聶德權

出自維基百科,自由嘅百科全書
聶德權
出生日1964年7月8號 喺Wikidata改呢個 (59歲)
出生地英屬香港 喺Wikidata改呢個
國籍英屬香港中華人民共和國 喺Wikidata改呢個
識嘅語言港澳粵語 喺Wikidata改呢個
母校香港大學、甘迺迪政府學院、Kwun Tong Maryknoll College 喺Wikidata改呢個
職業政治人公務員 喺Wikidata改呢個

聶德權JPPatrick Nip Tak-kuen1964年7月8號—),係香港政府前官員同公務員。

簡歷[編輯]

聶德權阿爸嚟自廣東恩平[1]。佢喺九龍坪石邨大,先後讀過石硤尾聖方濟各英文小學同埋觀塘觀塘瑪利諾書院。持有香港大學社會科學學士學位同美國哈佛大學甘迺迪政府學院公共行政碩士學位。佢亦曾經喺英國牛津大學同國家行政學院進修。

聶德權喺1986年8月加入香港政府政務職系,曾經喺多個決策局同部門工作,包括前政務總署、前副布政司辦公室、前工商科、前財政科、前公務員事務科、前貿易署、行政長官辦公室、前衞生及福利局、香港特別行政區政府駐北京辦事處同前衞生福利及食物局

佢喺2008年8月出任社會福利署署長,2013年6月出任政務司司長私人辦公室專員(特別職務),2014年2月出任政府新聞處處長,2016年7月出任食物及衞生局常任秘書長(衞生)。2017年7月1號出任政制及內地事務局局長。2020年4月22號接任公務員事務局局長,接替離任嘅羅智光,2022年6月30號卸任,其後擔任親中陣營政團香港新方向榮譽顧問。

參考[編輯]

  1. 牆有耳:現任政府班子最多架己冷. 蘋果日報. 原著喺2018年6月14號歸檔.