甲型肝炎

出自維基百科,自由嘅百科全書
Hepatitis A
分類同外部資源
ICD-10B15
ICD-9070.1
疾病DB5757
MedlinePlus000278
eMedicinemed/991 ped/977
醫學主題詞D006506
Patient UK英文Patient UK甲型肝炎
How to read a taxoboxWikipedia:點樣睇生物分類框
How to read a taxobox
甲肝病毒
電子顯微鏡下嘅甲肝病毒
電子顯微鏡下嘅甲肝病毒
病毒分類
Group: Group IV ((+)ssRNA)
微小核糖核酸病毒科
肝病毒屬 Hepatovirus
Hepatitis A virus
甲型肝炎嘅分佈(2004年)

甲型肝炎粵拼gaap3 jing4 gon1 jim4,簡稱:甲肝,英文:Hepatitis A),舊稱傳染性肝炎(英文:infectious hepatitis),係一種喺人類分佈廣泛嘅病毒性肝炎,有傳染性。

病原體[編輯]

甲型肝炎病毒係一種冇外殼、單鏈嘅核糖核酸病毒,佢屬於微小核糖核酸病毒科肝病毒屬。佢係喺世界上造成急性肝炎嘅最重要病原體。喺衛生條件好嘅國家極少接觸到呢種病毒。呢種病毒抗高溫、嘅能力非常高。佢一般通過接觸或食物同水嘅途徑傳染。因此喺公共衛生同家庭衛生差嘅地區感染率相當高,甚至可達100%。

分佈[編輯]

甲型肝炎喺東南亞俄羅斯中東地中海地區、成個非洲中美洲以及南美洲好常見。

傳播[編輯]

甲型肝炎通過消化道傳播,比如通過手摸到糞便或者尿,然後摸口。緊密嘅身體接觸、唔乾淨嘅食水同煮唔熟嘅嘢食、糞便污染嘅食物係最常見嘅感染途徑。尤其係用糞便施肥嘅蔬菜同海產(比如貝殼等)非常容易感染甲型肝炎。

過程[編輯]

甲型肝炎潛伏期15至50日,平均28日。急性甲型肝炎可以維持數週以至數月。與其它病毒性肝炎相比,甲型肝炎比較緩同,尤其兒童嘅病狀一般比較輕,有時甚至完全冇病狀。甲型肝炎唔會轉化為慢性,因此唔會導致肝臟長期被破壞。甲型肝炎最容易感染嘅時候係病狀爆發前一至兩個禮拜。但係好返之後嗰一個禮拜都有機會惹到人。雖然大多數病人唔使入院,但係有大概十分一病人係要入院治療。治療時間一般係四至八個禮拜(極少達18個月)。

症狀[編輯]

潛伏期後病人會噁心、肚痛、發熱肚痾、精神不振,一般甲型肝炎冇黃疸,少數有嚴重黃疸,尿顏色深,有可能發生膽汁堵塞。

診斷[編輯]

當病人因肝炎症狀就醫時,幾乎為血清IgM Anti-HAV,因此敏感度極高。IgG Anti-HAV出現時間較慢,急性甲肝發病三個禮拜後呈陽性,標記可持續多年,但只係代表感染過甲肝同埋有免疫力,但證明唔到急性或者感染時間。

預防或治療[編輯]

針對甲型肝炎可以用接種疫苗來預防或治療。以前疫苗係被動疫苗,近來亦有主動疫苗。疫苗要分三次注射入肌肉,第二次喺第一次後兩個禮拜注射,第三次喺半年後。一般完成兩至三次接種後,疫苗嘅保護力大概係6~8年。依照世衞顯示,12個月以下幼兒唔可接種甲型肝炎疫苗。

睇埋[編輯]

出面網頁[編輯]