瑪莉蓮夢露

夢露喺 Gentlemen Prefer Blondes 嘅劇照

瑪莉蓮夢露（英文：Marilyn Monroe，全名：Norma Jeane Mortenson ，受洗名：Norma Jeane Baker，1926年6月1號—1962年8月5號）曾經係金球獎嘅影后、萬人迷嘅美國女明星、歌星、模特兒。又係荷里活、時尚、流行文化、同性感符號嘅代表人物。佢以佢嘅美貌，喜劇表演同埋螢幕媒體方式而出名。佢喺福布斯被列為係〈福布斯搵錢最多死咗嘅名人排行榜〉 。

瑪莉蓮私生活，一直受人關注。而佢一直要對自身問題，焦慮、憂鬱、食藥。第二三次婚姻，大鑼大鼓開始，皆離婚收場。1962年8月5號，為時三十六歲，俾人發現死喺洛杉磯屋企佢間房裏面。警方調查過後，正式宣佈食過多安眠藥自殺死，之不過，有多人都懷疑佢可能係俾人謀殺。佢嘅死到而家重係一個迷。

細個嘅瑪莉蓮生活

人生嘅開始

夢露喺加利福尼亞州洛杉磯市立醫院出世。根據一名傳奇學家，弗瑞德·勞倫斯·吉勒（Fred Lawrence Guiles），夢露嘅婆婆同佢洗禮時，有位女傳教士艾梅·麥克弗森改名叫佢諾瑪·簡·貝克（Norma Jeane Baker）。1946年，佢用藝名叫自己瑪莉蓮夢露，但佢嗰名響1956年先合法使用。

《瑪麗蓮·夢露最後的日子》嘅作者唐納德·沃爾夫講到，夢露嘅親生爸爸係查爾斯·斯坦雷·基佛德（Charles Stanley Gifford）。但係喺夢露嘅出世紙寫住，馬丁·愛德華·莫滕森（Martin Edward Mortensen）喺佢親生爸爸。所以，究竟夢露嘅親生爸爸係邊個，到而家都重討論緊。

領養

夢露媽媽響佢細個就因精神問題，將夢露送咗去洛杉磯市中心西南部霍桑嘅艾爾伯特同伊達·勃蘭德爾嘅領養家庭到直到七歲為止。喺夢露嘅自傳《我的故事》（由本·赫希特執筆）入面講到，佢一直以為韋恩同伊達喺佢親生父母，直到伊達將個事實話畀佢聽。

《我的故事》入面又講到，佢媽媽每個星期六都去睇佢。有一日，佢媽媽宣佈話買咗棟屋畀佢同佢領養父母。搬咗幾個月後，佢媽媽開始精神有問題，最後 送咗去諾瓦克嘅州立精神病醫院直到佢去世。

夢露媽媽嘅朋友格雷斯·麥基，後黎成為夢露嘅監護人。1935年，格雷斯結婚後，夢露送咗去洛杉磯孤兒院，後期又送咗去領養家庭。 1941年9月，格雷斯再領養咗佢。之後，格雷斯介紹佢鄰居個仔詹姆士·多爾蒂同佢結婚，等夢露唔使再俾人領養或者送番去孤兒院。夢露喺佢自傳講到，當時結咗婚佢都唔覺得佢做咗人哋嘅老婆。佢好鍾意成日出去同啲朋友玩，直到佢老公叫佢番去為止。佢哋個婚姻係1946年散咗，因為夢露選擇投入佢嘅事業。

夢露之死

1962年8月5號，夢露喺洛杉磯布萊登木寓所嘅卧室入面被發現死亡，死因係食咗太多安眠藥。有啲人唸埋甘迺迪總統之後遇刺，認為夢露嘅死，係因為佢捲入甘迺迪家族同政治圈嘅黑幕。但係，甘迺迪嘅其他緋聞女友好似朱迪思·坎貝爾·埃克斯納（佢都係黑幫領袖薩姆·詹卡納嘅情婦）等生存得比甘迺迪重耐，所以呢種推測重係有疑點。

死因嘅傳統講法

發現夢露嘅遺體係同佢一齊住嘅管家恩尼奇·穆雷，佢係由夢露嘅心理醫生拉爾夫·格林森派返嚟嘅。穆雷喺夢露死咗幾日之後，帶住夢露簽發嘅200蚊美金嘅支票去銀行要求攞番啲錢。但喺比華利山嘅花旗銀行拒絕承兌，重指嗰張支票幾日前已經過期。而家呢張支票被保存喺荷里活娛樂博物館嘅夢露展廳入面。到咗1970年代，穆雷終於喺《瑪莉蓮，最後嘅幾個月》本書入面講咗夢露死嗰晚一啲不為人知嘅細節。

