前綫

出自維基百科,自由嘅百科全書
 
前綫
 
 
創立1996年8月26號
(2010年9月9號重新註冊)
總部九龍旺角花園街 193 號 華美樓4/F
政黨口號爭取普選 捍衛人權 全民制憲 維護法治
 
區議會議席0
 
 
網站thefrontier.hk

前綫英文The Frontier)係香港一個泛民主派政治團體,響1996年8月26號成立。2008年11月一次會員大會通過同民主黨合併,但解散方案就通過唔到,最後喺2008年12月只得部分成員轉投民主黨。冇加入民主黨嘅成員,包括甄燊港等連同新成員,其後重新組織前綫,2010年9月9號正式重新註冊。

甄燊港之後成為咗新前綫嘅召集人,但去到2018年,前綫Facebook已經冇再更新,網站亦冇再運作。

政治信念[編輯]

前綫嘅主要政綱係爭取普選、捍衛人權、全民制憲同維護法治

經濟政策方面,前綫主張香港實施公平競爭政策,反對壟斷同禁止反競爭行為。

民生方面,包括要求改善工人待遇、就最低工資最高工時立法、提倡更完善嘅失業救濟、更多社會福利公屋減租。

發起人[編輯]

發起創立前綫嘅人,包括:

選舉成績[編輯]

響1998年同2000年立法會選舉,前綫成員一共贏咗五席分區直選產生嘅立法會議席:

2002年4月,一批前民主黨少壯派成員,同部分前民協成員,脫黨組成社會民主論壇,之後加入前綫。

2004年立法會選舉,前綫嘅何秀蘭同45條關注組嘅余若薇合組名單參選立法會港島區選舉,但最終何秀蘭落選。一般相信何秀蘭之所以會輸,係因為民主派選戰策略失誤所致。由於呢個原因,前綫響第三屆立法會只剩劉慧卿一個立法會議員

2007年區議會選舉,前綫共派出15人參加,最終只得3席;而2008年立法會選舉,劉慧卿、李卓人同梁耀忠當選。2008年12月前綫同民主黨合併,3個前綫區議員同埋劉慧卿轉投民主黨,而李卓人同梁耀忠喺前綫重新註冊之後都冇返去,因此前綫一個區議會議席同埋立法會議席都冇。

出面網頁[編輯]

  • .
  • 稿.
  • 綫Facebook.