張人龍

張人龍，CBE，JP（1922年4月18號—2021年9月19號），廣東寶安人，香港商人、前立法局議員、前北區區議會議員、全國政協前委員、前區域市政局主席，太平紳士，新界鄉議局主席（第16屆：1964年－1966年），新界總商會創辦人。

簡歷

1946年喺廣州中山大學經濟系畢業，攞到文學士學位。後來返香港跟老豆學做生意，做過香港期貨交易所、九廣鐵路公司董事同新界鄉議局執行議員。1964年起歷任新界鄉議局第十六屆主席、第二十一、二十二屆副主席。1981年重獲委任做立法局議員。1982年做北區區議員。1985年做臨時區域市政局主席。1986年，出任區域市政局頭一位主席。1993年受聘做港事顧問。

1995年，佢正式卸任區局主席，1996年獲任香港特別行政區第一屆政府推選委員會委員。

張人龍晚年患咗柏金遜症、腦退化，2021年9月19號與世長辭，終年99歲。

榮譽

• 太平紳士
• CBE勳銜
• SBST勳銜

家庭

細佬

• 張家駒，三細佬

囝

• 張亮聲，傅聲個大佬，活躍喺桌球界，花名「化功大師」，吳安儀契爺，2013年7月15號跳樓自殺死咗。
• 張震聲，傅聲個大佬
• 張德熙：第八囝，金銀業貿易場理事長
• 傅聲（原名張景賢、又名張富聲）：第九個囝、電影演員（死咗）
• 張展鵬，傅聲個細佬

紀念

香港政府喺上水有條路用張人龍同上水鄉紳廖潤琛（廖家爵嘅爺爺）命名，叫做龍琛路，表揚二人致力喺石湖墟1955年－1956年大火後嘅重建工作。