扯旗山

  呢篇文講香港嘅山。想搵東莞嘅山嘅話，請睇扯旗山 (東莞)。

  提示：呢篇文講嘅唔係升旗山。

扯旗山
海拔	552米（1,811英尺）
位置	香港中西區
座標	22°16′34″N 114°08′44″E
扯旗山 扯旗山嘅地理位置

山頂三個山，左到右：扯旗山、歌賦山、奇力山

太平山頂睇見山下維多利亞港兩岸嘅海景

扯旗山（英文：Victoria Peak）係香港一山，喺香港島西面，係太平山諸峯之中最高，所又叫太平山頂。佢係香港旅行名勝，有「遊港第一正選」之稱。扯旗山高五百五十二米，香港島至高。

喺香港，佢又專名山頂（英文：The Peak）。

名

《香港雜記》有云，「若域多厘山、則有報船之扯旗一杆。」呢度講英人見船來，就會扯旗報船，準備入港，可見扯旗山之名，由此而來。

按《廣東通志》內《新安沿海圖》，扯旗山原名係硬頭山。佢有亦有唔同嘅名，按香港島北以前有個地方叫紅香爐，所以又叫爐峯。而英人開埠初時，叫佢屬領山（Mount Possession），之後又叫佢做柯士甸山（Mount Austin）。最後英文名通用以維多利亞女王命名，叫做維多利亞山，當時譯域多厘山，或域多利山，英文用到而家。

地理

山頂一帶，範圍包括爐峰峽、奇力山、觀龍角、歌賦山同種植道，係香港最有錢嘅人，同埋部份外國領使駐香港嘅居所。

山頂北面有盧吉道，可以觀光。