阿道夫·希特拉
| 阿道夫·希特拉 Adolf Hitler | |
|---|---|
 阿道夫·希特拉 (1938) | |
| 德國元首 | |
| 任期 1934年8月2號－1945年4月30號 | |
| 總理 | 自己（元首兼任） |
| 副職 | 魯道夫·赫斯（1933–1941） |
| 前任 | 保羅·馮·興登堡 （聯邦大總統） |
| 繼任 | 卡爾·鄧尼茨 （聯邦大總統） |
| 德國總理 | |
| 任期 1933年1月30號－1945年4月30號 | |
| 國家元首 | 自己（自1934年） |
| 總統 | 保羅·馮·興登堡（至1934年） |
| 副職 | 弗朗茨·馮·巴本（1933–1934） |
| 前任 | 庫爾特·馮·施萊謝爾 |
| 繼任 | 約瑟夫·戈培爾 |
| 納粹黨黨魁 | |
| 任期 1921年6月29號－1945年4月30號 | |
| 副職 | 魯道夫·赫斯 |
| 前任 | 安東·德萊克斯勒 |
| 繼任 | 馬田·波曼 |
| 個人資料 | |
| 出世 | 1889年4月20號 奧地利因河畔布勞瑙 |
| 死 | 1945年4月30號（56歲） 納粹德國柏林 |
| 死因 | 吞槍自殺 |
| 公民權 |  奧匈帝國（–1925年4月7號） 納粹德國（1932年2月25號–1945年4月30號） |
| 政黨 | 國家社會主義德國工人黨 （1921年–1945年） |
| 其他政黨 | 德國工人黨 （1920年–1921年） |
| 配偶 | 伊娃·布朗 （1945年4月29號至30號） |
| 父母 | |
| 職業 | 政治人物 |
| 簽名 |  |
| 軍事背景 | |
| 效忠 |  德意志帝國 |
| 服役 | 巴伐利亞陸軍 |
| 服役時間 | 1914年–1920年 |
| 軍銜 | 下士 |
| 部隊 |
|
| 參戰 | 第一次世界大戰 |
| 軍事獎勵 | |
阿道夫·希特拉（Adolf Hitler，1889年4月20號—1945年4月30號）係納粹德國政治人、軍人、元首，喺1933年去到佢死為止係德國總理，由1934年去到佢死為止係德國嘅「元首」（Führer）。喺佢做總理同埋帝國元首嘅時候，佢畀人非官方咁樣話係德意志嘅「獨裁者」。希特拉由1921年開始亦係國家社會主義德國工人黨（Nationalsozialistische Deutsche Arbeiterpartei，簡稱納粹黨）嘅領袖。
早期生活
[編輯]喺1889年4月20號，阿道夫希特拉喺奧地利嘅因河畔布勞瑙出世，一個離奧匈帝國－德國邊境好近嘅地方。佢嘅老竇係阿洛伊斯·希特拉，而佢嘅阿媽就係克拉拉·布茨爾。希特拉有7個兄弟姊妹，佢係阿洛伊斯·希特拉同克拉拉·布茨爾嘅第四個仔女。喺希特拉3歲嗰陣，希特拉同佢嘅屋企人搬咗去德國柏紹。
喺希特拉嘅老竇退咗休之後，希特拉嘅童年主要喺奧地利上奧地利州嘅首府連茨度度過。希特拉最鐘意嘅城市不嬲都係連茨，希特拉曾經講過喺佢死咗之後，佢希望自己可以喺連茨度安葬。[1]
希特拉仲未讀完高中嗰陣，就輟咗學。希特拉嘅老竇喺1903年死咗之後，佢就開始追求做位畫家嘅夢想，但係佢被維也納美術學院拒絕咗。
希特拉嘅媽媽喺1908年死咗之後，佢就搬咗去奧地利嘅首都維也納。佢喺維也納度開始咗畫風景畫同紀念碑，跟住再將佢啲畫賣俾其他人。喺希特拉住喺維也納嗰陣，佢開始對政治產生咗興趣。[2]
一戰嗰陣嘅希特拉
[編輯]喺一戰啱啱爆發嗰陣，希特拉就自願加入咗德軍，佢被派到西線戰場。希特拉喺前線嘅工作係幫長官將訊息傳俾士兵。[3]
喺1918年9月28號，一個英軍士兵亨利·坦迪發現咗受咗一個德國傷兵，而佢就係希特拉。雖然亨利係可以直接開槍殺咗希特拉，但係佢選擇咗放過希特拉。[4]
政治經歷
[編輯]一戰之後
[編輯]希特拉喺德國第一次世界大戰之後嘅危機嗰陣得勢。佢用咗戈培爾嘅宣傳攻勢同埋有說服力嘅演講，令納粹黨成為當時德國國會第一大黨，佢關注中產同埋草根階層嘅經濟需要，並且有一種民族主義、反猶太主義同埋反共產主義嘅味道。喺創立咗一個重新架構過嘅經濟，一個重新武裝過嘅軍隊，同埋一個極權統治嘅政權之後，希特拉採納咗一個向外擴散嘅壓迫性外交政策，嚟擴張日耳曼人嘅生存空間。咁樣，當德國佔領咗全奧地利同埋捷克西北，同埋入侵波蘭之後，就令第二次世界大戰爆發，至1941年，德國佔領咗半個歐洲。以上佔領之地大部分後嚟都俾人併入大德意志帝國（Großdeutsches Reich）嘅範圍裏面，而其他佔領區就由其他將軍管轄。
雖然納粹德國同埋意大利包括佢哋嘅盟友喺顛峰時期佔領咗歐洲大部分國家嘅地，但係佢哋最後都被盟軍打敗。納粹德國總共殺咗大概一千七百萬人，包括屠殺六百萬猶太人。
柏林戰役之後
[編輯]1945年4月，因為蘇聯紅軍迫近柏林，希特拉同佢新婚老婆伊娃（Eva Braun）舉行咗個簡單婚禮後冇耐喺地下室吞槍自殺。
而家仲活喺世上嘅親戚
[編輯]雖然希特拉同佢嘅老婆伊娃係冇後代嘅，但係喺2023年希特拉都仲有5個仲未走嘅親戚。佢哋分別係，彼得羅包爾、Heiner Hocheger、亞歷山大、路易斯、同埋拜仁。佢哋全部都係住喺唔同嘅地方同埋做嘅嘢都好唔同。彼得羅包爾係位工程師、亞歷山大係位社工；彼得同Heiner住喺奧地利、而路易斯同拜仁就住喺美國長島。[5]
希特拉嘅對外政策
[編輯]喺納粹黨啱啱掌權嗰陣，德國嘅經濟同軍隊都係非常之弱。而希特拉上咗任冇幾耐嗰陣，佢主要都係着重喺解決德國國內嘅問題。[1]
退出國際聯盟
[編輯]喺希特拉上任咗9個月之後，德國政府就宣布德國將會退出國際聯盟。而喺德國退出咗國際聯盟之後，希特拉就開始不斷咁違反梵爾賽條約嘅規定，例如:萊茵蘭再軍事化(1936年)同德奧合併(1938年)。[2]
睇埋
[編輯]攷
[編輯]- ↑ "Early Nazi foreign policy – The Holocaust Explained: Designed for schools" (英國英文). 1933-10-05. 喺2024-05-08搵到.
- ↑ "Withdrawal of Germany from the League of Nations. Letter from Konstantin von Neurath". Library of Congress, Washington, D.C. 20540 USA. 喺2024-05-08搵到.
