音樂元素

樂譜上面有各種嘅符號表示啲聲嘅物理特性。

音樂元素（粵拼：jam1 ngok6 jyun4 sou3 | 英文：elements of music）係指一段音樂嘅「組成元素」。一段音樂由若干個聲組成，而聲可以喺好多唔同嘅物理特性上有變化，一個聲每一個可以變化嘅特性（一個變數）都算係一個音樂元素。

樂理上嘅研究會對音樂元素以及「音樂元素點樣影響一段音樂嘅美感」作出詳細嘅分析。

常用元素

• 音域（Range），指最低音到最高音嘅範圍，通常太最低或者太高音都唔好聽，人耳聽到嘅頻率範圍大約由20Hz到20'000Hz。超出咗呢個範圍，人係聽唔到嘅。
• 旋律（melody），指一柞俾聽嗰個人當係同一件物體嘅音符（通常係指唔同時發出嘅聲音嘅排列組合），可以算係音高同節奏嘅結合。
• 音高（pitch），指人腦對一個音符嘅聲波嘅基音嘅頻率嘅感受。
• 音色（timbre），指一個音符聽起嚟似係由乜嘢嘢（例如邊種樂器）發出嘅，由泛音決定。
• 節奏（rhythm），最廣義上係指一段音樂當中有若干週期嘅規律。
• 音階（scale）
• 協和同不協和（consonance and dissonance），指兩個同時或者時間上極相近嘅聲係咪「好聽」。不過呢家嘢有少少主觀。
• 和音（harmony），指若干個同時出現但音高等特性上有異嘅聲。
  • 和弦（chord），係指一柞和音、包含多個音符嘅音高，聽嗰個人覺得佢哋係同一時間發出嘅。

... 等等。

睇埋

• 樂理
• 聲學
• 聲波