臨時房屋區

朗邊中轉房屋辦事處，沿用原本臨屋區嘅建築

臨時房屋區，簡稱臨屋區（THA），又叫安置區，曾經係香港用嚟安置受清拆、火災或其他天災影響而急需安置但係又未能夠即時符合入住公屋人士嘅臨時住所，而家已經冇咗，由中轉房屋取代。

早期稱為「安置區」，主要係政府劃出空地同各間面積，由居民自行委託承建商，以木板或鋅鐵搭建而成嘅平房。1970年代後期，「安置區」改稱為「臨時房屋區」，臨屋嘅建築（簡稱臨屋）通常係一至兩層樓高嘅平房，由政府負責起，視乎每戶人數分派到一層或兩層嘅單位，單位冇廚房、浴室、廁所等，住戶要喺屋外生火煮食，亦需要去公共廁所，而部份喺偏遠地方或座數多嘅臨屋區，會設有市場或士多，好似荔景、圓洲角等，而臨屋區唯一用水泥興建嘅建築物，多數都係變壓站同房屋署辦事處，早年立法局議員李柱銘喺永泰臨時房屋區設有辦事處。部份大型臨屋區亦設有巴士總站，好似青欣、田心等等。

臨屋區以居住環境最為人詬病，唔單止窄，而且衛生環境惡劣。末代港督彭定康1995年巡視九龍灣啟祥臨屋區時，當地居民送上一隻活捉嘅大老鼠抗議。最後彭定康喺施政報告中話要喺1997年前清拆所有臨時房屋區。香港最後一個臨屋區——西貢沙角尾臨時房屋區——嗚2001年5月31號完成清拆，標誌住殘舊嘅臨時房屋區完成歷史任務。

一覽

港島區

東區

名	位置	現況
漁灣臨時房屋區	柴灣怡順街、怡盛街交界以北及漁灣邨漁順樓以西一帶	西至東：柴灣公園部份範圍、港大同學會小學及柴灣已婚警員宿舍
常泰臨時房屋區	柴灣貨物裝卸灣以北新填地：常茂街、常安街交界以北一帶	新巴車廠
常安臨時房屋區	柴灣貨物裝卸灣以北新填地：盛泰道、常茂街交界以北一帶	部份土地發展為杏花邨變電站、露天停車場，或被丟空
永泰臨時房屋區	柴灣盛泰道、永泰道交界以東一帶	部份土地發展為城巴車廠、香港高等教育科技學院校舍及機電工程署香港汽車維修中心，其餘部份被劃為露天停車場或被丟空
安業臨時房屋區	柴灣豐業街以南，前中巴車廠以北	石油氣加氣站及露天停車場

南區

名	位置	現況
薄扶林臨時房屋區	薄扶林道、置富道交界以北	中華廚藝學院暨薄扶林技能訓練中心
田灣臨時房屋區	香港仔海旁道、田灣海旁道嘅道路交匯處	道路交匯處
黃竹坑臨時房屋區	鴨脷洲大橋香港仔出口旁	香港仔網球及壁球中心
惠福道臨時房屋區	惠福道珍寶閣以西	深灣9號
南風臨時房屋區	南風徑	港怡醫院
利東臨時房屋區	利東邨利東村道1號	香港真光書院現址

九龍

深水埗區

名	位置	現況
發祥街臨時房屋區	發祥街、英華街一帶	西九龍法院大樓
欽州街臨時房屋區		深水埗公園二期
長沙灣臨時房屋區		幸俊苑、幸福邨福日樓及福明樓
幸福街臨時房屋區	長沙灣臨時房屋區首期拆卸後，剩低部份改成呢個名	幸俊苑
荔枝角道臨時房屋區	荔枝角道、興華街、通州街交界內	漁農自然護理署臨時家禽批發市場
歌和老街臨時房屋區	石硤尾公園對面	香港城市大學學生宿舍，部份擬建城大同理大共用學生宿舍
大窩坪臨時房屋區	歌和老街、南昌街、澤安道交界	道路交匯處及運輸署澤安道考試中心
白田臨時房屋區		石硤尾公園運動場
龍坪道臨時房屋區	大窩坪龍坪道盡頭	住宅項目工地、部分龍駒道

九龍城區

名	位置	現況
常盛街臨時房屋區	常盛街39號	常樂邨及東華三院黃祖棠社會服務大樓
佛光街臨時房屋區	佛光街、常樂街交界對面	何文田西配水庫同香港房屋委員會標準單位模擬中心
孝民街臨時房屋區	孝民街、忠義街交界以北	何文田公園同休憩中心
孝仁臨時房屋區	毗鄰前孝民街臨時房屋區以東	何文田體育館

