沙田

  想搵第二個意思嘅話，請睇沙田 (搞清楚)。

沙田景色

沙田（英文：Sha Tin 或者 Shatin）係香港新界南部沙田海（即今日收窄成城門河）一帶地方。以前係漁村同鄉郊，今日係沙田新市鎮一部份。沙田係沙田區核心區域。有大型商場、戲院、大會堂等設施。交通方便，有東鐵綫同屯馬綫兩條鐵路線服務，亦有多條巴士線直達全港各區。

沙田最大嘅圍村係大圍，響沙田市中心南面。

歷史

沙田原本唔係指呢個地方。以前呢度叫做瀝源，沙田海以前叫瀝源海。因為呢度條瀝源大村，係呢塊地最大嘅村，後尾呢條村就歿落，消失得無影無蹤。英國1898年響大清手上租到新界，沙田呢度就落入英國人手中。英國人要編新界地圖，來到沙田量地，而其中一個量地官去沙田圍問呢度叫乜名。個官就誤會成個瀝源叫沙田，寫入文件裏面，所以沙田呢個名就用到現時了。

後尾起九廣鐵路，響沙田起沙田車站，附近一帶就變成墟市，叫沙田墟。呢個墟響1979年燒成廢墟，香港政府趁呢個機會將佢拆晒，重新規劃過。