Template talk:UnCantonese

@WikiCantona、Deryck Chan、Jeffrey Kim、Shinjiman、Pokman817、H78c67c、PQ77wd： 我突然間喺度諗緊：時不時都有啲人喺粵維寫啲語體中文內容；不過我感覺佢哋有好多都只不過係唔知要點樣寫嘢先算係「寫得似粵語」，例子可以睇吓我同呢位哥哥仔嘅對話，所以我覺得有陣時大家一見到唔似粵語嘅內容就喺度剷，可能會有啲搞到啲新人因為唔明自己錯乜而冇嗮心機寫... 有趕客嘅成份。

• 基於呢點，我提議一見到唔似粵語嘅內容唔好即剷，而係即刻貼 UnCantonese 呢個模，同時又喺 UnCantonese 呢個模嗰度加返條 link，連去 Wikipedia:正文或者 Wikipedia:好文嗰度，話俾新人知「佢哋寫得唔似粵語」之餘，又可以有條 link 帶佢哋去睇吓粵維嗰啲「靚得嚟又似粵語」嘅文。大家覺得點？Dr. Greywolf (傾偈) 2021年11月21號 (日) 10:21 (UTC)
• 我提議加嘅句子：「如果想睇吓似粵語口語嘅文應該點寫，可以睇吓呢度或者呢度。」Dr. Greywolf (傾偈) 2021年11月21號 (日) 10:22 (UTC)

  我冇做開新頁巡邏，所以唔係好拿捏到幾時應該直接刪版，幾時應該貼模。但你個改模嘅提議幾好，就噉話啦，我改咗。 翹仔 (傾偈) 2021年12月30號 (四) 22:36 (UTC)

  請清走多餘空行。點解要上鎖呢？搗亂嘅人有幾多呀？若果堅決要行小圈子模式，就麻煩檢查完自己當日嘅作品，先至收工。偶然揩下都遇到咁多障礙！你哋睇下蘇惠德呢篇文開頭嗰條罅有幾闊啦！--202.141.212.98（討論） 2022年6月18號 (六) 08:11 (UTC)

其實好多人唔知乜嘢叫粵語，我指嘅係連翻譯社都唔識；好多翻譯社叫香港中文（甚至任何正體中文）做粵語（Cantonese；佢哋好多亦都唔知 Mandarin 係乜嘢）。好多時見到翻譯廣告，如果涉及中文，都要睇兩次，甚至問兩次，當然啲翻譯社會覺得莫明其妙唔明點解你問，所以通常唔會答。加拿大爾便喺電視聽到嗰啲粵語廣告好多時亦都根本唔係粵語（係粵語發音嘅書面語）。

例如我啱啱執咗嗰篇，有人猛貼 UnCantonese 原作者都唔明，因為佢（可能係廣州人）明顯好努力咁寫 ｢香港中文｣；喺我哋嘅角度唔係粵語，但係喺翻譯社譯嘅角度咁已經叫 ｢粵語｣。⸺Al12si (傾偈) 2022年11月8號 (二) 20:56 (UTC)

其實之前俾人貼模嘅係{{notCantonese}}而唔係{{unCantonese}}，notCantonese就直頭成版嘅嘢都唔係粵文，而unCantonese就偶然有幾隻字有種情況先至會用到。 Shinjiman ⇔ ♨ 2022年11月9號 (三) 02:49 (UTC)

@Al12si：「例如我啱啱執咗嗰篇」，邊篇呢？又冇連結。特克斯特 (傾偈) 2022年11月9號 (三) 09:32 (UTC)

ok, 加返 Al12si (傾偈) 2022年11月9號 (三) 11:24 (UTC)