蝴蝶
 |
||||||||||
|---|---|---|---|---|---|---|---|---|---|---|
 |
||||||||||
| 物種分類 | ||||||||||
|
||||||||||
|
|
||||||||||
蝴蝶（Butterfly）係錘角亞目中嘅物種嘅總稱，以美麗嘅色彩同優美嘅飛舞姿態出名。同蛾同係昆蟲綱鱗翅目入面嘅一個家族，同其他昆蟲唔同嘅係身上生有大而耀眼嘅翅膀。蝴蝶翅膀一般色彩鮮豔，有各種花斑，係由翅膀上嘅鱗片組成。蝴蝶主要喺日間活動，休息嗰陣四翅合埋豎喺背脊，或者完全攤開平放，弄蝶科蝴蝶又有另類嘅休息形態。蝴蝶個頭有一對棒狀或者錘狀觸角，係同蛾類嘅主要區別（蛾嘅觸角形狀多樣）。全世界大概有28,000種蝴蝶[1]，喺世界各地除咗南極洲等寒冷地帶以外都有分佈，喺南美洲亞馬遜河流域品種最多。世上最大嘅蝴蝶（亞歷山大鳥翼鳳蝶）展翅可達280毫米，最細嘅一種褐小灰蝶（Brephidium exilis）只有1.6毫米[1]。有好多蝴蝶嘅幼蟲係食農作物，被視為害蟲。
目錄 |
[編輯] 長大
蝴蝶係完全變態嘅昆蟲，即係一生會經過四個階段：卵、幼蟲、蛹、成蟲。
[編輯] 卵
蝴蝶嘅卵一般係圓形或者橢圓形，表面有蠟質殼，防止水分蒸發，一端有細窿，係精子進入嘅通路。唔同品種嘅蝴蝶卵嘅大細差好遠。蝴蝶成蟲會將卵產喺佢寄主植物或者嫩芽上，者係蝴蝶幼蟲會食嘅植物，為幼蟲準備好合適嘅生長地點。
[編輯] 幼蟲
幼蟲嘅形狀多樣，有肉蟲，亦都有毛蟲。幼蟲孵化出後，主要就係食，要食大量植物嘅葉，快高長大，有啲蝴蝶物種就專食農業植物，例如菜粉蝶嘅幼蟲會食十字花科嘅植物，佢哋就成為農夫眼中嘅害蟲。隨著幼蟲生長，一般要經過4至6次蛻皮，幼蟲每次脫皮就係一齡，並將舊外殼食咗。
[編輯] 蛹
幼蟲完全成長之後就唔再食嘢，周圍爬去搵一個適合結蛹嘅地方。蛺蝶科嘅蝴蝶（包括眼蝶、斑蝶、閃蝶等）嘅蛹係頭下尾上嘅懸吊，叫懸蛹；鳳蝶同粉蝶嘅就頭上尾下，叫縊蛹。佢哋會將身體拉長量度周圍嘅空間係咪足夠破蛹羽化嗰陣順利展開翅膀。當搵到結蛹嘅地方，蝴蝶會喺嗰度吐絲，將身體末端固定喺絲上面，蛺蝶幼蟲會喺葉背面隱蔽嘅地方結蛹，然後逐漸變硬，成為前蛹。
大概一日之後，前蛹甩咗幼蟲外皮，露出蝶蛹。蛹入面幼蟲嘅器具會逐漸分解，然後重新組成蝴蝶嘅身體。
[編輯] 成蟲
成蟲性成熟後，喺蛹入面沿住頭同胸破殼鑽出，啱啱羽化嘅蝴蝶翅膀褶埋同腹部膨脹，有啲蝴蝶會走到葉底將體液流到翅脈撐起翅膀，嗰時嘅蝴蝶無法躲避天敵，假如蝴蝶跌落地或者未能順利展翅，翅膀會變得畸型，可能會飛唔到，坐以待斃。翅膀舒展開後，蝴蝶就可以飛嘞，蝴蝶嘅前後翅唔同步噉扇動，因此蝴蝶飛嗰陣波動好大，姿勢優美，所謂「翩翩」起舞，就係嚟自蝴蝶飛嘅樣。成蟲主要食花，有啲品種又會吸食樹汁、水中溶解嘅礦物質等。一般蝴蝶成蟲交配產卵後就喺冬季嚟之前死亡，但亦有品種會遷徙到南方過冬，遷徙嘅蝴蝶群非常壯觀。目前比較聞名嘅蝴蝶過冬地點係美洲嘅墨西哥同東亞。
|
[編輯] 身體結構
- 內文： 鱗翅目術語表
蝴蝶嘅身體都擁有昆蟲綱嘅一般特徵，身體分為三部分：頭、胸同埋腹。
- 頭有觸角、複眼同口器。觸角佈滿嗅覺器官，主要負責平衡同埋嗅覺；複眼呈半球形，每個複眼由幾千個六角形嘅眼仔所構成。每隻眼仔只能夠睇到物體嘅部份影像，好似拼圖噉，合埋一齊先至可以組成完整嘅影像；口器係蝴蝶嘅進食嘅器官，即係兩條黐埋一齊嘅長吸管，唔用嗰陣可以曲埋縮喺頭下面。
