雲南獨立運動

加新連結
出自維基百科，自由嘅百科全書

雲南獨立，簡稱係滇獨，指嘅係認為雲南應該由中國中央政府度脫離出嚟，建立返獨立自治嘅政治實體嘅主張同運動。喺歷史近世，雲南先係爆發過，以穆斯林打頭嘅多民系雲南人參與嘅杜文秀抗清戰爭[1]，仲建立埋潘泰王國[2]。後尾受到咗日本泛亞細亞主義嘅影響，主張對清朝體制搞革命嘅人士，提出埋包括雲南獨立等主張，以規劃雲南嘅未來[3]，其中大部分為清朝洋務運動後留學日本的滇籍留學生。1911年爆發辛亥革命，農曆九月初九，唐繼堯等人領導的昆明爆發重九起義。公元1911年11月1號，雲南宣佈咗建立大中華國雲南軍都督府政權，得到咗清末新政產生嘅雲南各階層士紳嘅支持。蔡鍔被推舉做軍都督，隨後雲南政府照會英法，宣告咗獨立。1912年1月1號，中華民國成立，雲南成為咗中華民國政體入邊嘅一省。後尾嘅國共內戰時期[4][5]，雲南主政人物亦有試過獨立建國，不過冇成功。

史[編輯]

背景[編輯]

内文：雲南史

雲南喺珠江上游嘅大西南地方，喺東亞史上，東南亞多個族群都喺度搞過自己嘅政權，似滇國、南中、南詔國、大理國等，有著各種輝煌嘅文明，而嚟自中原嘅王朝，仲試過多次對雲南征戰同屠殺。到咗元朝，蒙古人通過大理蒙古戰爭，將雲南正式吞併，成咗中國王朝版圖嘅一部分[6]，透過行省夾土司管治當地[7]。

經過咗元帝國梁王政權、明帝國沐氏政權、大西國，仲有吳三桂嘅吳周嘅管治，雲南又成咗清帝國版圖嘅一部分。

杜文秀起義與潘泰國[編輯]

内文：杜文秀起義

喺清末，好似廣東等地爆發咗土客戰爭咁，雲南嘅穆斯林同非穆斯林之間，亦爆發咗大規模械鬥。喺1856年、杜文秀率領著雲南啲穆斯林，舉兵反清起義。杜軍喺攻佔咗大理後，宣佈會寬恕大理啲居民，仲將漢人同各地唔同族群，接納入軍隊範圍。

總統兵馬大元帥杜，為興師五路，收復全滇，除殘暴以安良善事：竊思滇南一省，回漢夷三教雜處，已千百年矣。出入相友，守望相助，何嘗有畛域之分？慨自滿清僭位以來，虐我人民二百年餘於茲矣。妖官偏袒為計，石羊起釁，池魚皆殃；強者逞鴟張之威，弱者無鼠竄之地。爾時百姓危若倒懸，可惡妖官猶安然高枕，置蒼生於不問，棄黎庶其如遺。甚至漢強則助漢以殺回，回強則助回以殺漢，民不聊生，人心思亂……檄文到日，凜遵勿違！此檄。
“
”
——杜文秀：《兴师檄文》。[8]

杜文秀喺雲南建立咗嘅獨立政權，史度記載嘅國名有好多個，如平南國[9]、新王国[2]等，而杜文秀嘅稱號又有西平王[10]，蘇丹親王，哈吉·比比·撒來瑪[1]等。喺西方嘅視角讀，普遍係將大理嘅政權叫做「潘泰王國」：

我們已看見由倫敦出版、德國翻印的最新的地圖，被劃成一個完全和中國隔離的王國，並名之為潘泰（Panthays）王國。
“
”
——1868年法國瀾滄江探險隊領隊安鄴嘅記述。[2]

杜喺潘泰王國搞嘅國策係「三教同心」，係將雲南各族群團結埋一齊，一致咁反抗滿清政府。因此杜文秀有著多重嘅身份。喺穆斯林嘅面前仲有外交度接觸啲西方世界時，杜係叫做「蘇丹」。而喺漢人面前，佢嘅身份就係「天下兵馬大元帥」，提出咗「驅滿」、「革命滿清」、「蓄髮」嘅政治綱領[1]。喺彝族白族等其他部族面前，杜就堅持宣佈，潘泰國係繼承咗南詔國同大理國：

