

人口[編輯]

崇左全市總人口2,419,583人,其中壯族人口2,159,735人,佔咗全市總人口嘅大概89.26%(2009年)。

崇左市各區(縣、市)面積同人口數據(2010年末)
區名 面積(公里²) 常住人口 戶籍人口
崇左市 17,345.47 1,994,300 2,435,272
江州區 2,951.44 316,700 363,228
扶綏縣 2,876.09 379,100 432,882
大新縣 2,742.13 296,600 370,887
龍州縣 2,311.19 221,800 270,943
寧明縣 3,695.21 337,100 432,882
天等縣 2,159.23 330,800 436,122
憑祥市 650.19 112,200 110,858

地理[編輯]

  • 地理坐標:北緯21°35′~23°22′,東經106°33′~108°07′。
  • 海拔標高:1358米。
  • 最高峰:寧明縣浦龍山同埋公母山。

經濟[編輯]

植物同動物資源係崇左市最重要嘅資源。崇左以全國產蔗產糖重要嘅基地著稱,並且係中國最大嘅產蔗產糖基地。

產業(2009年-2011年數據)[編輯]

農業[編輯]

崇左處於山地平原之間,地勢廣闊,又處於熱帶氣候,水同植物資源旺盛,所以崇左一嚮又有「綠色寶庫」之稱。農業增長最快嘅係糖蔗生產。2009年,總產量達到1700多萬噸,係全國產蔗產糖之冠[1]

工業[編輯]

2011年,崇左工業生產總值為485億元,增長33.7%[2]

商業[編輯]

2010年,崇左社會消費品零售總額為61.08億元,增長19.0%[3]

房地產業[編輯]

2009年,房地產開發投資為23.21億元,增長33.7%。房屋建築施工面積為68.5萬平方米,增長13.0%。房屋建築竣工面積為52.3萬平方米,增長27.4%。商品房屋銷售面積為78.8萬平方米,增長67.3%[4]

貿易[編輯]

崇左係邊境口岸市,陸地邊境線長533公里,佔咗全區陸地邊境線總長度嘅大概53%,係廣西邊境線最長嘅城市。崇左市有一類口岸3個(憑祥鐵路友誼關水口),二類口岸4個(平而愛店科甲碩龍),邊民貿易互市點13個。

  • 出口商品有:摩托車、五金機電、日用紡織品、儀器儀表、木制品、柴油機同埋農機配件、音響設備、錳制品、草竹藤制品、水泥、中西藥品等。
  • 進口商品有:越南同埋東盟國家嘅紅木制品、農副土特產品、幹鮮水果、橡膠椰子油棕櫚油、礦產、中草藥材、木材等。

資源[編輯]

動植物資源[編輯]

崇左有植物資源2000多種,其中木薯龍眼菠蘿八角、茶葉、指天椒、西瓜、桄榔粉、中草藥材都好聞名。重有動物資源300多種,其中歸國家重點保護嘅世界珍稀野生動物有30多種,其中又以白頭葉猴雲豹、冠斑犀鳥、黑葉猴穿山甲有名。野生植物種類佔咗全國1/4。

農業資源[編輯]

崇左係中國最大嘅產蔗產糖基地。甘蔗種植面積大概340萬畝,年產蔗糖大概200萬噸,佔咗廣西嘅大概35%同全國嘅大概21%。有「中國糖都」之稱。崇左劍麻種植總面積大概16.1萬畝,為廣西劍麻生產原料基地之冠。

工業資源[編輯]

崇左嘅支柱產業有:制糖、采礦、冶金、木材加工、建材、水電、醫藥等,其中蔗糖、錳業、建材同農副產品加工業係崇左三大支柱產業。主要產品有:機制糖、錳產品、水泥、鐵合金、酒精澱粉、精制茶。

礦產資源[編輯]

崇左有錳、鐵、膨潤土、吸附型離子稀土礦、鉛鋅礦、石灰石等30多種,其中錳礦儲量1.49億噸,為全國之冠,佔咗廣西嘅大概62.72%、全國嘅大概25%。有錳礦加工企業60多間。膨潤土儲量有6.5億噸,佔咗全世界儲量嘅大概1/5,為世界之冠,所以有「世界膨潤土之都」之稱。

水電資源[編輯]

