R/K 選擇理論
R/K 選擇理論（英文：r/K selection theory）係生態學同進化上嘅一套理論。根據呢套理論，响物競天擇之下，一隻生物物種生後代嗰陣一係睇重「數量」一係睇重「質素」，而呢樣差異會令到隻物種跟住出現一大拃相應嘅特質[1]。
R 選擇[編輯]
如果一隻物種生後代嗰陣係睇重「數量」（策略），即係話隻物種一吓會生好多嘅後代（例如八爪魚噉，會一吓生數以萬計嘅後代），而呢點表示隻物種會有以下嘅特質（策略引起嘅特質）[2]：
- 父母唔會點樣照顧啲後代、
- 啲後代會生得快、
- 隻物種體型通常比較細
- 隻物種體型通常比較短命... 呀噉。
呢啲動物喺食物鏈入便嘅位置通常比較低。
K 選擇[編輯]
如果一隻物種生後代嗰陣係睇重「質素」（策略），即係話隻物種一吓會生好少嘅後代（例如貓一吓生幾隻或者鯨魚一吓生一隻噉），而呢點表示隻物種會有以下嘅特質（策略引起嘅特質）[2]：
- 父或者母（甚至父母一齊）會落力噉照顧後代、
- 啲後代會生得慢、
- 隻物種體型通常比較大
- 隻物種體型通常比較長命... 呀噉。
呢啲動物喺食物鏈入便嘅位置通常比較高。