至若迤西，回之受職者數千，漢之受職者數萬。十八土司俱各襲職。文則劃策，武則立功。三教同心，聯為一體，縱不能遠期大成，亦可以偏安小就，效法南詔，歷年八百。揆諸時勢，差堪自信。
“
”
——杜文秀：《無煩尊駕到諭》。[11]
十九峰，開基南詔，稱王道，體帝德，不圖霸術；五百年，重建白國，因天時，據地利，更占人和。橫批：一人定國
“
”
——杜文秀元帥府入邊嘅對聯。[12]

英政府嘅介入同流產[編輯]

喺1868年，英印政府派出咗大佐斯萊登（英文：Edward Bosc Sladen），率領官員多人入滇探測，由八莫到達騰沖。返到英國後，佢向英國政府建議，利用杜嘅大理政權將雲南由大清度分裂出去，實現埋英國有得由緬甸（自由咁）入雲南嘅貿易方略。一啲英國政治家面對著嗰陣雲南嘅局面，亦傾向係同獨立嘅雲南做生意。斯萊登喺支持雲南獨立嘅同時，仲向英國政府提交過由佢起草嘅兩條由緬甸進入雲南嘅商路，即「八莫路線」同「老撾商道」[13]。而喺最後大清部隊消滅潘泰國嘅戰爭時期，潘泰國一名叫劉道衡嘅官員，冒認係杜文秀義子而出使英國，向英國提出全滇會效忠埋維多利亞女王，會向英國貢獻貢品包括成四箱大理石，請英軍支援滇人抗清：

古來中華規矩，每逢小邦歸順大國，名為獻土稱臣，必取小邦主山之石，以為憑據。將此石獻於大國，即如將小邦的土地人民山川城池拿到大國一般。大國將此石收下，即如將小邦的土地人民山川城池收了一般……二千餘年，小邦歸順大國必行此禮。今我大理所管之地，東至楚雄，西至騰越，南至耿馬，北至麗江，由東至西，人走十八日，由南至北，人走二十二日。今我父親將大理所管之地，歸順貴國，因取大理主山所出之楚石四箱，送到貴國，以做憑據，即如將我大理所管之土地人民山川城池，拿到貴國獻與皇上一般了。
“
”
——劉道衡：《上英皇表》。[14]

最尾英政府決定，係要維持返外交同經濟關係嘅穩定，而揀咗繼續支持清帝國，冇揀潘泰王國。1872年11月26號，大理俾清軍攻陷前，杜文秀為咗避免屠城，揀咗服用毒藥孔雀膽後著禮服自殺，再被人抬著遺體，送到去清軍大本營以示投降，但清軍背信棄義依舊屠咗大理城。1873年潘泰國正式終結咗。中國史學者範文瀾就評話，「杜文秀是中國人，竟敢出賣祖國的雲南和雲南各族居民，從他勾結英國侵略者的一天起，他不再是起義軍的代表。而是祖國和起義軍的叛賣者。1868年，他們（指英法）都派人到大理活動。法國的活動沒有結果，英國則與杜文秀建立了聯繫……給杜大批軍火，幫助建立兵工廠。在緬甸八莫專門設立了政治商務代表處。杜文秀在英國侵略者的支持下自稱撒裡曼蘇丹，改年號．造宮室，建立了一個所謂『獨立國』……1871年（杜文秀）更派他的兒子訪問英國、土耳其，準備進一步出賣祖國。」[15]

清末雲南獨立思潮[編輯]

喺19世紀到20世紀嘅時代，日本嘅明治維新收效好大，同時間又產生咗泛亞細亞主義嘅思想主張。泛亞主義者嘅主張，係日本必須喺東亞扶植自己嘅僕從國，將成個亞洲由歐洲人手入邊解放出嚟，喺亞洲建立返一個類似歐洲嘅國際體系。清末雲南有過大批學生去到日本留學，日本泛亞主義就影響到好多人，對雲南同中國（大陸民族）未來嘅預想。[16]

