青山 (杯渡)

青山
青山
海拔	583米（1,913英尺）
位置	香港新界西部
座標	22°23′00″N 113°57′00″E
青山 呢座山喺香港嘅地理位置

青山（Castle Peak）又叫屯門山、杯渡山同聖山，喺家下香港屯門市中心以西一大山，高583米，好早已有人喺度住，有好耐歷史。山西、南、東南靠海，山北同東同大陸連埋。

青山山勢尖削，所以同西貢區嘅蚺蛇尖同埋釣魚翁夾埋叫「香港三尖」。

英國人將青山作為新界西南一個區嘅名。到後尾想發展青山灣做新市鎮，又轉返做屯門。

名

青山之所以叫杯渡山，係因為有杯渡禪師喺南朝時，坐住隻大杯飄洋過海到呢度，響度住過一排，家下山腰上有座青山禪院。而大唐喺隔個海嘅南頭立咗屯門鎮，座山好近係佢，所以亦叫屯門山。亦有學者將謂古藉上屯門島，指係屯門山，因為舊時呢度無家下沖積平地，同大陸隔開，係個島來，不過尚有爭議。英國人來香港時，見座山似堡壘，所以英文名就叫Castle Peak，即係堡壘山頂咁解。

青山呢個名因為1960年代響山腳開設嘅精神病院青山醫院而被污名化。

地理

沿海方面，山北便係北面係后海灣，過海去到深圳蛇口。西面係龍鼓水道，過海係龍鼓洲、白洲同沙洲。南便過海係赤鱲角同大嶼山。西南係青山灣。

史

南漢大寶十二年，即係969年，國王劉鋹將屯門山封為瑞應山，重立埋碑，可惜塊碑搵唔返。