基督教正生書院
 |
基督教正生書院係香港一間由基督徒搞嘅私立中學[1]，係全亞洲唯一嘅戒毒學校[2]。學校喺大嶼山芝麻灣半島嘅下徑[3]（又叫做霞澗或者蝦澗）。2009年大約有110個學生。學校係由而家嘅校長陳兆焯博士喺1998年創辦，校監係創立正生會嘅林希聖先生。學校內嘅學生喺入學前情緒、行為上「出現偏差」、失控（例如打交、食煙、濫藥），佔百分之九十都係由香港法庭判入去。學生喺入學嗰陣都已經係冇晒毒癮[4]。
學校類型
[編輯]正生分級為中一至中六，已獲批新高中學制/三三四課程，今年亦有20名學生合資格報考新高中文憑試，亦有報導話呢間係特殊學校[5][6][7]。雖然正生比起一般學校嘅模式特殊，但呢種說法係唔受到教育局規範。香港而家有60間資助特殊學校[8]，根據教育局嘅網頁，正生唔屬於資助特殊學校，而係一間私立群育中學[9]。
創辦機構
[編輯]香港社團註冊為基督教正生會有限公司，喺1985年創辦，正生會亦提供咗自願者住院輔導，住院者通常都係未成年而且受毒癮困擾嘅人，佢哋希望脫離癮癖，學習重新融入主流社會。
課程
[編輯]- 預備班（中一）
- 基礎班（中二、中三）：中文、英文、數學、聖經、體育（目標為本課程）
- 會考班（中四及中五）：木工、電腦、鋼琴維修、養魚、手工藝、園藝、維修等
- 興趣班︰鋼琴、結他、理髮、烹飪、合唱、籃球、游泳等。
申請搬去梅窩爭議
[編輯]正生書院芝麻灣校址，因為2007年青少年濫藥問題嚴重，學生人數突然增加近三倍，令到住宿床位唔夠、設施及資源嚴重缺乏，加上成日有大石碌落嚟，土力工程署評定校址為危險地帶，勸喻佢哋搬，因此正生申請搬去梅窩原本係新界鄉議局南約區中學嘅空置校舍[5][6]，但受到部分當地嘅居民反對[10]，並遊行抗議遷入[11]。2009年6月21號，香港電台城市論壇喺正生書院舉行，並邀請相關官員同地方人士，討論正生書院搬校問題，同埋共同商討各種可能嘅多贏方案[12]。專欄作家梁啟智諷刺指有人提出「為何不把正生搬到特首辦」（點解唔將正生搬去特首辦）。[13]陳兆焯校長後來表示曾經睇過鄉議局所畀嘅6個選址分別為荃灣、元朗、西貢、上水同屯門的廢置校舍都無一個合適[14]，表示對梅窩居民仍然有信心，同埋認為梅窩係最佳嘅選擇。部分梅窩居民認為佢冇包容以前部分當地居民嘅反對聲音。[15]
其他爭議
[編輯]2009年壹週刊報導話基督教正生會喺福建武夷山開咗一間叫「武夷山正生旅遊開發有限公司」既旅遊公司，但旅遊公司係一間集夜總會、卡拉OK、足浴、色情按摩於一身嘅淫竇。另外正生會喺國內嘅投資有成三千萬港元，佢啲資金主要來自香港正生書院嘅學費住宿收入[16]。2009年8月，正生校監就斥責《壹週刊》扭曲事實[17]，正式入稟控告《壹週刊》誹謗，案件等緊排期審理。
參考
[編輯]- ↑ 〈學校搜尋〉 (香港中文)。教育局。2009-04-09。喺2009-06-28搵到。
{{cite web}}: CS1 maint: url-status (link) - ↑ http://www.lizawang.com → 荃面睇 → 荃話題 → 正生書院 → 正生書院
- ↑ 〈基督教正生會有限公司〉 (PDF)。《保安局禁毒處》。2009-06-23。原著 (PDF)喺2007-07-10歸檔。喺2009-07-02搵到。
- ↑ 〈星期日檔案 - 正生書院的日與夜〉 (香港中文)。電視廣播有限公司。2009-06-21。原著喺2009-06-25歸檔。喺2009-06-28搵到。
- ↑ 5.0 5.1 〈正生書院難入梅窩〉。星島日報。原著喺2009-06-25歸檔。喺2009-06-20搵到。
- ↑ 6.0 6.1 〈正生書院遷梅窩 本質是教育問題〉。明報。2009-06-16。原著喺2009-06-19歸檔。喺2009-06-20搵到。
- ↑ 教聯會主席 (2009-06-25)。〈正生書院遷址，何去何從？〉。今日校園。原著喺2009-07-19歸檔。喺2009-07-01搵到。
- ↑ 資助特殊學校名單[失咗效嘅鏈]
- ↑ 〈分區學校名冊－離島區〉 (繁體中文、英文)。教育局。2009年3月。原著喺2009-11-29歸檔。喺2009-07-02搵到。
{{cite web}}: CS1 maint: unrecognized language (link) - ↑ 〈新聞透視－正生風波〉 (香港中文)。電視廣播有限公司。2009-06-20。原著喺2009-06-24歸檔。喺2009-06-28搵到。
- ↑ 〈梅窩居民遊行抗議正生書院遷入〉。星島日報。原著喺2009-06-18歸檔。喺2009-06-17搵到。
- ↑ 接納「正生」顯關懷 遷址梅窩盼和諧 互聯網檔案館嘅歸檔，歸檔日期2009年6月24號，.城市論壇，香港電台，2009年6月21日
- ↑ 梁啟智 (2009-06-27)。〈為何不把正生搬到特首辦？ ——淺談空間公義〉。明報。喺2009-06-28搵到。
{{cite news}}: CS1 maint: url-status (link) - ↑ 〈正生：6址無一合適〉。明報。2009-06-29。喺2009-06-30搵到。
{{cite news}}: CS1 maint: url-status (link) - ↑ 〈正生書院: 遷往梅窩仍屬首選〉。大公報。2009-6-29。原著喺2009-12-02歸檔。喺2009-6-30搵到。
{{cite news}}: Check date values in:|accessdate=、|date=(help) - ↑ 香港壹週刊 1014期 正生$2000萬投資雞竇
- ↑ 〈正生校監斥《壹週刊》扭曲事實 - 東方日報〉。orientaldaily.on.cc。喺2024-01-23搵到。
出面網頁
[編輯] |