- 胸嘅三節各有一對腳，但係有啲蝴蝶，好似蛺蝶、眼蝶同斑蝶等蝴蝶，前腳已經退化縮咗喺胸前，只用另外四隻腳嚟活動，行唔到。胸部後兩節各有一對翅膀，分為「前翅」同「後翅」各一對。「前翅」生喺中胸部，「後翅」生喺後胸部。蝴蝶嘅翅膀佈滿「翅脈」同「鱗片」。翅脈排列嘅方式，叫「脈相」，脈相嘅結構同鱗片嘅色彩斑紋係區分蝴蝶種類嘅重要依據。
- 腹有十節，入面有神經、循環、消化、生殖、呼吸等器官。
[編輯] 鱗片
各種蝴蝶嘅特徵主要係翅膀上唔同嘅鱗片，佢哋五彩繽紛嘅翅膀就係靠無數極細小嘅鱗片造成。呢啲鱗片就係有反射出黑色同棕色嘅黑色素，而藍色、綠色、紅色或閃耀嘅一般係由鱗片嘅微觀結構造成，佢啲光子晶體嘅性質經過光嘅散射出現唔同嘅顏色[2][3][4]。
鱗片鬆散噉附喺翅膀上，就算冇損害蝴蝶佢哋都可能會自己甩。
[編輯] 多型性
同一種蝴蝶，無論性別，只要出現兩種或者以上嘅型態，就叫多型性。同個體差異唔同，多型性嘅型態差異較大，各型態亦恆常發現。
[編輯] 季節異型
有啲蝴蝶品種會喺唔同季節出現唔同型態，就係季節異型。一般分為濕季型同埋旱季型。濕季型一般顏色比較鮮豔，翅膀上嘅圖案清晰；旱季型就變得暗淡，圖案模糊。
[編輯] 雌雄異型
有啲蝴蝶品種兩性會出現唔同型態，就係雌雄異型。通常出現喺鳳蝶科、灰蝶科同蛺蝶科。
[編輯] 兩性體
又叫做陰陽蝶或第二性徵，顧名思義就係同一隻蝴蝶擁有兩性嘅性器官，左右翅膀嘅花紋都唔一樣，甚至形狀唔同。呢啲異形好罕見。
-
一隻兩性體嘅鳳蝶標本（Papilio androgeus）
左雌右雄 -
一隻兩性體嘅伊眼灰蝶左雄右雌
[編輯] 行為
[編輯] 領域性
有啲灰蝶科同蛺蝶科蝴蝶嘅雄蝶都具有好強嘅領域性，佢哋會企喺樹上嘅葉或者曠地上面守衛住，當有雌蝶走入嚟，就會求偶，希望可以交配。如果飛入嘅係雄蝶，就會互相追逐，直至入侵者離開佢嘅領域範圍。
[編輯] 登峰
好多蝴蝶都有登峰嘅習性，佢哋會一朝早由低地飛到山頂，雄蝶會搵自己嘅領域範圍，搵一個有利位置等雌蝶上山同交配。如果成功交配，雌蝶會飛返山下面產卵。
[編輯] 求偶
- 內文： 求偶
雄蝶會主動同異性交配以繁殖後代，佢哋對雌蝶嘅氣味異常敏感，雄蝶又會守候喺未羽化嘅雌蝶蛹旁，等雌蝶羽化後立即交配。
[編輯] 交配
- 內文： 交配
蝴蝶交配嘅行為又叫做交尾，顧名思義佢哋交配嗰陣尾部貼住，互相背向。
[編輯] 斑蝶遷徙
[編輯] 自衛
[編輯] 身體結構
蝴蝶身上嘅細毛同翅膀上嘅鱗片容易甩，令捕食者難以抓住。
[編輯] 翅膀花紋
- 保護色
- 內文： 保護色
好多蝴蝶（尤其蛺蝶科嘅蝴蝶）會偽裝成枯葉令到捕食者好難發現。有啲蝴蝶嘅幼蟲會扮做樹枝或樹莖，作用一樣。
- 警告色
斑蝶科嘅蝴蝶有毒，好多斑蝶幼蟲同成蟲都有鮮豔嘅顏色，警告天敵咪食佢哋。
- 扮嘢
- 內文： 擬態
-
- 米氏擬態：有毒嘅斑蝶互相模仿，捕食者中過招之後就會對噉樣嘅蝴蝶冇晒胃口。
- 貝氏擬態：無毒嘅蝴蝶扮有毒嘅蝴蝶，令到因為食過有毒嘅蝴蝶嘅捕食者連嗰樣相似嘅模仿者（無毒嘅蝴蝶）都唔敢食。
- 眼斑
即係「假眼」，好多眼蝶亞科、眼蛺蝶屬等蝴蝶嘅翅膀上都有大眼斑，恐嚇天敵以為自己係一隻較龐大嘅生物，唔敢食。好多灰蝶科嘅蝴蝶後翅翅基都有眼斑，同幼幼嘅翅尾配起嚟就好似另一個頭（翅尾就似觸角）。令到捕食者混亂，如果捕食者中伏咬咗個「假頭」，灰蝶就保住自己條命。有啲鳳蝶嘅幼蟲又有啲大眼斑，同樣係要嚇怕天敵唔敢食。
