天河城
天河城 TEEMALL | |
---|---|
![]() 天河城廣場嘅正門(喺天河路嗰度) | |
商舗嘅詳細信息 | |
喺邊 | 〒510620![]() 天河區天河路208號 |
座標 | 23°08′05″N 113°19′03″E / 23.13472°N 113.31750°E |
開張 | 1996年8月18號 |
開發 | 廣東天貿(集團)股份有限公司 |
管理 | 廣東天河城(集團)股份有限公司 |
土地所有權 | 廣東天河城(集團)股份有限公司 |
佔地面積 | 差唔多16萬平方米 m² |
商業建築面積 | 差唔多11萬平方米 m² |
樓層數 | 10層樓 地上7層樓、地下3層樓 |
人流量 | 120000000人次(2005年開始) |
出面網頁 | http://www.teemall.com.cn/ |
天河城百货 |
天河城(粵拼:tin1 ho4 sing4;英文:TEEMALL)係廣州市嘅一間大規模嘅現代綜合商務體,係有夾買嘢、食嘢、娛樂、休閒同商務等功能比較齊全。地址喺天河區嘅天河路南邊;體育西路嘅東邊;天宏廣場嘅西邊;及天河南一路嘅北邊嗰度。呢間商場喺廣州入面係出嗮名嘅。因為佢既係中國大陸度最早開業嘅大型購物中心[1],又係之前俾人話過係「中國第一商城」,重更加係天河城商圈入面,最緊要嘅一部分,甚至係世界第一人流商場都有(從2005年開始,呢間商場嘅人流量去到120000000人次)。
性質
[編輯]- 樓層數:10層
- 地面×7 地下×3
- 0樓到7樓係商業經營場地
- -2樓到-1樓係停車場
- 地面×7 地下×3
- 建築面積:差唔多16萬平方米
- 商業場地建築面積:差唔多11萬平方米
- 喺商場嘅樓上,重有45層樓嘅寫字樓同埋粵海天河城大廈響度。
史
[編輯]天河城喺1992年8月18號奠基,1992年11月18號就開始喐手起,一直到1996年2月9號先至起好,重喺嗰年8月18號正式開業。嚟到2004年5月1號嘅五一黃金週,天河城嘅日客流量去到810,000人次[2],甚至喺2004年10月1號嘅十一黃金週第一日去到830,000人次都有[2]不過喺2005年12月就搞第二次裝修,而天夢宮同好多間租户喺重新裝修之後先至重新開檔。天河城嘅商舖出租率,喺1999年之後就幾乎去到100%[2]。
2011年4月27號上晝10點到,露台嘅冷卻塔就發生火燭,冇人傷亡。而火燭喺朝早10點25分整熄咗[3]。
入面嘅設施
[編輯]![](http://upload.wikimedia.org/wikipedia/commons/thumb/d/d0/TaiJukSaiLou_Exit_C.jpg/220px-TaiJukSaiLou_Exit_C.jpg)
0樓
[編輯]有日資連鎖零售集團——吉之島,喺1996年就殺到天河城,佢重係中國大陸第一間分店,入面重有百貨商場同超市、便利店同自助銀行響度。地鐵嘅體育西路站C出入口就喺呢度附近。
1樓
[編輯]主要係時裝、皮具皮鞋、精品、名表、化妝品、銀行、休閒飲品、美容中心同屈臣氏,同埋大批國際入面比較出名嘅品牌。
2樓
[編輯]其中,香港個人護理零售商——萬寧嘅第一間廣州分店,喺2004年10月嗰陣開業。
3樓
[編輯]主要係天河城百貨,入面賣黃金首飾、皮具鞋類、女裝、鐘錶同化妝品;重整咗眼鏡、精品、藥房同時裝零售、休閒飲品嘅區域。
4樓
[編輯]主要有數碼園同通訊器材城,入面賣各種電子產品,包括移動電話、電腦同配件、掌上遊戲裝置同音響設備等。
- 東南塔樓:天河城百貨嘅電器、傢俱用品嘅經營場地同埋超市部門嘅場地。
喺2003年開始 ,飛揚影城就喺呢度搞咗5個放映廳嘅電影院響度。
5樓
[編輯]有天河城百貨嘅體育用品舖、親子樂園同休閒館。重有玩具、書店、家居精品、音像製品同美容美甲等零售商舖。
6樓
[編輯]有遊樂場同美食坊。入面包括咗22個風味同900個座位嘅飲食場地。其中,入面比較出名嘅城市英雄就喺呢度經營,佢係一間連鎖經營嘅動漫遊戲場所。
7樓
[編輯]有好多間大型餐廳,而天河城百貨嘅名牌折扣檔就喺呢度出現
-
1樓嘅東北走廊
-
1樓嘅中庭品牌專賣店
-
2樓嘅天河城百貨
-
4樓嘅飛揚影院
-
6樓嘅美食坊
分店
[編輯]而家天河城(計埋全資子公司——天河城百貨)一共開咗6間分店,其中5間喺度開緊,1間已經執咗笠。佢嘅主要分店:
- 天河城百貨(北京路店)
- 天河城百貨(奧體店)
- 天河城百貨(萬博中心店)
- 天河城百貨(白雲新城店)
- 天河城百貨(萬博店)
天河城百貨(虎門店)
所謂「天河城效應」
[編輯]![](http://upload.wikimedia.org/wikipedia/commons/thumb/7/70/Teemall_Lift.jpg/260px-Teemall_Lift.jpg)
由於佢係中國大陸入邊最早嘅購物中心,加上佢日日都有好多客流響度,所以就搞出咗「天河城效應」嘅嘢。而「天河城效應」唔單止喺成個廣東省,甚至喺全中國大陸都出嗮名。就喺名氣嚟講,佢最大。而家係成個廣州入面,現代嘅商業標誌品牌,有好多市民同旅客買嘢都知呢度有間噉嘅商場響度[4]。而喺體育西路同天河路附近商圈都發展得好快,所以有好多間購物中心、食肆同娛樂設施出嗮嚟,就喺業界嚟講,出現咗「天河城商圈」嘅嘢[5]。
附近嘅商場
[編輯]附近嘅交通
[編輯]睇埋
[編輯]出面網頁
[編輯]- 天河城 百度百科
- 天河城网
- 天河城 中国廣州旅游资讯网
- 【广州名片·商业圈地】 第073期 天河商圈 新广州的时尚中心 廣州圖書館
- 介绍- 广州天河城广场- 商场 Neeu优网|奢侈品新媒体
註
[編輯]- ↑ 〈中国最早购物中心天河城成广东最大收银机〉。第一财经日报。2005-09-09。原著喺2016-03-05歸檔。喺2015-01-07搵到。
- ↑ 2.0 2.1 2.2 〈MALL战略再造天河城〉。《中国经济周刊》。原著喺2008-05-01歸檔。喺2008-10-11搵到。
- ↑ 〈天河城空调冷却塔爆炸起火 同日还有两宗火警〉。羊城晚报。2011-04-28。原著喺2011-04-30歸檔。喺2015-01-07搵到。
- ↑ 〈广州天河城打造MALL战略神话〉。《中国商报》。原著喺2008-09-07歸檔。喺2008-10-12搵到。
- ↑ 〈继天河城等商圈后 "第四商圈"短期仍难形成〉。《信息时报》。喺2008-10-12搵到。
{{cite web}}
: CS1 maint: url-status (link)