重新發明車轆

出自公元前八世紀嘅轆；轆呢樣嘢非常之咁古老。

重新發明車轆（英文：Reinventing the wheel）係一句出自英文嘅慣用語。如果話某某人「喺度重新發明車轆」，意思係話佢嘗試自己「創造」某一個已經畀人整好咗嘅諗頭或者技術，而且佢造出嚟嘅成品好多時質素都冇咁優良，噉係因為已有嗰個諗頭或者技術唔單只整好咗，仲畀人改良過好多次。因此到咗最後，個人嘗試重新發明車轆做唔到咩實質嘅貢獻，最多就係自己過咗癮。

顧名思義，句嘢嚟自轆呢種物件：轆古老得好交關，有證據指新石器時代（公元前二千至一萬年）嘅人已經識得用轆；而且喺人類史上，人類一直都有用轆，仲一路用一路改進，一個現代人根本冇必要重新發明轆呢樣嘢。因此，重新發明車轆喺英文圈就有咗「喺度開發前人已經發明咗嘅嘢」噉嘅意思。

睇埋

• 企喺巨人嘅膊頭上面，都係講到「創新要建基於前人嘅諗頭」呢條道理。