柯尼斯堡肉丸

柯尼斯堡肉丸

柯尼斯堡肉丸
第二個名	Soßklopse
起源地	德國
地區	東普魯士柯尼斯堡
主要成分	肉崧 (傳統做法 牛仔肉，亦可以用牛肉或者豬肉)
常用成分	白汁同刺山柑

柯尼斯堡肉丸 (德文：Königsberger Klopse)，又叫Soßklopse，係種德國特產嘅肉丸，主要用豬肉同埋牛肉；而喺整呢個餸嗰陣亦會搭配薯仔，同埋加白汁同刺山柑。

名

柯尼斯堡肉丸係根據東普魯士城市柯尼斯堡（而家屬於俄羅斯加里寧格勒）嚟命名，而呢個餸亦係東普魯士餐嘅代表餸。因為喺第二次世界大戰之後，柯尼斯堡俾蘇聯併吞咗，為咗避免同柯尼斯堡撞名，所以德意志民主共和國（東德）走將呢個餸叫做Kochklopse (翻譯做粵語就係滾肉丸)。 因為原本喺柯尼斯堡生活嘅德意志人經已俾蘇聯驅逐到德國本土，所以而家柯尼斯堡係個俄羅斯族佔多數嘅地方，而蘇聯亦都根據蘇聯革命家Mikhai kalilin嘅名嚟為柯尼斯堡改名。柯尼斯堡肉丸亦畀啲人戲稱做Revanchistenklopse 而家柯尼斯堡肉丸都喺現代德國係個非常之受歡迎嘅餸。

柯尼斯堡肉丸

2022年美國電視台頻道CNN將柯尼斯堡肉丸列咗做最佳德國餸之一

準備

雖然一般肉丸係由非常之精細嘅牛仔肉整成嘅，但係比較平嘅牛肉同豬肉亦係啲人成日會用嘅替代品，連埋洋蔥、蛋、少量嘅麪包糠、同香料（主要係胡椒）。傳統嘅食譜會用鯷科。如果鯡魚俾替代嘅話，個餸就叫做羅斯托克肉丸。如果鯷科同鯡魚都冇咗嘅話，啲人會將佢叫做Soßklopse (翻譯做粵語就係醬油肉丸).

首先肉丸會浸喺鹽水度燉煮，然後將上湯、麵糊、忌廉同蛋黃再加埋刺山柑撈埋一齊。簡單版嘅版本淨係會用麵粉或者澱粉嚟令醬汁變調，而蛋黃就會俾省略。 而另一個精製嘅版本就淨係會用蛋黃嚟到做增稠劑。刺山柑係三個版本嘅主要成份。

傳統上，呢個餸會搭配埋紅菜頭同薯仔一齊，或者飯。

睇埋

• East Prussian dishes
• List of meatball dishes