慶祝千禧年

出自維基百科，自由嘅百科全書
喺法國巴黎埃菲爾鐵塔嘅踏入千禧年前迎接嘅倒數

 慶祝千禧年（粵拼：hing3 zuk1 cin1 hei1 nin4） 係全球各地慶祝公曆結束1999年兼踏入2000年嘅大事。呢種噉嘅慶祝方式喺全球各地，可以形容成「結束20世紀兼迎接21世紀」、「人類踏入新千年」、「踏入第三個千年階段」。由於每年大除夕時，有好多活動場合都喺當地時間午夜時分搞新年倒數活動嚟迎接元旦兼新嘅一年嚟到，加上亦有好多活動場合喺元旦當日天曚光時正式開搞。

不過有好多喺中太平洋啲國家仔，成日強調話當地好接近國際日期變更線，究竟邊個最先到千禧年而產生一系列拗撬。尤其喺紐西蘭嘅漆咸群島、斐濟、基里巴斯同湯加、俄羅斯楚科奇半島當地啲人都拗咗一餐。正因爲基里巴斯喺1995年1月1號實行咗新時區同埋有部份國家仔實行咗夏令時政策而出現咗「第一個領域」、「第一個地方」、「第一個居住地」、「第一個城市」睇到新年嘅稱呼[1]。

實際上，1999年12月31號23:59:59踏入2000年1月1號00:00:00嗰個時段，最先係由UTC+14嘅所屬時區地方搞。喺基里巴斯最東邊嘅卡露蓮島，當地爲咗慶祝千禧年而將個島正式改名做千禧島，重話佢係地球上第一個地方踏入千禧年同人類踏入新千年階段[2]，喺基里地馬地亦搞咗一系列嘅千禧年慶祝活動[3]。而美國屬下嘅SSN-754潛艇亦同時喺正赤道同國際日期變更線嘅交界水深400m嘅海底搞慶祝新千年活動[4]。15分鐘後，喺紐西蘭嘅漆咸群島（UTC+13:45）亦有班毛利人開始祈禱，喺面向太平洋啲燈塔點著火把同埋學校啲學生開始唱歌嚟慶祝踏入21世紀同人類踏入新千年階段嘅事[5]。隨後陸續有好多國家同地方開始按當地時間到達00:00:00嚟搞慶祝千禧年活動。尤其係澳洲新南威爾士州悉尼，嗰時佢就嚟要辦奧運，喺海濱大橋近悉尼歌劇院一帶辦咗大規模嘅煙花盛典同橋樑嘅煙火瀑布效果[6][7]。而噉嘅慶祝千禧年活動，隨住嗰時最慢時區——薩摩亞成爲全球最後一個慶祝踏入千禧年嘅國家後，慶典先至全部辦完[1]。尤其係韋西加諾最西邊嘅薩維伊（英文：Savai'i），亦成爲全球最後一個慶祝踏入千禧年嘅城市[註 1][8]。咁啱喺國際日期變更線東邊冇幾遠嘅兩個無人島——豪蘭島同比卡島亦成爲全球最後一個踏入千禧年嘅地方[9]。

另外，喺20世紀，地球上最後一個睇到日落嘅村莊係薩摩亞韋西加諾入面，薩維伊最西邊嘅法萊阿盧波（英文：Falealupo），太陽喺當日19:02（UTC-11）先至落山；最後一個出世嘅孲𤘅子係出自美國康涅狄格州斯坦福嘅女仔——基莎·尼爾遜（Keisha Nielsen）[10]。喺21世紀，第一個出世嘅孲𤘅子係出自湯加嘅女仔——Kala Sosefina Mileniume Kauvaka[註 2][12][11][13]；第一縷陽光最先喺南極洲東邊，迪布冰川到維多灣嘅海邊範圍（66°03′S 135°53′E / 66.050°S 135.883°E / -66.050; 135.883）出現[14][15]。喺1995～1996年開始一直有人擔心嘅千年蟲問題，踏入2000年之後，除咗一小部份嘅嵌入式系統出事之外，大多數電腦都未出過彈返到「1900年」嘅錯誤故障[16][17][18]。

睇埋[編輯]

註同攷[編輯]

註
  1. ↑ 嗰時薩摩亞喺時區範圍屬UTC-11，直到2011年12月29號先至改時區，𨇣過同年12月30號到UTC+13嗰邊[1]。
  2. ↑ 雖然湯加當地媒體話佢係20世紀最後一個出世嘅人，但佢當地媒體唔知湯加嘅時區已經喺UTC+13而出咗咁大烏龍嘅報道[11]，隨後湯加媒體先至改返正報道。
攷
  1. ↑ 1.0 1.1 1.2 Aimee, Harris (1999). "Millenium: Date Line Politics". Honolulu magazine (第August版): 20. 原著喺28 六月 2006歸檔. 喺21 November 2012搵到.
  2. ↑ Rivera, Larry (1 January 2000). "Into the New Millennium". Australia Travel. About.com. 原著喺2016年3月4號歸檔. 喺21 November 2012搵到.
  3. ↑ YouTube上面嘅KIRIBATI: MILLENNIUM CELEBRATIONS WRAP (6)
  4. ↑ "Japan Holds Traditional, Millennium Celebrations". Orlando Sentinel. 1 January 2000. 原著喺2016-03-04歸檔. 喺26 October 2015搵到.
  5. ↑ Beale, Jonathan (31 December 1999). "Celebrating on Chatham Island". BBC. 喺26 October 2015搵到.
  6. ↑ Dennis, Anthony (1 January 2000). "Millennium dawns". The Sydney Morning Herald. Fairfax Digital. 喺23 December 2014搵到.
  7. ↑ YouTube上面嘅Video of Sydney Millennium fireworks
  8. ↑ "SAMOA TO CELEBRATE BEING LAST TO GREET NEW MILLENNIUM". Pacific Islands Report. 1998-02-26. 原著喺2019-08-23歸檔. 喺2019-08-23搵到.
  9. ↑ Y2k Trip
  10. ↑ "The last child of the 20th century reflects on her first decade". Sarah Lipman, Correspondent. stanford advocate. 2009-12-31. 原著喺2019-08-23歸檔. 喺2019-08-23搵到.
  11. ↑ 11.0 11.1 "BABY IN TONGA COULD BE FIRSTBORN OF MILLENNIUM". THE ORLANDO SENTINEL. 2000-01-08.
  12. ↑ "New millennium's first baby". BBC. 1999-12-31.
  13. ↑ Kala Sosefina Mileniume Kauvaka
  14. ↑ U.S. Naval Observatory (2003). "First Sunrise of the New Millennium". Astronomical Applications Department. 原著喺2019年8月22號歸檔. 喺2019年8月23號搵到.
  15. ↑ First Sunrise of the New Year 互聯網檔案館嘅歸檔，歸檔日期2019年8月23號，. USNO
  16. ↑ YouTube上面嘅鏗鏘集 - 千年蟲威脋 (2000)
  17. ↑ YouTube上面嘅《亞洲電視》新里程21 Y2K千年蟲 (1999-3-21)
  18. ↑ 【怀旧】曾经威胁全球计算机的千年虫危机 当时的中国如何应对？ bilibili
由「https://zh-yue.wikipedia.org/w/index.php?title=慶祝千禧年&oldid=2021237」收