香港有線電視新聞台
 |
 |
| ||||
|---|---|---|---|---|
| File:Cable News Channel.png | ||||
| 邊位屬下 | 香港有線新聞有限公司 | |||
| 開播 | 1993年10月31號 | |||
| 停播 | 2023年6月1號 | |||
| 畫面制式 | 152頻道：16:9； 109頻道：16:9；1080i | |||
| 口號 | 走在事實最前線（facebook專頁） 求真看真 有線新聞（OTT App） | |||
| 頻道類 | 新聞資訊 | |||
| 播出範圍 |  香港、 美國 | |||
| 總部位置 | 香港荃灣 | |||
| 前稱 | 有線新聞二台 | |||
| 替代頻道 | 有線新聞台 | |||
| 重播頻道 | 有線重點新聞台 | |||
有線新聞台係亞洲同香港第一個24小時新聞頻道，開播後其他電視台都紛紛仿效，成立自己嘅新聞台，包括now TVnow新聞台、無綫電視無綫新聞台同埋已經停播嘅亞洲電視新聞財經頻道同香港寬頻bbTV嘅香港新聞台。而由2001年起，香港電台主辦電視節目欣賞指數調查入面，欣賞指數幾乎每次都高過最大競爭對手無綫新聞。
有線新聞除咗官方網站，仲設有Facebook專頁，每日由新聞部直接上載重點新聞，畀無畀錢訂有線電視嘅觀眾同網民收睇[1]。自從奇妙電視開台後，免費電視觀眾亦可以睇到有線新聞，有線亦喺2018年起復辦英語新聞，香港國際財經台提供每晚兩節英語新聞報道。
目前有線新聞台每日都會提供報道精華畀香港有線新聞速遞有限公司，以港鐵車廂電視名義喺港鐵南港島綫、東鐵綫、屯馬綫，同部分觀塘綫列車播放。
有線新聞台當時嘅主要競爭對手係無線電視嘅新聞台及now TV嘅新聞台。
歷史
[編輯]
- 1993年，有線電視新聞台（非現有同名頻道）啟播，播放新聞報道同埋資訊節目。
- 2005年12月17號，第六次世貿部長級會議場外嘅示威活動演變成衝突場面，新聞二台由下晝開始無間斷直播韓農衝突情況，以及示威人士被警方扣留嘅片段。
- 2007年有線新聞曾經系列報道槍擊案之謎、日本對談、法證檔案、瞬間十年、十七大會議同埋區議會焦點選區等等。
- 2007年10月31號至12月1號，新聞台同埋港大民意研究計劃合作，就2007年香港立法會港島選區補選進行滾動民意調查，以電話訪問市民會投邊位候選人，並每日獨家喺新聞報道中公佈。
2008年2月，推出「新聞有線人」，畀觀眾報料同提供新聞線索。
2008年2月27號，《財政預算案》公佈當日，推出全新環節「還富於民‧我有嘢講」，透過不同平台畀市民發表意見。
2008年3月21號，有線新聞台破天荒借用中天新聞台辦公室作為直播中心，由主播張宏艷同呂榮淳，朝6晚11喺台灣親身報道台灣大選最新戰況。
2008年5月12號，四川汶川大地震發生後，中國組記者呂秉權第二日清晨就去到北川，並即時做現場報道，係全球第一個抵達地震重災區嘅採訪隊。
2008年5月，星期一至五夜晚10點再新增國際新聞環節，主播喺虛擬場景企住報道新聞。
2008年香港立法會選舉，派出五位記者何永康、譚嘉恒、許秋霞、黃樂欣及梁家奇作為專員，分別報道港島、九龍東、九龍西、新界東同新界西直選選區選情[2][3]。
2008年12月10號夜晚7點起，使用全新主播台，同時更換新聞跑馬燈設計。
2009年3月2號，換新聞音樂同片頭，喺晚間推出「國際最前線」、「十一點最前線」、「十一點半最前線」、「午夜最前線」等全新時段，同埋「新聞通識」環節。
2009年5月，三位記者譚嘉恒、林月晶及黎宛穎作為專員，報道龔如心遺產爭奪事件審訊進展。
2009年8月31號起，「Cable早晨」節目時間改為逢星期一至五07:00－09:00播映，取消交通消息環節。
2010年4月下旬起，「新聞通識」環節會喺第二日朝早新聞時段重播。
2011年1月13號，新加502台播放新聞台聲音版本。
2013年6月10號朝早6點，有線新聞台正式用全新新聞片頭，新聞台直播室巨型屏幕佈景亦更換，同時所有節目時段（有時週末例外）包括主播口述同新聞片段都提供中文字幕。
2014年6月1號起，有線寬頻用戶網上收睇新聞台、財經資訊台同交通台嘅服務停止，但用戶可以透過手機應用程式收睇有線新聞台即時畫面。非有線電視用戶可以用手機應用程式睇新聞標題同文字內容，並可以喺有線新聞facebook專頁睇新聞同留言[4]。
