洪為民生日派對事件

出自維基百科,自由嘅百科全書
(由洪門宴跳轉過嚟)
跳去導覽 跳去搵嘢

洪為民生日派對事件(又被稱為「洪為民生日派對群組[1][2]、「洪門宴群組[3]、「派對門事件[4])係指武漢肺炎香港疫情第五波疫情裏面,其中一個群組感染同埋相關爭議事件。

喺2022年1月3號深圳市前海管理局香港事務首席聯絡官洪為民喺灣仔灣景中心一間西班牙餐廳Reserva Ibérica Tapas Bar & Restaurant(D類食肆)裏面搞生日派對[5],有包括香港立法會議員、多位首長級官員同埋政府機構人員在內過百人出席,因有出席者派對後確診武漢肺炎導致多人被送往竹篙灣檢疫中心接受防疫隔離。事件曝光後喺社會上引起嚴重爭議同激烈反彈[6],唔單止被批評處理手法出現雙重標準[7],多名首長級官員出席鋪張嘅私人生日派對更揭露出官場不正之風[8][9],並導致以行政長官林鄭月娥為首嘅香港政府陷入嚴重嘅誠信與政治危機[3]。至於嗰場生日派對參與人數當初報稱為170人,但係衞生署衞生防護中心之後話,因為有賓客帶同無喺名單上嘅人出席派對,到1月10號已發現參加者加到214人,並多一名派對關聯者確診[10]。2022年1月10號,張竹君開記者會時話嗰道無裝閉路電視,因而無得以此追尋出席者;不過傳真社即日踢爆咗係流料——查到其實大廈存有所需錄影,只係政府無去索閱。[11]2022年1月12號,升旗易得道報稱收到風,得知當時有中聯辦嘅官員在場,亦係局中關鍵人物,並推斷,政府之所以有上述嘅反常操作,係因為要包庇渠哋。[12]

參與者[編輯]

政府官員[編輯]

主要官員
其他政治任命官員
其他官員

立法會議員[編輯]

譚岳衡~^、郭玲麗^、陳沛良^、陳家珮^、葛珮帆^、容海恩^、黎棟國~^、何君堯~^、周文港^、洪雯*、林琳~^、郭偉强^、霍啟剛~^、林順潮^、梁毓偉^、陳仲尼*^、吳傑莊^、邱達根*、陸瀚民*、林智遠^(共20人)

教育界人士[編輯]

其他[編輯]

標示符號嘅解說:

*:要去竹篙灣檢疫中心隔離21日[15][16]
#:一度要到竹篙灣檢疫中心隔離,其後證實楊子矜確診係假陽性,獲安排離開隔離營,但行政長官林鄭月娥要求佢哋要繼續家居隔離,到最後檢測陰性為止。[17]
~:一度要到竹篙灣檢疫中心隔離,其後證實楊子矜確診係假陽性,獲安排離開隔離營。[18]
^:被立法會主席梁君彥勸喻家居隔離。[19]
@:出席生日會時並按法例要求掃「安心出行」二維碼。[20]
%:明確表示出席生日會嗰陣掃「安心出行」二維碼。[21]

與會人士嘅回應[編輯]

洪為民[編輯]

身為呢件事嘅主角,洪為民事後向公眾道歉,表示一定會汲取教訓,深切反思,並已向衞生防護中心提供相關賓客資料,又指出嗰名初步確診者並無參加餐聚,由於佢到達現場嘅時間比較遲,大部分賓客已經走咗,強調當日嘅聚會時間通知同安排係採用分流制,唔會所有賓客都喺同一時間喺餐廳,亦有好多賓客並沒有參加聚餐,只係出席道賀就走咗,當時已提示所有賓客一定要用安心出行同埋打咗新冠病毒疫苗。嗰個人初步確診後已經通知出席賓客立即進行檢測,包括涉事嗰陣已離開嘅人,暫時使用快速測試嘅賓客(包括自己)檢測結果係陰性。[22][23][24][25]

鄺美雲[編輯]

做過港區全國人大代表嘅藝人鄺美雲亦到過生日會,佢1月7號接受訪問嗰陣否認曾經入過會場,表示去到會場外面,見到十分之多人,所以無入去,同洪為民打完招呼就走[26]

朱偉星[編輯]

香港電台普通話主持楊子矜同佢老公朱偉星醫生亦到過生日會。朱醫生喺香港商業電台節目接受訪問,直認自己嗰陣無掃過「安心出行」,又話無人檢查佢嘅針卡,主持話佢應該要遵守法例要求,佢回應:「吓?你哋咁守法㗎?」。[27]

其他政界人士嘅回應[編輯]

潘焯鴻[編輯]

參選過立法會潘焯鴻,喺接受張寶華訪問嗰陣話,洪為民事件反映一眾政壇新貴活喺自己嘅小圈子世界裏面,為咗靠唔同嘅畀面派對謀取利益,完全漠視民眾感受同觀感,所以犯下大量關於防疫嘅法律[28]

