Lexical decision

「嗱，Jabberwock 係咪一隻真嘅英文字呀？」
答案（以當時嘅基準嚟講）：唔係

Lexical decision 作業zok3 jip6，簡稱 LDT，係語言學（尤其係認知語言學）成日用嘅一種實驗研究方法。

「Lexical decision」呢隻嚟自英文嘅字，可以做粵拼：lek1 sik1 kou1 di6 si1 seon4。

做法

想像家陣有位語言學家，佢想研究廿一世紀初嘅英格蘭話，於是佢就搵咗一大拃英格蘭話入面嘅字返嚟，例如

• Dance（跳舞）
• Money（錢）
• Stone（石頭）

... 呀噉，然後佢又去搵一拃偽字（pseudoword）返嚟－如果話一隻字係偽字，意思係指隻字合乎隻語言嘅語音組合（指隻語言對於「啲音位可以點組合」作出嘅限制）、但查實冇任何意思，例如 Flummol 喺英文入面就係隻偽字。

跟住語言學家就可以進行實驗，搵拃識講識讀英格蘭話嘅受試者返嚟，每位受試者，都叫佢單獨坐喺實驗室入面對住部電腦，做若干次 trialtraai1 ou4，每次 trial 都

• 喺部電腦嘅熒幕上面顯示兩隻字畀受試者睇；
• 叫受試者決定嗰兩隻字當中係定唔係「都係真嘅英文字」（即係要決定「兩隻字係咪都係喺英文嘅 lexicon 裏面」）；
• 同時量度（例如）受試者答啱咗幾多條問題，同埋佢哋答起問題上嚟反應有幾快；
• （用統計學行話講）再將呢啲變數設做應變數，分析呢啲變數會受咩因素影響。

應用

Lexical decision 作業噉嘅實驗做法喺語言學上可以攞嚟研究好多嘢。

語言學家就係用呢種噉嘅實驗發現咗所謂嘅字頻效應（word frequency effect）－字頻效應係指啲人對一隻語言入面出現得密嘅字（例如喺英文入面，apple 出現嘅頻率應該會高過 serendipitous）反應會快啲；喺 lexical decision 實驗裏面，字頻效應係指如果一場 trial 顯示嘅字係喺隻語言入面出現得密嘅字，受試者嘅反應會顯著噉快咗，就算係喺唔係用字母嚟寫嘅語言（例如普通話）都一樣係噉。事實係仲有研究者指出，字頻率係其中一個最能夠影響 lexical decision 表現嘅因素。

睇埋

• 認知語言學
• 反應時間
• 促發效應
• 語義網絡