推廣普通話
而家中國各地嘅廣播同電視台喺大部分時間必須用普通話嚟講，淨係得廣東有用「粵語」嘅特權，係因為必須向香港做政治宣傳嘅原因。[2]電視劇、電影都唔畀用「方言」嚟講，唔係嘅話冇得通過審查。最近有部分學校出現講半句「方言」俾老師鬧一鑊。[3]
中國當局推廣普通話嘅目的係畀全中國人聽得明人哋講乜。但呢個運動從1998年9月第三個星期開始，一直搞到而家，中國南方有好多人都唔識自己嘅「方言」。另一方面，喺貧困地區冇辦法推廣，搞到全國重有差唔多半數以上嘅人唔識聽普通話。[4]就因為噉搞到中央當局出現大力推廣普通話嘅現象，但南方好多城市嘅人都強烈反對推廣普通話。
由於推廣普通話嘅實際操作，往往變成消滅「方言」、消滅其他漢語族語言，因此「推普」同「滅方」往往相提並論，「推普滅方」成爲常用嘅四字詞。當中反映嘅係有啲人嘅「官話霸權主義」，覺得「中文」或者「漢語」可以由「官話（包括普通話）」嚟代表，矮化咗其他漢語族語言。
推普宣傳周
[編輯]經過國務院批准，從1998年開始，每年9月份第3個禮拜係「全國推廣普通話宣傳週」。中央好識玩嘢，又搞「全國推廣普通話先進城市」，[5]重畀全國人一齊提出宣傳口號，講得好有獎。例如中國嘅學校成日見到「講普通話，寫規範字」（簡化字：讲普通话 写规范字）、「講普通話，做文明人」（簡化字：讲普通话 做文明人），甚至有幼稚園同小學入面經常見到「講普通話從細路仔開始」（簡化字：讲普通话从娃娃抓起）、「唔講方言，唔講粗口，做個合格市民仔。」（簡化字：不讲方言，不讲脏话，做一个合格的小市民）嘅諸如類似標語。[6]
部分人認為「講普通話，做文明人」嘅標語對講「方言」嘅人有一定嘅侮辱性，甚至出現「唔文明」或「野蠻」噉解。政府重將講普通話夾硬同「愛國主義」聯繫埋一齊，話講「方言」係魔鬼，搞到講方言啲人好𤷪𤺧。[7]
法規
[編輯]中共政府係跟據中華人民共和國憲法同埋《國家通用語言文字法》嚟推廣普通話。其中響中華人民共和國憲法第十九條係咁寫：「國家要推廣全國都通用嘅普通話。」（簡化字：国家推广全国通用的普通话）
另外響《國家通用語言文字法》入面，亦有清楚指出同國語相關嘅法例同規條，包括：
- 第二條：「我地國家通用嘅文字係普通話同埋規範漢字。」
- 第三條：「國家要推廣普通話，兼推廣埋規範漢字。」
- 第四條：「公民有學同埋用全國通用文字嘅權利。國家要為民人學習同埋用國家通用話提供適當嘅條件。而地方政府同埋有關部門亦都應該推行措施，去推廣普通話同埋規範漢字。」
- 第十條：「學校同埋教育機構要用普通話同埋規範漢字作為基本嘅教學用語。」
- 第十二條：「廣播電台、電視台要用普通話作為平時播音嘅語言。」
- 第十三條：「服務行業要以普通話作為平時會講嘅語言。」
- 第十九條：「當果個工作崗位要以普通話作為作為平時會講嘅語言，咁做呢份工嘅人就應該要識得講普通話。播音員、主持人、話劇演員、先生同埋國家機關工作人員（相當於公務員）嘅普通話水平，應該要達到政府規定嘅標準；如果唔達標，就要培訓。」
- 第二十條： 「對外國人嘅漢文教學入面，應該要教埋普通話同埋規範漢字。」
爭議
[編輯]國際人權
[編輯]喺聯合國《公民同政治權利國際公約》入面規定咗：「少數人都有用自己語言嘅權利。」，但到咗今日，中國當局重未批准呢個公約。[8][9]
中共支持將大陸犯法嘢搬入特區
[編輯]喺2021年，無數大陸教育培訓機構被立法封殺。然而，中共官方傳媒，包括《環球時報》，會表揚若干大陸公司，指渠哋去香港做啲喺大陸係犯罪嘅普通話教育生意係好事。[10]
中共批評民國提高其他語言地位
[編輯]中華民國喺民主進步黨執政期間，將國語以外嘅多種漢族同山地語言升格，後嚟重列為「國家語言」，中共黨媒《人民日報》對此抨擊。[11]
睇埋
[編輯]註
[編輯]- ↑ 國務院有關推廣普通話的指示
- ↑ 廣州電視台或改用普通話廣播惹爭議 互聯網檔案館嘅歸檔，歸檔日期2010年11月27號，.. 香港電臺. 2010-07-07
- ↑ 〈「推土式」推普〉。原著喺2013年12月16號歸檔。喺2015年8月19號搵到。
- ↑ 教育部：近半數中國人不會說普通話[失咗效嘅鏈]．解放日報．2005年5月10日
- ↑ 推廣普通話先進社區[失咗效嘅鏈]
- ↑ 〈推普口號〉。原著喺2016年3月6號歸檔。喺2015年8月19號搵到。
- ↑ 〈為甚麼說推廣普通話也是進行愛國主義教育？〉。原著喺2012年8月12號歸檔。喺2015年8月19號搵到。
- ↑ 中國人權告急，國際社會「不寒而慄」
- ↑ 中國逾百學者促人大批准權利公約
- ↑ 〈内地教育机构转战香港教普通话，香港家长：学好普通话让孩子在学校很自信〉。taiwan.huanqiu.com。喺2021-12-09搵到。
- ↑ 〈台当局力推"国家语言多元化"的背后--台湾频道--人民网〉。tw.people.com.cn。喺2021-12-09搵到。