黃大仙區

名	位置	現況
橫頭磡臨時房屋區	富美街、竹園道交界	嘉強苑
彩竹臨時房屋區	竹園道、馬仔坑道交界，天宏苑對面	馬仔坑遊樂場
竹園東臨時房屋區	竹園北邨梅園樓、桃園樓之間	盈福苑

觀塘區

名	位置	現況
坪石臨時房屋區	彩盛里末端	坪石遊樂場、彩興苑彩萱及彩薈閣
順利臨時房屋區	利安道、新清水灣道交界	順利紀律部隊宿舍、順利邨遊樂場同3間學校校舍
樂華臨時房屋區	樂華邨安華樓以北山坡上	福建中學及樂華天主教小學校舍
康寧道臨時房屋區		康寧道公園一期
九龍灣臨時房屋區	常怡道、宏茂街、宏遠街、宏泰道、臨豐街交界內	企業廣場5期（MegaBox）、企業廣場3期、一號九龍（One Kowloon）、零碳天地及Manhattan Place（曾改作建造業議會訓練場）
啟悅臨時房屋區	常悅道、常怡道、臨豐街、宏泰道交界內	國際交易中心及臨時停車場
啟照臨時房屋區	常悅道、宏泰道、宏遠街交界	富通中心
啟宏臨時房屋區	臨利街、宏泰道之間	金利豐國際中心
啟祥臨時房屋區	啟祥道、宏光道、啟禮道、宏照道交界內	九龍灣公園2期、高銀金融國際中心及香港輔助警察隊總部
啟樂臨時房屋區	啟禮道以北	九龍灣單車公園同3間學校校舍
啟耀臨時房屋區	宏照道麗晶花園第16至18座對面	宏照道公屋項目（第一期）
啟和臨時房屋區	啟泰苑東南面	九龍灣聖若翰小學校舍
啟福臨時房屋區	祥業街、宏照道、啟福道交界，前臨啟德機場跑道	觀塘繞道同啟德醫院（起緊）、T2主幹道預留隧道結構（起緊）
海濱道臨時房屋區	海濱道、順業街、偉業街交界	臨時停車場
有成街臨時房屋區	茶果嶺道、成業街交界（前有成街）	臨時停車場及前成業街休憩花園，長遠會起商業大廈
茶果嶺臨時房屋區		麗港城一期第13至20座
曬草灣臨時房屋區		麗港城二期
三家村臨時房屋區	草園街、四山街	三家村遊樂場

新界

葵青區

名	位置	現況
葵芳臨時房屋區	興芳路、葵福路、葵富路、葵仁路之間	新都會廣場、葵涌廣場及葵青劇院
荔景臨時房屋區	荔枝嶺路、荔崗街、荔峰街之間	瑪嘉烈醫院荔景大樓、荔景紀律部隊宿舍及浩景臺
石籬臨時房屋區	石梨街、大白田街、石排街、安足街交界內	石籬邨石歡樓
石蔭臨時房屋區	安捷街以東	安蔭邨第一期
大白田臨時房屋區	大白田街、梨木道交界以東	石蔭東邨
葵泰臨時房屋區	榮芳路、高芳街、興盛路交界內	香港四邑商工總會陳南昌紀念學校
葵順臨時房屋區	葵盛圍葵盛遊樂場側	葵聯邨第二期
葵樂臨時房屋區	葵盛圍188號	高盛臺
葵康臨時房屋區	興盛路	芊紅居
葵福路臨時房屋區	葵福路葵盛電話機樓對面	中信電訊大廈及臨時停車場
青洲臨時房屋區	葵青交匯處以南	未發展
青康路臨時房屋區	青康路、青芊街、青華苑以東	東華三院周演森小學同埋保良局陳百強伉儷青衣學校（特殊學校）校舍
青欣臨時房屋區	長亨邨對上山坡	長宏邨
青翠臨時房屋區	涌美路青衣公立學校以西	青衣西南康樂大樓
青安臨時房屋區	担杆山交匯處與長安邨安潮樓之間	青逸軒
青發臨時房屋區	青敬路、牙鷹洲街交界	青宏苑
青健臨時房屋區	楓樹窩路、青綠街之間	綠悠雅苑
青輝臨時房屋區	楓樹窩路青衣邨以南	青輝新村
楓樹窩臨時房屋區	楓樹窩路、清譽街交界以西	青裕新村
長環臨時房屋區	青衣交匯處以東，前臨藍巴勒海峽	長輝路
大窩口臨時房屋區	大窩口道	西部份：擬建公屋；東部份：葵涌邨茵葵樓