喺1906年10月15號，同盟會雲南支部出版嘅《雲南》雜誌，喺日本神田區出街，迅速得到咗雲南嘅紳商、學界，仲有定居喺日本、緬甸、越南、泰國嘅滇僑全方位嘅支持，甚至連供職大清政府嘅雲南籍官僚，都好踴躍咁捐款。雜誌主要嘅內容，係探討咗雲南未來嘅發展路線，反對清朝對雲南嘅管治仲有出賣雲南嘅「主權」，同時又警惕英法嘅殖民主義，仲支持東南亞各國脫離英法殖民體系獨立。而喺探討雲南嘅未來路線度，有部分撰文係主張雲南仲有越南，應該脫離殖民體系再獨立建國，好似越南獨立人士潘佩珠，用過「巢南子」嘅筆名喺雜誌度發表：

我固事迫而圖存，彼亦困極而思奮。一旦風雷變化，南北隕篪，以越人扼法之喉，則滇人從而擠其背，以滇人掣法之肘，而越人起而壓其肩。滇人不難為獨立邦，越人亦必赫然為中興國。
“
”
——潘佩珠：《哀越吊滇》。[3]

雜誌亦經常介紹雲南嘅歷史文化，仲有物產資源，以激發雲南人嘅愛鄉熱情，有人試過主張通過開發礦業，將雲南打造成堪稱「亞洲英吉利」的「礦業國」，「工業國」：

嗟乎，一十四萬六千六百八十方英里之黃金窟，將得數輩大實業家開發之而利用之，則雲南將以富雄於東西兩半球。對於世界至富極強之六七大國，稱工業國焉。雖謂之日亞洲英吉利可也……四通八達，農工商業，技藝學術，長足進步。莊嚴美麗之新雲南，吾將跛予望之。且亞洲工業國，乃公斷居首席也……至於今日，且將讓他族重開新幕。而我一千二百萬雲南人所據有之龐然碩大之礦業國，所謂天府膏腴，子孫帝王萬世之業者，不啻遭洪水之變，沉沒於太平洋海底。而我礦業國開幕之偉人，亦遂不免為亡國民之祖宗。嗚呼痛哉。吾故為趙老人作傳，闡明其心法，列舉其事蹟，以期待我父老子弟之思想不俗者，苟有數人焉，得此心法之的傳而興起，則我礦業國建國之事業有托焉矣，我礦業國建國之偉人接踵焉矣。
“
”
——佚名：《雲南大實業家趙老人傳》。[3]

喺1908年，雲南爆發咗河口起義。呂志伊、楊振鴻、李根源、趙伸等雲南同盟會骨幹，喺東京錦輝館發起召開咗雲南獨立大會。當日有成萬人到會，大會仲受到咗國際一啲關注。清政府就即刻落柯打，開除咗呂志伊、楊振鴻、湯増壁嘅官費，仲發出咗通緝[17]。喺緬甸，雲南嘅獨立運動就由張成清做代表。張成清作為雲南人，喺緬甸學習過英、印度同景頗、傈僳、彝族等語言[18]。喺1908年，佢喺曼德勒創立咗雲南死絕會，宣告滇人應同北京政府割蓆，有近萬雲南同緬甸人參加過嗰時嘅宣告會：

今我滇人宣佈與北京政府斷絕關係，人人愛國愛鄉愛種，統一精神，實行革命……將滇緬滇川滇桂鐵路造成，滇越鐵路贖回。再俟我民智民氣民力充足，發五百萬之死絕國民兵，助安南、緬甸、印度獨立，若其不成，則我千五百萬之雲南人，同日同時同歸於盡，以免如緬、越、印度人之為牛馬奴隸，見羞世界。
“
”
——张成清：《死绝会宣言》。[19]

