1000
(由千跳轉過嚟)
| 數字一覽 | |
| 小寫 | 一千 |
| 大寫 | 壹仟 |
| 二進位 | 1111101000 |
| 八進制 | 1750 |
| 十二進位 | 6B4 |
| 十六進位 | 3E8 |
數學性質
[編輯]漢字
[編輯]漢字可以寫成一千，單字千；防簒改及睇錯寫法係壹仟。
寫法
[編輯]- 英文好多時會用字母K嚟代表（因為英文好多時用「kilo-」做開頭嚟代表「千」），而呢樣嘢有時嚮中文都會用，例如「佢有廿K人工」就即係佢有二萬蚊嘅收入（通常係指每個月）。
- 好多人寫一啲大數目嘅時候，會用逗號（，）三個位、三個位咁分隔（由個位數數起），例如四百萬就寫4,000,000。所以1,000就係最細而又可以用到呢個符號嘅數。視乎文化，歐洲有啲地方（例如西班牙）會用點（.）嚟分隔，用逗號嚟做「小數點」。
常見用途
[編輯]- 錢
一千蚊喺好多地方都係銀紙嘅其中一種面額。喺香港，一千蚊紙係市面上最大面額嘅銀紙。
- 電話號碼
因為個數易記，有時可能會俾人攞嚟做電話冧巴，例如喺香港，1000係電訊盈科嘅綜合熱綫。
- 詞語或詞句
喺中文入面，個「千」字好多時都會用嚟比喻多、大、遠之類嘅意思，或者用嚟強調一啲嘢，亦可以係一種誇張嘅手法。例如「千言萬語」、「千里眼」、「千方百計」、「千祈唔好咁做」等等。