村卜師默演曲

村卜師場刊。

村卜師默演曲，法國戲曲一段，村卜師戲中一曲，1752年當住法王路易十五初演，齣戲嘮囌作，曲詞都佢一手包辦，雖則終身都有人話佢抄襲出來。戲中有段曲，後人重新編曲，化成種種民歌童謠，基督教聖詩，詠物曲，情歌，唱遊歌，甚至軍曲。

曲出自戲中第八幕，中前段有默演，只跳舞演戲，無唱歌，曲式加霍舞曲。支曲來源又有說來自威尼斯船歌，盧梭聽過借來用。後來支曲種種演化，選段改編，譜上歌詞。雖則變得有似又唔似，或因為佢名氣大，後人都歸盧梭作曲。

齣戲傳到英國，1776年，有英文版多計人。之後啲人自行塞其他歌詞入曲。1788年，查理占士出咗美烈莎。而1812年，鋼琴家卡拉默以支曲寫咗變演奏曲，叫盧梭夢，並且有威廉波改舊歌，填詞落盧梭夢。依個版本編曲，同現今好似。後尾好多人跟盧梭夢自行再編曲，寫唔少變奏曲。約莫1850-1860年之間，舒伯特亦由此改作，同稱盧梭夢。保頓史密夫，熟知教會音樂，亦擔任管風琴樂師，都改過卡拉默版本，亦叫盧梭夢。

有好多基督教聖詩以支曲寄調，英國美國，起碼有九十首。留意一詩寄數曲，一曲寄數詩，都好常見，要指明何詩何曲。一八二五年，經已有出版叫綠市。及後亦盧梭個名，同埋重有綠田、盧梭讚歌等。聖詩至多為來、爾等罪人、貧者乏者，其次主、解散我等以爾祝福、填我等心喜樂平和、再其次來、爾泉源一齊祝福咁。另有1844年聖詩有甘之苦難。

19世紀中美國，又化成民歌童謠，名老灰鵝，更多叫《去講畀亞姨知》，亞姨有唔同名，以露姨至流行。歌好短，講題目三次，就話老灰鵝死咗。亦有版本加長佢多幾節。歌詞所寫有啲恐佈。有說老灰鵝個古仔，出自加勒比海非洲裔人，講狐對一班鵝。

電子遊戲惡靈古堡第七版，改編拎來做主題曲。嘉富康用意唔使流行曲，世界都好多人都知曲調，由開心改編到好恐怖。編者就用依首美國日本都好多人識嘅歌，編曲改歌詞，改成人人死。

另外，歐洲各地都有種種版本，如捷克、挪威、法國咁。

支歌日本都好流行，甚至有日本人以為自家傳統歌。支曲傳入有兩途，一經卡拉默盧梭夢。另一經由基督教傳教士，聖詩綠市曲調。日文版有種種歌詞，有基督教聖詩，又有一般歌曲，又有軍歌。至初明治年間，1881年，寫咗支見渡，意思環顧，取自古今和歌集，風流詠物。1895年，軍國興起，又出咗支戰鬬歌，又出咗支進撃追撃行進曲。戰後至流行，1947年化身童謠唱遊收放，幼稚園會教，然而詞人不明。唱遊收手成拳，放手成掌，又有拍手，手上手下手頭手膝咁郁法。

韓國中國受日本影響。韓國有植松，受見渡影響。中國有尚武之精神，受戰鬬歌影響。

各地

齣戲法文Le Devin du village，當中默演曲Pantomime。英文戲叫The Cunning Man。

英文歌Melissa，女人名，希臘文意思蜜蜂，而赫梯文意思蜜糖。

變奏曲同歌，英文Rousseau's Dream，法文Le Songe de Rousseau。

聖詩調，英文有名Greenville，亦有Rousseau，又有Greenfield，同埋Rousseau's Hymn。

英文聖詩配調好多，至多三隻，第一Come, Ye Sinners, Poor and Needy，第二Lord, dismiss us with Thy blessing, Fill our hearts with joy and peace，第三Come, Thou Fount of Every Blessing。另外有Sweet Affliction。

民歌，英文Old Grey Goose，又有亞姨名，如有Go Tell Aunt Rhody，有Go Tell Aunt Rhodie，有Go Tell Aunt Nancy，有Go Tell Aunt Tabbie，有Go Tell Aunt Sally，有Go Tell Aunt Suesy等等。

日文戰前有見渡せば，有戦闘歌，有進撃追撃行進曲。戰後只流行唱遊歌，むすんでひらいて。

韓文有植松，中文有尚武之精神、禮拜散時歌。