楊茜堯

出自維基百科,自由嘅百科全書
(由楊怡跳轉過嚟)
跳去導覽 跳去搵嘢
楊茜堯
楊怡.jpg
出生日1979年8月30號 喺Wikidata改呢個 (41歲)
出生地香港 喺Wikidata改呢個
國籍中華人民共和國 喺Wikidata改呢個
母校Chiu Chow Association Secondary School 喺Wikidata改呢個
職業演員、電影演員 喺Wikidata改呢個

楊茜堯英文Tavia Yeung Sin Yiu1979年8月30號—),原名楊怡英文Tavia Yeung Yi),係香港女演員,鄉下喺廣東湛江,係無綫電視藝員。楊怡憑住劇集《智勇新警界》喺《2003年度萬千星輝賀台慶》贏到「本年度我最喜愛的飛躍進步女藝員」,之後又憑住劇集《宮心計》喺《2009年度萬千星輝頒獎典禮》贏到「我最喜愛的電視女角色」。

2020年10月改名做楊茜堯[1]

簡歷[編輯]

楊怡自細喺沙田沙角邨度大。兩歲嗰陣親生阿爸過身,阿媽喺佢7歲嗰時改嫁;家姐楊卓娜(原名楊娜)都係無綫電視藝員。中學喺馬鞍山潮州會館中學讀,直到1999年中五畢業之後,就入咗無綫電視第13期無綫電視藝員訓練班[2]

訓練班畢業之後,佢試過喺《萬千星輝賀台慶》入面做歡樂小姐,同埋喺幾套電視劇入面做茄喱啡。第一次拍電視劇,就係喺《狀王宋世傑》入面做一個冇對白嘅師姑。去到2001年,因為佢個樣好似當時無綫嘅一線花旦張可頤,於是監製就被安排佢喺《婚前昏後》入面做佢個妹孫慶欣,觀眾先開始留意佢[2][3]

2003年,入咗行4年嘅楊怡終於憑住《智勇新警界》入面嘅「wet妹」角色溫嘉莉贏咗當年嘅「我最喜愛的飛躍進步女新人獎」。之後,佢有得喺《大唐雙龍傳》、《學警雄心》、《滙通天下》、《賭場風雲》、《溏心風暴》同《建築有情天》等等嘅電視劇演出。

到咗2008年,楊怡喺《溏心風暴之家好月圓》中演「攞女」孫皓月一角[4],憑住呢套劇攞到2008年度萬千星輝頒獎典禮「最佳女配角」。第二年,楊怡喺古裝劇《宮心計》入面第一次演反角姚金鈴[5],重成為2009年度萬千星輝頒獎典禮「最佳女主角」大熱門之一。

2009年度萬千星輝頒獎典禮,楊怡就憑住《宮心計》中姚金鈴一角,攞到「我最喜愛的電視女角色」,同時重贏埋無綫頒出嘅「最佳表現獎」。但係,頒獎典禮之後,有啲網民認為楊怡冇資格攞「我最喜愛的電視女角色」,惹嚟一啲Fans狂插賽果唔公平[6]

2020年10月,楊怡宣佈兩公婆一齊改名,自己改名做「楊茜堯」,老公羅仲謙改名做「羅子溢」。[7]

代言產品[編輯]

參考[編輯]

  1. [1],2020年10月26號
  2. 2.0 2.1 "面對面:有味白開水 楊怡《Face》2009年12月16號。". 原著喺2014年3月22號歸檔. 喺2011年6月30號搵到.
  3. 豪語錄:To be, or not to be 楊怡[失咗效嘅鏈],《壹週刊》2008年10月9號
  4. 楊怡「攞女」帶挈賺首期,Yahoo!新聞。2008年9月13日,娛樂新聞。
  5. 楊怡爭視后阿佘被拋離,太陽報。2009年11月30號,娛樂新聞。
  6. 「無綫捨阿佘谷新寵上位楊怡戲渣奪兩獎不服眾」,蘋果日報 2009年12月6號
  7. 羅仲謙楊怡夫婦齊改名 網民嫌難讀:唔改好過改

出面網頁[編輯]