石門 (廣州)

出自維基百科,自由嘅百科全書
(由石門返照跳轉過嚟)

座標: 23°12′23.8″N 113°11′48.9″E / 23.206611°N 113.196917°E / 23.206611; 113.196917 石門粵拼sek6 mun4)係喺中國廣東省廣州市白雲區石井鎮石門村同埋佛山市南海區里水鎮西華村入面嘅小北江同埋流溪河嘅交匯處。呢個地方喺兩代都係羊城八景之一,叫「石門返照」。

「石門返照」嘅名係點嚟[編輯]

喺廣州白雲區石井鎮石門村同埋佛山南海區里水鎮西華村附近,有兩條河交匯,其中一條係小北江,佢係西江同埋北江嘅匯合處,呢度水量好大、加上流得比較急,要挭鞕向西南行穿過呢帶岩石山崗,加上河道又開始有收整。而石門嘅兩岸有好多山,一到咗太陽出嚟或者係太陽落山嗰陣,出現嘅朝霞同埋晚霞,連埋好似雲霧噉嘅江水就組成咗一幅靚景。而兩岸嘅山景就倒立噉映咗喺水上面,正因為噉,先至畀人嗌咗係「石門返照」。呢度講嘅「返照」,實際上就係海市蜃樓。而呢個海市蜃樓係一個世紀之內都好難見到嘅。

石門返照嘅主題公園規劃[編輯]

内文:西華寺

喺2012年8月,西華寺有新動作喇。喺佛山市南海區里水鎮嘅政府入面得到消息嘅係,喺西華寺古跡嘅原基礎上整間大嘅「石門返照」主題公園,用嚟紀念以前喺廣州人心入面留低深刻印象嘅嘅千年靚景。因為南海里水嘅金草洲頭係古代廣州水道嘅北大門。喺宋朝同埋元朝嗰陣時,出現過「石門返照」嘅羊城靚景。而佛山南海方面喺景點遺址入面規劃咗11公頃嘅公園,發掘入面嘅西華山、西華古寺、貪泉呢啲旅遊資源。[1]

[編輯]

  1. “石门返照”遗址要建公园 芳名邀广佛市民来起 互聯網檔案館歸檔,歸檔日期2012年8月15號,. 廣州日報 2012-08-15