語義三角

語義三角（粵拼：jyu5 ji6 saam1 gok3；英文：Triangle of reference）係語義學上嘅一個概念，講緊「意思係乜嘢」依條基本問題。根據依一套諗法，一個語言符號——例如一隻字詞 ——會對應住兩樣嘢：

• 思緒或者參照體：個符號喺人腦海裡便對應乜嘢概念或者思緒；要留意嘅係，雖然啲人成日稱依個部份做思緒，參照體相關嘅認知過程唔一定有意識。
• 參照對象：指緊個符號對應嘅現實世界物體。

舉例說明，想像家陣有個以粵語做母語嘅人，佢聽到粵語樹（syu6）嘅語音，段語音係一個符號，會對應被認為屬於樹嘅現實物體（參照對象），又會對應語言使用者腦海入面樹依個概念（參照體）。

圖像表示

下圖幅圖係畫緊語義三角，源自 1923 年兩位英倫語義學學者嘅研究。

必然結果

睇埋：心智表徵

語義三角表示，語義學實會涉及心理學同腦神經學嘅嘢：某個人腦處理資訊，並且將符號、參照體、參照對象三樣嘢「連埋一齊」先至可以有意思出現——個人見到個參照對象，就會諗起個參照體同埋個符號，而佢聽到人講嘢嘅聲（感知到語言符號）又會自然諗起相應嘅參照體同埋參照對象；因此，研究者一定要考慮人腦點樣處理同表達依啲概念，而認知心理學同腦神經學就係研究依啲嘢嘅。

睇埋

• 語義學
• 能指同所指

引述

英文詞彙：

引用來源：