2015年6月27號起，直播室改喺虛擬佈景進行，上午要聞、午間通訊、下午要聞、深夜直播室都改叫「有線新聞」。另外，27號及28號新聞最前線、國際最前線、晚間新聞、十一點最前線、十一點半最前線同午夜最前線取消，改播有線新聞，其中體育extra環節改為體育快訊，會由體育主播負責報導工作，而明日焦點亦取消。6月29號起，所有最前線時段同晚間新聞復播，採用全新虛擬佈景同主播台。
2015年11月21號，為配合區議會選舉節目準備工作，新聞最前線、國際最前線、晚間新聞、十一點最前線、十一點半最前線及午夜最前線取消，改播有線新聞，而明日焦點亦取消。
2015年12月14號，採訪本地新聞片已經轉用16:9拍攝。
2015年12月31號，新聞台轉用全新直播室，並用高清拍攝、製作同播放，不過只有訂高清服務用戶先可以享受有線電視209頻道16:9畫面。
2016年6月，星期日《國際最前線》，推出類似「新聞通識」環節「科學+」環節。
2017年2月16號，《有線新聞》（17:00-19:00時段）首次喺24小時直播室拍攝。
2017年5月12號起，因應有線電視旗下免費電視頻道奇妙電視中文台（而家叫做「香港開電視」）喺5月14號夜晚啟播，有線新聞台《新聞最前線》（19:30時段）、《十一點最前線》（星期一至五）同埋《十一點半最前線》（星期六及日）同香港開電視聯播。
2017年5月6號起，由於奇妙電視中文台節目調動關係，暫停播映《新聞最前線》、《十一點最前線》同《十一點半最前線》，《國際最前線》、《有線新聞》（18:00－19:00及21:00－22:00時段）就唔定期同奇妙電視聯播，滿足免費電視頻道牌照要求「夜晚6時至12時期間播放兩節唔少過15分鐘嘅新聞報道」。
2017年6月25號起，因資金開始不明朗，有線新聞台取消《有線新聞》通宵直播時段（01:30－06:00）。《明日焦點》環節改為只喺新聞台下面走馬燈show，主播唔會讀出。
2018年1月1號起，奇妙電視中文台新加播放《Cable早晨》同中午12:30《有線新聞》。
2018年5月8號朝早6點起，高清新聞台台號由第209台改為109台。同年5月24號朝早6時起，標清新聞台台號由第9台改為第152台；同日起新聞台恢復有限度《有線新聞》通宵直播時段（01:30－06:00），不過早前因資金開始不明朗而作嘅其他改動改為長期實施。
2019年6月1號起，所有新聞時段全面加設繁體中文字幕。
2019年6月12號起，觀眾可透過i-cable手機應用程式，免費喺手機或平板電腦收睇《有線新聞》[5]。「有線新聞APP」其後喺各大應用程式商店上架，觀眾可以免費收睇《有線新聞》至2020年1月31號。
2020年6月20號起，《國際最前線》由原本每日播映，改為逢星期一至五播映，周末同樣時段改播《有線新聞》。
2020年7月20號起，《午夜最前線》停播，原本時段改播《有線新聞》；凌晨01:00時段由直播改為錄播。
2020年12月10號，由於主播關善茹屋企人確診COVID-19，佢要入住檢疫中心隔離14日；新聞部隨即消毒清潔，首次安排主播上鏡時戴口罩。同年12月28號，關善茹完成隔離並重投工作，其他主播報導新聞時亦唔使戴口罩。
2021年1月1號起，因有線新聞大裁員40人，而「新聞刺針」全組遭解僱，有線中國組改由主播報導由中央電視台等官媒提供嘅新聞片段。周末播映嘅《新聞最前線》亦只有一位主播。
2021年1月19號上晝開始，標清新聞台改以16:9格式播映，高清新聞台台徽中「HD」字樣亦無咗。
2021年2月1號起，新聞部改為用四方形膠牌，取代用咗近20年嘅藍底咪牌，前者包含有線電視嘅台徽同「有線新聞」字樣（紅底白字）。同日起，《新聞最前線》改名為《開在新聞最前線》，突顯同香港開電視關係，並採用新片頭。
新聞報道
[編輯]新聞報道每半個鐘一節，喺每小時00同埋30分開始播映，呢個台而家大多數時段都係以直播嘅形式播映。而喺非直播時段，財經報價重有天氣同埋時間資訊列唔會跟隨重播，仍然會即時更新。
新聞時段
[編輯]有線新聞台每日黃金時段會同有線綜合娛樂台，同埋香港開電視聯播，喺呢段時間新聞內容中，會有比較多戶外記者直播同做深入報道。
- 《Cable早晨》 （Morning Cable）
- 《六點新聞報道》 （1800 News）
- (星期一至五同有線綜合娛樂台聯播)
- 《開在新聞最前線》 （1900 News／1930 News）