張成清號召以雲南獨立，帶動東南亞各國獨立嘅計畫，受到唔少人嘅歡迎，嗰時係群情激奮，聲勢浩大，上萬觀眾都為之拍爛手掌。英國駐仰光總督知咗單嘢後，好鬼驚有事變，即時落令拉人。張收到風後，即離開咗曼德勒到眉苗，但仲係畀當局追捕到咗，喺1909年8月15日被英屬緬甸當局處決[18]。

中華民國初年[編輯]

内文：護國戰爭

喺民國初年，因袁世凱諗著搞返帝制，雲南省軍政府喺蔡鍔，唐繼堯等嘅指揮下，宣佈過由中華帝國度獨立出嚟，後尾就爆發咗護國戰爭。

國共內戰時期[編輯]

喺1948年，昆明《觀察報》[20]同《大公報》[21]等報章，登出咗好幾篇文，指責幹崖土司刀京版召集啲土司開會，計劃搞一個「南詔聯邦合眾國」，「扶持白夷自主」，「邀集南甸，戶撒、盞達等司商討成立與漢人對抗的設計委員會」。早喺1942年，刀京版喺日軍攻陷騰龍時，就提出過「興夷滅漢」嘅口號。而刀嘅老竇刀安仁，去日本留學時受過日本天皇嘅接見，日本表示支持佢建立「幹崖國」。報章啲文章藉單舊事，批評啲土司係「封建統治」，話係改土歸流同勘亂唔夠徹底先會咁。呢一年嘅10月15號，刀京版通過報章否認返部分嘅指控[22][23]，未否認留學啲傳聞，仲有中日戰爭時期聯日獨立嘅事幹。

喺1949年11月15號，國共內戰度國民黨軍不停咁失勢，滇系主政人物盧漢呢陣時私下搵咗位滇商友人，代表佢去美國駐昆明領事館拜會代理館務嘅副領事陸德瑾。滇商用咗盧漢代表嘅身份話，雲南省政府受到咗美國國會通過嘅軍事援助方案，仲有華府願意援助中國大陸度反共地區政權嘅鼓舞，尋求美方支持雲南宣佈獨立[24]。代表又話，美國政府如願意協助保持雲南領土嘅完整，唔受國共兩方嘅染指，省「最高當局」會願意接受美國提出嘅任何條件，包括切斷同中國政府嘅關係，接受美國外交保護同美軍進駐，同時會照美方有關軍事政治同經濟方面嘅指令[25]。為咗說服美國政府，代表再講到，雲南嘅天然物資豐富，包括鴉片，因此唔需美方嘅財政援助，即使美國政府淨系得口頭度道義支持咗雲南嘅獨立，昆明當局都會好感激咁話[26][27][28]。

陸德瑾之後啦啦聲發咗電報畀國務院，請求明確嘅指示。佢表示咗同情盧漢嘅困境仲有雲南嘅獨立傾向，佢又擔心，類似美國駐瀋陽領事館人員畀中國共產黨拘捕嘅情況，會喺昆明重演，因而又向華府示警，話若斷然拒絕咗個提議，會不利雲南政情，美國駐當地領事館人員嘅安全撤離都會受影響[29][30]。

一個禮拜之後，美國國務卿艾奇遜同美參謀首長聯席會議討論後，駁回咗盧漢有關雲南獨立嘅秘密請求，美國政府認為，連當地國軍部隊都擋唔到解放軍攻勢嘅情形之下，美國對於地理位置遙遠嘅雲南，更冇可能有效咁運補軍事同其他相關物資。陸德瑾仲奉命婉轉回覆返盧漢嘅代表，喺唔方便「干涉中國內政」嘅前提下，美政府將冇法應承任何具體嘅嘢[26][31]。

喺11月28號，見著重慶即將畀解放軍佔領，盧漢密使又向陸德瑾最後請求咗一次，強調任何形式嘅美援都會有用，唔一定要派兵，盧漢甚至願意先公開宣佈雲南獨立，再請求國際嘅協助同保護，佢相信呢種做法可以避免埋美國有「干預中國內政」嘅嫌疑[32]。然而美國政府都係冇應承到。美國政府因冇法承諾支持雲南獨立，間接催化咗盧漢後決定投靠共產黨，導致咗蔣介石係得返台灣最後一個有得做反共地方[29]。