崇左市有左江、明江、黑水河、水口河、平而河等。水力資源蘊藏量為60.43萬千瓦,可開發量為32.38萬千瓦,已開發量為20萬千瓦。

旅遊資源[編輯]

全市有國家級風景名勝區一個,國家級自然保護區一個,省級自然保護區四個,國家級文物保護單位三個,省級文物保護單位十七個,縣(市)級文物保護單位一百七十七個,旅遊景區三十一個。其中寧明花山巖畫喺列入世界文化遺產預備名錄。

文化藝術[編輯]

崇左嘅特色文化係壯族文化。花山文化、歌圩文化、天琴藝術等等都係崇左壯族文化嘅代表。其中又以壯族嘅舞龍、舞獅、搶花炮鬥雞、踩高蹺、拋繡球天琴演奏有名。龍州天琴喺2006年列入廣西壯族自治區非物質文化遺產

旅遊景點[編輯]

崇左著名旅遊景點有:德天瀑布、歸龍斜塔、弄官生態公園、崇左石景林、左江風光、花山巖畫、恩城國家級自然保護區、歸龍潭旅遊風景區、明仕田園景區,亦都係舉世聞名。

名人[編輯]

歷史人物[編輯]

  • 黃乾曜(? - 760),喺唐朝黃峒(家下廣西壯族自治區大新縣西部)出世嘅壯族人。唐朝黃洞蠻同埋西原蠻首領。佢以喺至德元年(公元756年)聚眾反抗起義而聞名,自稱中越王。  
  • 吳凌雲(? - 1863),喺清朝廣西新寧州渠盧村(家下崇左市扶綏縣渠黎鎮渠蘆村)出世嘅壯族人,新寧州附學生員(秀才)。佢以喺咸丰十一年(公元1861年)聚眾反抗起義而聞名,建地方政權“延陵國”,自稱延陵王
  • 譚浩明(1871 - 1925),喺清朝廣西龍州出世嘅壯族人。係舊桂系著名將領之一。做過龍州鎮守使,後尾做咗粵桂聯軍總司令。
  • 黃現璠(1899 - 1982),喺清朝廣西新寧州六都渠思村(家下崇左市扶綏縣渠舊鎮三合村渠思屯)出世嘅壯族人。係個歷史學、人類學、民族學家同埋教育家。做過全國人大代表、全國人大民族委員會嘅委員、中央對外文化聯絡委員會嘅委員,後尾做咗全國政協委員同埋漓江業余大學校長。
  • 謝鶴籌(1908-1988),喺廣西同正縣(家下崇左市扶綏縣)出世嘅壯族人。做過中央民委副主任,後尾做咗國家民委副主任。
  • 甘苦(1924-1993),喺廣西扶綏縣渠舊鎮出世嘅壯族人。做過廣西壯族自治區人大常委會主任,後尾做咗全國人大常委會副委員長。
  • 梁成業(1924-2009),喺廣西崇左出世嘅壯族人。做過中共梧州市委書記,後尾做咗中共桂林市委書記同埋廣西壯族自治區人民政府副主席。

現代人物[編輯]

  • 鄭義(1936-),喺廣西憑祥出世嘅壯族人。做過桂林市市長同埋廣西壯族自治區人民政府副主席,後尾做咗中華人民共和國朝鮮民主人民共和國特命全權大使同埋香港特別行政區籌委會預備工作委員會主任。

參考[編輯]

  • 《崇左市土地利用總體規劃(2006-2020年)》
  • 《崇左市2010年第六次全國人口普查主要數據公報》
  • 《中華人民共和國全國分縣市人口統計資料2010》

[編輯]

  1. 左市推進蔗糖產業發展紀實 發展蔗糖循環經濟. 左新聞網/中國在線. 原著喺2016-03-16歸檔. 喺2011-08-04搵到.
  2. 左市:在發展中創新爭先 工業總產值首次突破400億元大關. 西. 喺2012-01-10搵到.
  3. 西:崇左市2010年社會消費品零售總額突破60億元大關. . 原著喺2020-03-16歸檔. 喺2011-05-19搵到.
  4. 左市2009年濟和社會發展. 左市地方誌辦公室/崇左市人民政府網. 原著喺2015-11-03歸檔. 喺2010-12-31搵到.

出面網頁[編輯]