煤氣燈效應

煤氣燈效應（英文：gaslighting）係心理操縱術嘅一種，指令到對象質疑自己嘅感知。呢種情況通常係操縱者具有某啲權威或者最少比較有自我肯定，而受操縱者往往係缺乏自我肯定或者容易焦慮嘅人，操縱者會講以下呢類噉嘅說話：

• 例如受操縱者表達咗不滿：「你份人敏感得滯。」
• 例如受操縱者講起操縱者以前做過嘅錯事：「我從來都冇噉樣做過。」
• 例如受操縱者作出咗一樣指控：「你記錯喇。你記性不嬲都唔係好掂。」

... 等等。煤氣燈效應嘅用意係想令對方質疑自己嘅判斷能力，等操縱者可以趁機會「引導」受操縱者做判斷。由於煤氣燈效應要求操縱者有返咁上下自我肯定，所以被指係自戀嘅人常用嘅手法。