陳肇始

出自維基百科,自由嘅百科全書
跳去導覽 跳去搵嘢
陳肇始
Sophia Chan Siu-chee 20190126.jpg
香港食物及衛生局局長
前任高永文
香港食物及衛生局副局長
前任梁卓偉
繼任徐德義
個人資料
出世1958年(62–63歲)
英屬香港

陳肇始教授,JP(Professor Sophia Chan Siu-chee1958年—)廣東潮州[1],係現任食物及衞生局局長。

簡歷[編輯]

陳肇始教授喺2012年11月出任食物及衞生局副局長,參與同負責政策制定同推動。加入政府之前,佢係香港大學護理學教授、護理學院院長同科研總監,亦曾經擔任香港大學李嘉誠醫學院助理院長。

佢中學時就讀聖保祿中學。早年先後喺香港同倫敦接受普通科同兒科護理培訓,並從事呢方面嘅臨床工作。佢曾經分別喺曼徹斯特大學同哈佛大學公共衞生學院攻讀教育碩士同公共衞生碩士學位,並喺香港大學完成博士生學業。之後佢專注教學、科研同行政管理嘅工作。佢嘅研究同教學工作得到唔同嘅認可,例如英國皇家內科醫學院公共衞生學院頒授院士(榮譽)資格。佢亦曾經喺2005年獲香港大學頒發學院教學獎章,並喺2009年榮獲傑出教學獎。

佢嘅研究領域係公共衞生、煙草成癮治療同保護兒童免受二手煙影響,佢帶領嘅研究團隊獲得香港同海外科研究基金資助,亦喺國際期刊上發表唔少關於護理、控煙同公共衞生嘅論文。佢多次代表大學同食物及衞生局出席國際會議同簽署協議,亦同國內外人士廣泛交流意見,並曾經獲得世界衞生組織邀請,為控煙課題提供指導並統領有關工作。

爭議[編輯]

對武漢肺炎病毒同埋佢哋變種嘅命名嘅態度[編輯]

武漢肺炎疫情期間,香港政府將呢種病毒稱呼做「新冠病毒」,避開武漢呢個字,但有部份媒體並無跟從。有傳林鄭月娥要求政府新聞主任唔畀記者以「武漢肺炎」字眼提問,要用返官方字眼,政府聲稱咁做係避免污名化。喺2020年12月,英國發現新嘅病毒變種,當地公共衛生部門命名佢做VUI – 202012/01,但喺陳肇始就喺一場記者會入面,不停咁用『英國病毒』呢個字眼嚟形容呢隻變種。有傳媒質疑,唔明白點解病毒叫做「英國」就可以隨便講,叫「武漢」就係「污名化」[2][3]。雖然唔少記者聽到,但食衞局之後回應傳媒查詢嘅時候就否認,而且話傳媒有欠公允[4]

個人生活[編輯]

佢最鍾意食鹵水鵝[5]

參考[編輯]

  1. "隔牆有耳: 娥班子最多架己冷 - 李八方". Apple Daily 蘋果日報. 喺2020-04-28搵到.
  2. "政府曾斥「武肺」字眼污名化 陳肇始今以「英國病毒」稱呼變種病毒 | 立場報道 | 立場新聞". 立場新聞 Stand News (英文). 喺2020-12-22搵到.
  3. "李八方online︱陳肇始記招屢稱「英國病毒」大肆污名別國 卻禁記者叫「武漢肺炎」 | 蘋果日報". Apple Daily 蘋果日報 (中文). 喺2020-12-22搵到.
  4. "陳肇始提「英國病毒」而非「501Y 病毒株」 被問是否污名化 食衞局:傳媒有欠公允 | 立場報道 | 立場新聞". 立場新聞 Stand News (英文). 喺2020-12-22搵到.
  5. 莊恭南 (2017-12-09). "【政壇諸事町】問責班子多「家己冷」 陳肇始自爆最愛鹵水鵝". 香港01 (中文). 喺2020-04-28搵到.

出面網頁[編輯]