第2屆香港區議會選舉

2003年香港區議會選舉係香港特別行政區成立後嘅第二屆香港區議會選舉，響2003年11月23號舉行。呢次選舉會重選香港十八區區議會一共400個議席。

呢屆區選，泛民主派食正七一效應條水，當中民主黨贏得95個區議會民選議席，係呢屆區選嘅大贏家，而且，民主黨、民協、前綫、街工、元朗天水圍民主陣線、公民起動、中西區民主力量、職工盟所屬嘅泛民主派喺400個區議會民選議席入面，贏咗198個，反而民建聯就力撐香港基本法第23條立法，只係贏得62個區議會民選議席，但係民建聯同埋公民力量、自由黨、港進聯、勞聯所屬嘅建制派亦都贏到201個，所以建制派仍然喺全港嘅區議會民選議席入面過半。