由於美國冇應承支持雲南嘅獨立，盧漢轉而謀求同中國共產黨搞外交談判，力求保證雲南嘅自治。中國共產黨亦通過統戰手段，籠絡滇系高層人員。盧漢嘅親信林毓棠（時財政廳長）、安恩溥（卸任民政廳長）多次暗中到香港，同中國共產黨代表密商，盧漢就提出咗以下要求：

一、保持盧在雲南的軍政地位。二、雲南的清算鬥爭從緩。三、共軍不開入雲南。四、在東北作戰向匪軍投降的雲南部隊六十軍調返雲南駐防。
“
”
卢汉[33]

最終雲南同中共方面，喺廣州達成咗「和平解放之五點協定」：

1、保持盧漢在雲南之領導地位，盧如願意出國，保證給予自由選擇。2、共軍非經請求，絕不進駐雲南。3、雲南境內現有之國軍（第八、廿六兩軍）及甫經改編之保安部隊（第九三、七四兩軍），除番號變更外，其原建制不予變更，各級部除僅增派政工人員。4、擴大省市縣政府組織，容納各民主黨派人士參與。5、省有財產（原屬雲南人民企業公司管理之黃金、白銀、鴉片及錫礦、紗廠等，約值美金三億八千余萬元），中共不予提取，仍留充地方建設經費。
“
”
《和平解放之五点协议》[33]

喺11月下旬，盧漢利用中國共產黨軍隊已迫近雲南嘅形勢，將餘建勳嘅74軍同龍澤匯嘅93軍（雲南保安團隊擴編嘅兩個軍），調防到昆明同四圍嘅地區，做好埋投共嘅準備。12月1號由落柯打成立昆明警備司令部，加強治安管理，維持社會秩序。

到12月9號下晝，張群、余程萬、李彌等又返到咗昆明。盧漢就即刻將張群單獨軟禁，再用張群嘅名出咗通知，請國民黨中央駐雲南啲軍事首腦，喺晚黑9點到盧漢公館開緊急會議。等人齊後，盧漢嘅警衛營長李青龍就帶著十幾個警衛，扣押嗮啲人。到咗十點正，盧漢就喺五華山雲南省政府嘅主席辦公室，宣佈「雲南起義」，投奔中國共產黨嘅陣營。1950年2月20號，陳賡、宋任窮帶著中國共產黨軍隊入昆明，好快就破壞咗《和平解放之五點協議》，盧漢為此兩度自殺但冇成功。1951年，中國共產黨通過類似嘅手段，再進入埋西藏。

根據中國共產黨嘅文獻披露，雲南被中國共產黨佔領前，緬甸木邦土司試過策動雲南境內各土司開會，建議成立「南詔聯邦」，文獻仲指責美國有喺背後，為木邦土司提供過支持。[34]

睇埋[編輯]

出邊網頁（中維備份）[編輯]

參考[編輯]

