薛永恒
| 薛永恒 | |
|---|---|
.png) | |
| 出生日 | 1962年  |
| 出生地 | 英屬香港 |
| 國籍 | 英屬香港、中華人民共和國 |
| 母校 | 香港中文大學、香港理工大學 |
| 職業 | 工程師 |
[改維基數據] | |
薛永恒，JP[1]（Alfred Sit Wing-hang，1962年—）係香港政府前官員同公務員，做過創新及科技局局長同機電工程署署長。
簡歷
[編輯]薛永恒早年就讀鄧鏡波學校，持有香港理工學院電機系院士同香港中文大學工商管理碩士，亦曾經喺哈佛大學商學院進修。佢係一位電機工程師，擁有30幾年公共行政經驗，而家係香港工程師學會嘅資深會員，並曾經擔任香港設施管理學會會長，同埋香港工程師學會生物醫學分部嘅主席。1984年加入政府，任職助理機電工程師，喺2001年晉升為總機電工程師，喺2007年晉升為政府機電工程師，喺2011年晉升為機電工程署副署長。佢喺2017年10月開始出任機電工程署署長，並兼任機電工程營運基金總經理。
2020年4月22號畀國務院根據行政長官林鄭月娥嘅提名同建議任命為創新及科技局局長[2][3]，接替被免職嘅原局長楊偉雄。
攷
[編輯]- ↑ 〈2011年第38號號外公告〉 (PDF) (新聞稿) (繁體中文)。香港政府憲報。2011年7月1號。
- ↑ 〈国务院任免香港特别行政区政府主要官员〉 (簡體中文)。中華人民共和國國務院。2020年4月22號。
- ↑ 〈政府公布主要官員任免（附圖）〉 (繁體中文)。香港特別行政區政府新聞公報。2020年4月22號。
 |