- 《國際最前線》 （International News）
- 《有線中國組》（China Beat）
- 2013年5月起推出，報道中國焦點新聞同專題探討。
- 播放時間：星期一至五晚上9時30分至10時首播，並同有線綜合娛樂台、有線財經資訊台（非港股交易日）聯播，第二日凌晨12點30分至1點、朝早9點30分至10點，同埋中午12點至12點30分重播。如果有突發新聞需要直播，會喺首播時段推遲播出。
- 報道焦點新聞、並獨有體育extra環節，亦有明日天氣提示。（其中每日夜晚11點30分至12點同香港開電視聯播）
- 其他時段統一稱為《有線新聞》（Cable News）（其中星期一至五06:00-07:00、每日12:30-13:00同香港開電視聯播，其中星期一至五18:30-19:00、星期六、日05:30-06:00及08:00-09:00同有線綜合娛樂台聯播）
有過嘅新聞時段
[編輯]2016年1月1號前，新聞台會按時段有唔同稱呼，不過現時統一叫做有線新聞。
- 《上午要聞》：Morning Edition（星期一至五 09:00-12:00 及星期六至日 07:00-12:00）
- 《午間通訊》：Noon Edition（12:00-14:00）
- 《下午要聞》：Afternoon Edition（14:00-18:00）
- 《晚間新聞》：Prime Edition（星期一至五 21:00-21:30 及星期六至日 21:00-22:00，2009年3月2日前時間係21:00-00:00）
- 《午夜最前線》：2400 News（00:00-01:00）
- 《深夜直播室》：Late Night Edition（01:00-05:00，2009年3月2號前則為00:00-05:00）
新聞環節
[編輯]現有新聞環節
[編輯]- 財經速遞（星期一至五：9:00-13:00第一部份，13:00-18:00第二部份，星期二至六：0:00-7:00第二部份，星期六：7:00-10:00第二部份）
- 世界天氣速遞（星期一至五：Cable早晨7:00、7:30、8:00、8:30第一節完結，星期六、日：7:00、7:30天氣消息內，每日9:00天氣消息內，18:00、21:00、21:30、23:00新聞完結後）
- 體育快訊（每節新聞最後一部份，星期一至五7:00-9:00、每日20:00-21:00除外）
- 天氣消息（每節新聞最後一部份）
- 天氣報告（星期一至五：18:00、20:00及20:30最後一部份）
- 由香港天文台製作、科學主任主持，講述香港及華南地區天氣狀況同預報。
- 今日社評（星期一至五：Cable早晨7:00、7:30、8:00、8:30第二部份及9:00第一部份）
- 由主播旁述，概述香港報章社評及社論。
- 今日焦點（星期一至五：7:00-9:00第二部份）
- 由Cable早晨主播概述今日焦點事件。2017年6月25號起，因為資金開始不明朗，今日焦點未必每日有。
- 新聞通識（7:00、7:30、13:00、13:30、16:00、16:30及0:00最後一部份，20:00、20:30、22:00及22:30第一部份）
- 主要由外電記者撰稿，主播喺幕前講述同新聞相關知識。推出後大受好評，2010年4月19號開始，呢個環節會喺其他新聞時段重播。網上重溫可瀏覽http://www.i-cable.com/study[失咗效嘅鏈]
- 體育extra（23:00、23:30最後一部份）
- 體育主播同新聞主播會生動報道體育消息
- 新聞刺針（每週不定時播出）
- 深入搜查涉及公眾利益議題或軟性社會特寫專題報道。
- 發掘社會上好人好事嘅專題報道。
- 日日有頭條（8:00、8:30、14:00、14:30、17:00、17:30、20:00、20:30最後一部份）
- 2019年6月10號起增設，由主播組製作[a]，並由新聞主播主持，重溫當年今日仍然有意義嘅新聞。
- 每日樓市（星期一至五：19:50）
- 2020年2月3號起隨《新聞最前線》一小時加長版後播映，介紹樓市動向同成交。
當有突發事件、重要記者會、特別活動或儀式進行時，新聞台會暫停播映以上新聞環節同廣告，並由主播同記者即時透過直播畫面，作旁述同報道。
特備新聞環節（部分）
[編輯]- 自2008年起，新聞台喺每年財政預算案公布日，後來加至施政報告公布日，設有呢個環節，開放熱線、網上留言等，畀觀眾提出對預算案嘅意見，由資深新聞台主播主持。
