龜苓膏

出自維基百科,自由嘅百科全書
跳去: 定向搵嘢
龜苓膏

龜苓膏中國廣西梧州特產,廣東廣西一帶嘅傳統藥用嘢食。正統龜苓膏係用受保護動物金錢龜土茯苓甘草等中藥材製成凝固嘅膏狀,相傳係由清朝時太醫嚴綺文流傳出民間嘅宮廷秘方,據講有清熱解毒等功效。據講同治帝身患天花期間曾經食過龜苓膏,病情一度轉好,但慈禧太后因偏信巫醫,要同治帝停食龜苓膏,延誤病情,令佢一命嗚呼。

龜苓膏一般係黑色嘅膏狀,似凉粉,不過有較濃嘅中藥甘味道,食嗰時可以加少少蜜糖。喺夏天,龜苓膏亦可以凍食。

現代嘅龜苓膏成品除咗喺涼茶舖、甜品店有得賣之外,喺超級市場都有罐裝賣,不過而家按食品衛生標準生產嘅龜苓膏,由於生產廠家同調製口味嘅唔同,藥物成分亦同原始配方有唔同。現代嘅龜苓膏已經唔會有金錢龜嘅成分,連有無廉價草龜龜板成分都無保證。香港海天堂龜苓膏專門店老闆曾經喺同佢大家組爭奪商標時,喺法院上作講龜苓膏處方根本就無任何龜嘅成分。

配方[編輯]

功效作用[編輯]

龜苓膏嘅藥效主要嚟自龜板土茯苓。龜板含有豐富嘅骨膠原,以金錢龜最有效,但因為金錢龜係受保護動物,用佢整龜苓膏價錢貴而且犯法,因此而家大多數生產商嘅龜苓膏普遍用草龜泥龜代替,甚至根本無龜嘅成分。草龜係素食動物,蛋白質同骨膠原較少,療效更弱[1]

  • 龜板,又叫龜甲,係烏龜嘅甲殼,性味甘、寒,有滋陰潛陽、補腎健骨、養血補心同止血嘅功效,可用喺治療頭痛眩暈、盜汗遺精、手足震顫、腰膝酸軟、驚悸、失眠健忘、婦女崩漏同月經過多等。如果將龜板熬成固體膠塊,叫做龜板膠,佢嘅滋補力比龜板更強。由於龜板同龜板膠含有動物膠原、脂肪、角蛋白、18種氨基酸,同埋等多種微量元素,因此,佢哋能夠提高白細胞數量、增強免疫力,有補血、鎮靜、提高冠脈流量同提高耐缺氧能力等作用。
  • 土茯苓,性味甘、淡、平,有解毒、除濕、利關節嘅功效。從西醫角度來講,佢重含有落新婦、異黃杞、胡蘿蔔多糖澱粉等,所以能夠起到利尿、鎮痛、抑菌、解汞毒等作用。

對於龜苓膏嚟講,淨係龜板同土茯苓重未夠,喺呢兩種主要原料嘅基礎上,加埋金銀花蒲公英菊花等清熱解毒、解暑、利濕嘅多味藥材先至更好咁起到滋陰、解毒、解暑、解瘡毒等作用。

總括嚟講,龜苓膏滋陰潤燥,降火除煩,清利濕熱,涼血解毒。用於正虛邪實、陰虛熱甚所致嘅虛煩、便秘、熱淋、白濁、癤腫、赤白帶下、皮膚搔癢、癤瘡紅腫等症。現代常用龜苓膏醫治多種口腔潰瘍、習慣性便秘、急慢性泌尿系感染、女性生殖系統炎症、一啲神經功能障礙等症。

食用禁忌[編輯]

因爲龜苓膏可促進血液循環而且屬於清涼解毒嘅嘢食,所以婦女喺月經期間同孕婦都唔適宜食,體質虛弱嘅人都唔適宜成日食。

參考[編輯]

  1. 白琳; 林社炳. 三款龜苓膏藥效如涼粉 城大驗不出土伏苓 百年老店榜上有名. 蘋果日報 (香港: 壹傳媒). 2009-07-30: (A2). 喺2009-09-10搵到; (繁體中文).