- 臭味
一啲鳳蝶幼蟲一受到騷擾，個頭會伸出一條叉開嘅「臭角」，夾埋佢身上嘅眼斑就好似一條蛇仔，唔敢食。珍蝶屬嘅蝴蝶重會分泌出有毒嘅臭液，用途一樣。
[編輯] 生境
- 共生
- 內文： 共生
灰蝶科嘅蝴蝶幼蟲會同螞蟻發生共生關係。幼蟲會分泌汁液畀螞蟻食，螞蟻又會保護幼蟲。不過對其他蝴蝶嚟講，螞蟻係捕食者。
- 群居
好多蝴蝶幼蟲都有群居嘅習性，令捕食者難以集中捕食，增加存活嘅機會。
- 葉包
好多蝴蝶嘅幼蟲會將寄主植物嘅葉接埋做「葉包」，減少俾天敵發現嘅機會。
[編輯] 天敵
[編輯] 捕食性
簡單咁講就係所有食昆蟲嘅動物都係蝴蝶嘅天敵。
[編輯] 寄生性
[編輯] 微生物
[編輯] 人類
- 捕捉、棲息地嘅破壞，會導致蝴蝶絕種。
[編輯] 觀蝶
- 內文： 觀蝶
觀蝶就係觀察蝴蝶自然生態嘅活動，可以去到郊外或者蝴蝶園進行。觀蝶嗰陣要注意安全，唔好搔擾、攻擊野生動物，更咪採捕蝴蝶嘅任何階段，以免擾亂生態。觀蝶嗰陣可以帶當地嘅蝴蝶圖鑑、記錄表同相機，方便記錄。攝影蝴蝶嘅活動又叫做打蝶。
[編輯] 保育
[編輯] 文化
[編輯] 中國文學
[編輯] 相
-
鳳蝶科嘅模式種，金鳳蝶（Papilio machaon）
-
粉蝶科嘅模式種，歐洲粉蝶（Pieris brassicae）
-
蛺蝶科嘅模式種榆蛺蝶（Nymphalis polychloros）
-
閃蝶嘅模式種雙列閃蝶（Morpho achilles）
-
世上體型最大嘅蝴蝶，亞歷山大鳥翼鳳蝶（Ornithoptera alexandrae），圖為雌蝶
-
世上體型最細嘅蝴蝶係褐小灰蝶嘅一種（Brephidium exile）
.jpg)
.jpg)
[編輯] 參考
- ↑ 1.0 1.1 http://butterflywebsite.com/faq.cfm#q14 （英文）
- ↑ Mason, C. W. (1927). "{{{title}}}". The Journal of Physical Chemistry 31 (3). DOI:10.1021/j150273a001. （英文）
- ↑ Vukusic, P., J. R. Sambles, and H. Ghiradella (2000) Optical Classification of Microstructure in Butterfly Wing-scales. Photonics Science News, 6, 61-66, EX.ac.uk（英文）
- ↑ Prum, Ro; Quinn, T; Torres, Rh (Feb 2006). "Anatomically diverse butterfly scales all produce structural colours by coherent scattering" (Free full text). The Journal of experimental biology 209 (Pt 4): 748–65. DOI:10.1242/jeb.02051. ISSN 0022-0949. PMID 16449568. （英文）
- ↑ 寄藤文平，梁桂慈譯（2010）：《死嘅型錄：鬼才插畫家筆下嘅生命終點》，圓神出版社有限公司
[編輯] 睇埋
