實驗心理學

抽象圖解：行為主義心理實驗成日用到嘅斯金納箱

實驗心理學係指用實驗－即係所謂嘅心理實驗－方法嚟研究心理學嘅做法。佢嘅目標係用實驗方法建立可以驗證嘅理論，了解人類行為背後嘅認知、情緒、學習、記憶、知覺等等心理機制。

基本概念

系列位置實驗嘅典型結果；圖 X 軸係詞出現嘅位置，Y 軸係受試者記得佢嘅機率－人零舍會記得一串資訊最先出現嗰啲同最尾出現嗰啲。

内文：心理學同實驗

睇埋：認知心理學

系列位置效應實驗係認知心理學入便嘅經典實驗，用嚟研究人類點樣將資訊記喺短期記憶裡便。研究者會叫參加者坐喺個熒幕前面，熒幕會顥示一組組詞語，譬如係 10 至 15 個粵語會用到嘅詞語，例如

打邊爐、搭車、開心、學習、情緒、心哋、遊戲...

每個詞出現約莫一至兩秒然後消失，跟住研究者就即時要求參加者盡可能回想返啱啱見過嘅詞語。根據二十世紀嘅研究發現，參加者傾向記得：

• 開頭出現嘅詞（首因效應）
• 最尾出現嘅詞（近因效應）

而中間出現嘅詞記憶率普遍較低，呈現出一條類似 U 噉形嘅曲線。呢個實驗展示嘅，就係所謂嘅系列位置效應。實驗操作為隻詞幾時出現，而應變數就係受試者有幾大機會記得佢。

好似心理實驗噉嘅做法，唔淨只係心理學會用：做喺人類身上嘅神經科學研究都不時會用到心理實驗做法；而語言學（尤其係心理語言學）同埋經濟學（尤其係行為經濟學）都有機會用到心理實驗或者類似嘅實驗法。

行為量度

睇埋：心理測量

有心理學家試過評估心理學研究常用嘅行為量度法，指出行為量度法可以分做三大類：

1. 行為痕跡，量度行為過後留低嘅痕跡－例如做智商測驗，睇吓一個人嘅答問題行為（呢種行為源於佢嘅智能）留低嘅答案（痕跡），用答案所出嘅分數做評估；
2. 行為觀察，直接目擊同觀察個行為，並且作出一啲量度－例如用攝影機影低啲受試者嘅行為，打後再人手數吓每個受試者做咗一個行為（假設研究者對個行為有明確嘅定義）幾多次；
3. 行為選擇，俾受試者作出選擇－例如要受試者玩一場博弈（睇埋博弈論），俾佢哋分錢，再睇吓受試者會唔會喺某啲情況下零舍傾向分多錢俾自己。

舉個例說明，自由回想係記憶研究上常用嘅一種實驗方法：喺自由回想測試當中，個研究者會要求個受試者睇一柞詞，跟住喺一段時間之後，再叫佢哋盡可能有咁多得咁多噉寫返嗮佢睇咗嗰柞詞出嚟。一般嚟講，如果一個受試者對某個詞嘅記憶愈強，佢應該愈有可能會記得寫返低嗰個詞，而研究者可以做各種量度同操作，睇吓人嘅記憶力會受乜嘢因素影響。

遊戲研究

睇埋：視像遊戲同試玩測試

心理實驗被指好似遊戲設計同遊戲製作相關嘅研究。想像以下噉嘅研究：研究者搵咗若干個受試者返嚟，俾佢哋先後玩咗兩隻電子遊戲。喺佢哋玩遊戲嘅同時，研究者量度咗佢哋嘅心跳率，而佢哋玩完之後，研究者就問佢哋鍾意邊隻遊戲多啲。最起始嘅數據係一個個嘅向量，每個向量都係一個時間序列嘅心跳率。然後佢哋再做統計分析，發覺呢柞指標多數都同玩家有幾鍾意隻遊戲有顯著嘅相關，所以呢類指標可能會喺遊戲測試上有用。於是呢班研究者就算係發現咗一啲有用嘅資訊，可以將佢哋嘅研究成果攞去學術期刊度公佈。

睇埋

• 實驗設計
• 認知科學
• 統計分析

文獻

• Boring, Edwin G. (1950). A History of Experimental Psychology (2nd ed.). Prentice-Hall.

拎

• （香港繁體）動機與情感實驗室，香港中文大學