系統設計

系統設計hai6 tung2 cit3 gai3（system design）係指設計一個系統，包括係同個系統度好佢嘅架構、組成部件以及每件組成部件要做乜功能... 呀噉，目的係要確保個系統能夠實際整到出嚟，而且整咗出嚟之後可以有效噉達到終端用家嘅要求^[1]。

舉例說明，想像而家有班軟件工程師要整電腦軟件，佢哋睇完個 client 畀佢哋嘅要求之後，就要郁手做系統設計，即係諗定嗮（簡化講）「隻軟件要由邊啲程式組成」同埋隻軟件每個部件「要有點嘅 input-output 關係」，度好嗮呢啲咁多嘢之後，先至真正郁手去整隻軟件出嚟^[2]。