  1. ↑ 1.0 1.1 1.2 马诚 (2005年). 《《杜文秀传》》 (中國中文). 云南民族出版社.
  2. ↑ 2.0 2.1 2.2 马诚 (2012年). 《《晚清云南剧变——杜文秀起义与大理政权的兴亡（1856-1873）》》 (中國中文). 四川大学出版社.
  3. ↑ 3.0 3.1 3.2 中国科学院历史研究所第三所 (1958年). 《《〈云南〉杂志选辑》》 (中國中文). 科学出版社.
  4. ↑ 〈所謂「南詔聯邦合眾國」　要不是擺夷統治者的幻想﹔至少也是誇蟣蝨為太牢的宣傳〉 (臺灣中文). 上海大公报. 1948-10-14.
  5. ↑ 林孝庭 (2017-04-10). 〈胎死腹中的「雲南獨立」讓蔣介石失望透頂，從此改變了台灣的命運〉 (臺灣中文). The News Len.
  6. ↑ 程映虹 (2009). 〈从"云南"与"中国"关系史看"中华民族"的形成〉. 《当代中国研究》 (MCS 2009 Issue 3).
  7. ↑ Bin Yang (2008年). Between Winds and Clouds─The Making of Yunnan, Second Century BCE to Twentieth Century CE (英文). Columbia University Press.
  8. ↑ 马国盛 (2009年). 《《大理回族史》》 (中國中文). 云南民族出版社.
  9. ↑ 齐赫文斯基 (1974年). 《《中国近代史》》 (中國中文). 三联书店.
  10. ↑ 田怀清 (2013年). 《《大理考古与白族研究》》 (中國中文). 云南人民出版社.
  11. ↑ 杨怀中 (2012年). 《《回族史散论》》 (中國中文). 宁夏人民出版社.
  12. ↑ 《《大理市文史资料 第10辑 大理名胜古迹楹联选》》 (中國中文). 云南民族出版社. 2002年.
  13. ↑ 《《云南地区对外贸易史》》 (中國中文). 云南人民出版社. 1998年.
  14. ↑ 邱树森 (2012年). 《《中国回族史》》 (中國中文). 宁夏人民出版社.
  15. ↑ 范文澜 (1955年). 《《中国近代史》上册》》 (中國中文). 人民出版社.
  16. ↑ 周立英 (2011年). 《《晚清留日学生与近代云南社会》》 (中國中文). 云南大学出版社.
  17. ↑ 中国近代现代出版史编纂组 (1990年). 《《中国近代现代出版史学术讨论会文集》》 (中國中文). 中国书籍出版社.
  18. ↑ 18.0 18.1 腾冲县政协文史资料委员会 (1991年). 《《腾冲文史资料选辑 第3辑》》 (中國中文).
  19. ↑ 陆复初 (1984年). 《《昆明市志长编 卷8 古代之三》》 (中國中文).
  20. ↑ 〈滇西土司行動呈現不穩〉 (臺灣中文). 观察报. 1948-09-06.
  21. ↑ 引用錯誤 無效嘅<ref>標籤；無文字提供畀叫做usnazhao2嘅參照
  22. ↑ 〈滇西土司投函昆報，指斥意圖獨立謠言〉 (臺灣中文). 上海前線日報. 1948-10-25.
  23. ↑ 德宏州志编委办公室 (1985年). 《《德宏史志资料 第5集》》 (中國中文). 德宏州志编委办公室.
  24. ↑ Hsiao-ting Lin (2016年). Accidental State: Chiang Kai-shek, the United States, and the Making of Taiwan (中國中文). Harvard University Press.
  25. ↑ 引用錯誤 無效嘅<ref>標籤；無文字提供畀叫做luhan12嘅參照
  26. ↑ 26.0 26.1 陳筑君 (2017-3-29). 〈解密檔案研究出版：中華民國為什麼落地台灣，而不是雲南？〉 (臺灣中文). 端传媒. {{cite web}}: Check date values in: |date= (help)
  27. ↑ Lutkins to Acheson, November 21, 1949, NARA, RG 84, 350/Yunnan
  28. ↑ Lutkins to Acheson, November 15, 1949, NARA, RG 84, 350/Yunnan; TUcker, ed., China Confidential, 67-68
  29. ↑ 29.0 29.1 〈国民党为何选择落脚台湾——美不挺云南独立 蒋最终撤退来台〉 (臺灣中文). 中时电子报. 2017-6-8. {{cite web}}: Check date values in: |date= (help)
  30. ↑ Lutkins to Acheson, November 21, 1949, NARA, RG 84, 350/Yunnan
  31. ↑ Acheson to Lutkins, November 22, 1949, NARA, RG 84, 350/Yunnan
  32. ↑ Lutkins to Acheson, November 28, 1949, NARA, RG 84, 350/Yunnan
  33. ↑ 33.0 33.1 〈记取共匪窃夺云南的教训〉 (臺灣中文). 中央日报. 1983-2-20. {{cite news}}: Check date values in: |date= (help)
  34. ↑ 刘格平 (1951年). 《《中央民族訪問團訪問西南各民族的總结报告》》 (中國中文). 人民出版社.
由「https://zh-yue.wikipedia.org/w/index.php?title=雲南獨立運動&oldid=1965286」收