荃灣區

名	位置	現況
興盛臨時房屋區	海興路、海盛路、大涌道交界，荃灣路架空道路之下	海角街以西：海盛花園（休憩花園）；海角街以東：露天臨時停車場
油麻磡臨時房屋區	昌榮路、國瑞路、油麻磡路交界	新豐中心
象鼻山臨時房屋區	象山邨以西南，城門谷主河道以東	城門谷運動場及附屬停車場

屯門區

名	位置	現況
屯門臨時房屋區[1]
興田臨時房屋區	港鐵田景站以北	寶田邨第1至3座及屯門西北游泳池
白角臨時房屋區白角臨時房屋區	而家龍門路、湖翠路交界對面	屯門公眾騎術學校
湖景臨時房屋區	兆禧苑東北面	悅湖山莊

元朗區

名	位置	現況
朗邊臨時房屋區	青山公路（屏山段）、朗天路交界以西	曾經改成朗邊中轉房屋，已經拆咗，將重建成居屋
元屏臨時房屋區	公園南路、山下路之間	御豪山莊第1至6座
元廈臨時房屋區	公園南路、山下路之間	御景園及柏麗豪園
元田臨時房屋區	公園南路、馬田路、公園北路交界對面	欖口村路、藝典居及翠韻華庭
奕園臨時房屋區	洪水橋亦園路以東，靈糧堂以北	未發展

北區

名	位置	現況
田心臨時房屋區	粉嶺百和路及一鳴路	花都廣場、景盛苑、華心邨、碧湖花園及牽晴間
粉嶺臨時房屋區	粉嶺黃崗山以西，港鐵東鐵綫、新運路之間	粉嶺中心
上水臨時房屋區	港鐵東鐵綫及落馬洲支綫、寶石湖路、彩園路交界內	工業區

大埔區

名	位置	現況
大埔頭臨時房屋區	大埔太和路以南，太和邨福和樓（前稱永和樓）及港鐵東鐵線路軌以北	大埔官立中學同埋迦密聖道中學校舍
漁角臨時房屋區	富善邨以東北大埔工業邨以西之間，汀角路、完善路交界；另外有部份位於富善邨西北面，汀角路以南	富善邨、明雅苑、怡雅苑
船灣臨時房屋區	三門仔路以北，汀角路以南的山丘	比華利山

沙田區

名	位置	現況
圓洲角臨時房屋區	牛皮沙街、插桅杆街、銀城街、沙田圍路交界內	愉翠苑、欣廷軒、林大輝中學、聖羅撒書院
沙田頭臨時房屋區	車公廟路、獅子橋交界嘅城門河畔	港鐵屯馬綫車公廟站同埋其物業發展項目溱岸8號
大涌橋臨時房屋區	文林路	香港文化博物館同旁邊嘅臨時停車場
梅里臨時房屋區	香粉寮街以南	美田路、香粉寮街交界嘅道路交匯處以及美田邨、美盈苑
下城門道臨時房屋區	下城門道近大圍新村	培僑書院
城安臨時房屋區	馬鞍山錦鞍苑以南	恆泰路、恆耀街一帶及欣安邨部份範圍
興安臨時房屋區	馬鞍山恆安邨以北、耀安邨以西	馬鞍山遊樂場及馬鞍山運動場部份範圍

西貢區

名	位置	現況
將軍澳臨時房屋區	寶琳北路寶林消防局以西	清拆後大致被丟空，部份範圍用作臨時露天停車場，長遠用作興建將軍澳村村屋
沙角尾臨時房屋區	西貢警署以北，俾大網仔路、普通道、美裕街、美源街、美福街圍繞	逸瓏園，部分用地會用嚟起酒店同商場（做過西貢中轉房屋）

離島區

名	位置	現況
梅窩臨時房屋區	大嶼山梅窩銀礦灣路梅窩消防局旁，前臨銀河	銀河苑

出面網頁

• 建設及建築物－臨時房屋區（香港地方）
• 施潔玲（導演）；羅孔忠（監製） (1984年（電視首播）；2014年8月15日（電視重播）)。《港台經典兒童劇集陽光下的孩子1984 #2(雞蛋實驗),#3(阿崩努力)》 (mp4) (RTHK Podcasts)。香港：香港電台電視部。時間 34:20 - 49:15。喺2016-05-01搵到。 {{cite AV media}}: Check date values in: |date= (help) （註：喺《陽光下的孩子——阿崩努力》一輯，有劇中嘅細路住嘅臨時房屋區戶外及室內嘅片段。影片喺圓洲角臨時房屋區拍攝。）