1982年，洛杉磯警方正式調查夢露嘅死因，但搵唔到犯罪嘅有力證據。負責遺體檢驗嘅托馬斯野口醫生（佢都係羅伯特甘迺迪、納塔利伍德同威廉霍爾登等人嘅檢驗醫生）喺佢著作嘅《驗屍官》入面寫：瑪麗蓮嘅死有好大可能係自殺。但係，佢又承認喺檢驗期間發現佢個胃有致死嘅安眠藥殘渣。所以有一種觀點去懷疑夢露係因為靜脈注射嘅毒品致死。

夢露情深說話

「

荷里活呢個地方會畀到一千蚊嘅飛吻同五仙嘅心靈精神你。"

」

「

"我自私、冇耐性、冇安全感。我會做錯嘢。我有時會失控到令人無法忍受。如果你忍受唔到我最差嘅一面，咁你絕對唔配得到我最好嘅一面。"

」

「

"我唔知邊個發明高踭鞋，但好多女人都欠咗佢好多。"

」

「

"我唔介意住喺男人嘅世界，最緊要喺佢哋角度我係女人。"

」

「

"全部都係虛幻嘅，唔係咩？"

」

「

"我對成為家庭主婦呢件事充滿幻想…或者我就係一個幻想。"

」

「

"我鍾意做啲出唔到街嘅嘢。"

」

「

"如果我跟足遊戲規則，就唔會有今日嘅成就。"

」

「

"我好想搵番我自己，但有時唔係話講就搵到。出面有好多人都搵唔到佢自己，但呢啲係我一定要搵嘅嘢。要搵我自己，就要去證明我係一名演員。"

」

電影作品

電影名嚟自以下網站。

• 1947年危險的年代（Dangerous Years）
• 1948年你註定屬於我（You Were Meant for Me）
• 1948年斯庫達，嚯！斯庫達，嗨！（Scudda Hoo! Scudda Hay!）
• 1948年飛龍引鳳（Green Grass of Wyoming）
• 1948年熱女郎（Ladies of the Chorus）
• 1949年愛之歡樂（Love Happy）
• 1950年去托馬霍克的票（A Ticket to Tomahawk）
• 1950年夜闌人未靜（The Asphalt Jungle）
• 1950年火球（The Fireball）
• 1950年彗星美人（All About Eve）
• 1950年鐵臂金剛（Right Cross）
• 1951年家鄉故事（Home Town Story）
• 1951年自我感覺年輕（As Young as You Feel）
• 1951年愛巢（Love Nest）
• 1951年讓我們堂堂正正結婚吧（Let's Make It Legal）
• 1952年夜間衝突（Clash by Night）
• 1952年未婚伉儷（We're Not Married!）
• 1952年無需敲門（Don't Bother to Knock）
• 1952年妙藥春情（Monkey Business）
• 1952年綿繡人生（O. Henry's Full House）
• 1953年飛瀑怒潮（Niagara）
• 1953年紳士愛美人（Gentlemen Prefer Blondes）
• 1953年願嫁金龜婿（How to Marry a Millionaire）
• 1954年大江東去（River of No Return）
• 1954年銀色星光（There's No Business Like Show Business）
• 1955年七年之癢（The Seven Year Itch）
• 1956年巴士站（Bus Stop）
• 1957年遊龍戲鳳（The Prince and the Showgirl）
• 1959年熱情如火（Some Like It Hot）
• 1960年我愛金龜婿（Let's Make Love）
• 1961年亂點鴛鴦譜（The Misfits）
• 1962年紙包不住火（Something's Got to Give）未完成

連出去

• 好友呃夢露自殺（英文）
• 瑪莉蓮夢露官方網站（英文）
• 羅伯特米切姆同瑪莉蓮夢露（英文）
• 夢露相關嘅詳細資料（英文）
• 瑪莉蓮夢露喺互聯網電影資料庫嘅資料（英文）
• 關於多指畸形傳聞嘅網頁（英文）
• 夢露影迷論壇（英文）
• 阿瑟·米勒與夢露婚姻（中文）
• 夢露畫傳（中文）