參考[編輯]

  1. "洪為民生日會群組共兩人確診-曾參加派對170人均須隔離檢疫". 無綫新聞. 原著喺2022-01-07歸檔. 喺2022-01-07搵到.
  2. "生日宴群組|洪為民已在竹篙灣檢疫 消息指全部人員隔離". 香港文匯網 (中文). 原著喺2022-01-07歸檔. 喺2022-01-07搵到.
  3. 3.0 3.1 "東方日報A1:高官議員隔離 特區政治危機". on.cc東網 (中文). 2022-01-08.
  4. "香港「派對門」:32高官議員疑違規違呼籲出席人大生日宴 港府被轟雙標". RFI - 法國國際廣播電台 (中文). 2022-01-07. 原著喺2022-01-07歸檔. 喺2022-01-08搵到.
  5. "洪門宴或涉多項違例 食環署正調查 業界:責任應在食客". 東網. 2022年1月8號.
  6. "高官議員涉違規聚會,「派對門」引發港府信譽危機". 紐約時報中文網. 2022-01-10. 喺2022-01-10搵到.
  7. "洪為民「壽宴」惹禍 官員有否掃「安心出行」需交代". RFA (中文). 2022-01-07. 喺2022-01-10搵到.
  8. "13官12道歉 民政副局陳積志未回應 蔡子強:區嘉宏兩挫執法威信". 明報. 2022-01-07. 喺2022-01-10搵到.
  9. "人大代表壽宴「播毒」 港20議員10多高官共170人須強制隔離". RFA. 2022-01-07. 喺2022-01-10搵到.
  10. "43歲女馬主確診 為榮源茶行太子女王詩雅友人". 頭條日報. 2022-01-10. 喺2022-01-10搵到.
  11. "政府稱洪為民派對會場無閉路電視 現場見最少14個鏡頭 – FactWire News Agency 傳真社" (中文). 喺2022-01-13搵到.
  12. 1.12 獨家揭露【中南海震怒!】洪門宴封鎖真相,閉路電視全部消失,只因當晚中聯辦官員在場飲宴,惹北京大怒! (英文), 喺2022-01-13搵到
  13. 黃偉倫 (2022-01-10). "洪為民派對︱王詩雅43歲染疫友人為女馬主 任港澳深圳市僑聯會董". 香港01 (中文). 喺2022-01-10搵到.
  14. 律師會會長陳澤銘曾短暫逗留 就事件致歉
  15. 洪門宴11官須以自身假期居家隔離 徐英偉區嘉宏等3人續檢疫
  16. 新冠疫情|梁君彥:19立法會議員曾出席洪為民生日會 陸瀚民、陳仲尼、邱達根及洪雯須隔離 下周三大會暫如期舉行
  17. 洪為民派對︱政府:11名官員須在家繼續隔離 完成強檢才可復工
  18. 洪為民生日宴|高官議員晚上陸續離營 黎棟國揮手打招呼
  19. 梁君彥強烈勸喻出席生日宴會議員盡量留家避免外出
  20. "01消息:入境處長認無嘟安心出行 區嘉宏抗辯因站於生日會場外". 香港01 (中文). 2022-01-07. 喺2022-01-10搵到.
  21. 民政副局陳積志包尾道歉 13官員中僅3人稱有用「安心出行」
  22. "洪為民生日派對爆疫 邱達根徐英偉赴活動須隔離". 原著喺2022-01-06歸檔. 喺2022-01-07搵到.
  23. "生日派對照曝光 洪為民除口罩搭女子膊頭高歌 晚上發聲明致歉". 原著喺2022-01-06歸檔. 喺2022-01-07搵到.
  24. "消息:百人參加洪為民生日派對爆疫 蕭澤頤曾現身 徐英偉須隔離". 原著喺2022-01-06歸檔. 喺2022-01-07搵到.
  25. "生日派對主角洪為民發聲明 初確者較晚到達 對官員及賓客致歉". 原著喺2022-01-06歸檔. 喺2022-01-07搵到.
  26. 林穎嫺 (2022-01-07). "洪為民生日宴︱傳鄺美雲有份出席 強調冇入場:見咁多人我調頭走". 香港01 (中文). 原著喺2022-01-07歸檔. 喺2022-01-08搵到.
  27. 洪為民派對|朱偉星認無掃安心及展示針卡 反駁:你哋咁守法?
  28. "潘焯鴻:洪為民生日派對事件 反映政壇新貴為自肥參加俾面派對 活在自己世界 高傲不理民意 林鄭月娥採強硬立場,既挽民情又合北京意旨 徐英偉、馮英倫、區嘉宏等人應會被問責 張寶華 會客室 20220111". 喺2022-01-10搵到.

睇埋[編輯]