- 旺角騷亂（2016年2月9號19:30）
- 元朗黑夜（2019年7月22號20:30及22:30）
- 因元朗721襲擊事件而製作嘅30分鐘專輯，節目輯錄當晚相關新聞片段，由於含有大量暴力畫面（一班疑似鄉黑背景人士向港鐵乘客同途人無差别施襲），呢個台罕有地首度喺節目播出前加入警告字句。
- 港區國安法（2020年7月1號21:00-22:00）
有過嘅新聞環節
[編輯]- 報章摘要（星期一至五：7:30、8:30第三部份）由Cable早晨主播現場旁述，概述各香港報章嘅重要報道。
- 交通消息（朝早同黃昏繁忙時段）
- 報章頭版消息（星期一至五：7:00第二部份）
- 六合彩消息（六合彩攪珠日：21:30、22:00及22:30最後一部份）
- 神州熱話（最前線時段）
- 回看一周（星期六及日）
- 沈旭暉看世界盃（2010年FIFA世界盃期間由沈旭暉主持，講解世界盃各國家球隊及分析背後千絲萬縷嘅關係）
- 通脹來了（2011年至2012年通脹期間逢星期日播出）
- 政當抉擇時（2015年4月24號公佈政改至方案表決之前，邀請嘉賓辯論政改、討論「有線政改民調」結果，逢星期五播出）
- 科學+（星期日國際最前線）由外電記者撰稿，介紹科學知識。（2017年至2018年逢星期日播出）
- 明日焦點（23:00、23:30、0:00及0:30第二部份）
- 歐聯戰報（歐聯賽事日翌日8:00、10:00、10:30、12:00、12:30、14:00及14:30第二部份）
- 由體育主播主持，詳細報道歐聯賽事，畀觀眾了解各球隊形勢。
- 我想講兩句
- 2019年7月15號起增設，為市民提供正能量嘅說話。
- 警察快訊（星期日8:15、8:45、11:15、11:45）
- 由新聞主播同警察督察主持，宣揚防止罪案嘅訊息。
- 回看一周（星期六及星期日）
- 喺廣告前後以無旁白嘅形式播出，重溫一周時事。
而當突發事件、記者會、特別活動或者儀式發生同進行時，新聞台會暫停播映以上嘅新聞環節，並由主播同埋記者即時透過直播畫面，作詳盡的旁述同埋報道。
報道手法
[編輯]有線新聞台一向賣點為觀眾提供最快最新資訊，突發新聞方面比較優勝，亦會有記者作明查暗訪追查報道。其中中國組甚少派記者跟隨領導人外訪，但會派人到大陸唔同地區採訪社會大小事件，並作出批評同主力以負面角度作出報道，因此經常遇到內地當局阻撓。
直播室
[編輯]2002年數碼新聞中心啟用前，新聞台直播室喺有線電視大樓2樓。直播室主播台佈景曾經喺1995年、1999年及2000年微調裝修。
到2002年4月8號，有線電視大樓地下數碼新聞中心啟用，新直播室同樣採用開放式，主播背後可見編採人員工作，呢個直播室用咗5年，直至2008年10月中停用。2008年10月中至12月10號期間，為配合主播台做大型改建工程，所有新聞報道喺虛擬背景中進行。背景以舊主播台佈景圖案為主題。
2008年12月10號夜晚7點起，全新主播台正式啟用，主播台後面背景，引入8個相連平面電視熒幕，組成電視牆（Video Wall），按照每日新聞時段同需要，播放唔同背景同畫面，主播會喺晚間最前線時段喺熒幕前面走動，較常使用左面大螢幕。而《有線中國組》環節喺2013年5月推出後，因配合主持同埋鏡頭角度需要，會喺直播室最右面位置擺放一部電視，主要喺《中國財經》環節使用。
2015年6月27號，為配合進入高清廣播，所有新聞報道喺虛擬背景中進行，到12月31號夜晚7點起正式啟用。新直播室主要分為三個部份（主播枱、巨型熒幕同2個LCD mon）組成，令節目主持可以靈活由唔同位置報道新聞。
2019年7月27號起，當直播室進行維修保養時，所有新聞報道會用虛擬背景，虛擬背景設計類似2008年12月10號至2015年6月26號嘅實景主播台。直播室完成維修保養後，會恢復使用直播室。
模仿潮流
[編輯]有線新聞台版面設計佈局鮮明簡潔，成為其他競爭對手就電視節目「偽截圖」畫面風格範本嘅選擇。例子有友枝新聞
另外，有民間更模仿建設新聞台嘅直播室，設計者曾被財經資訊台節目潮流旗艦店訪問。
而競爭對手無綫新聞台亦有仿照有線新聞台嘅版面格式，如下午時段嘅新聞報道參照2002年至2008年有線新聞台以香港路面直播作為背景，新聞部辦公室為背景嘅演播室亦同以前有線新聞台近似。
至於有名人逝世時資訊列旁加上鮮花圖案，亞視新聞之後亦有仿效。
合作
[編輯]有線新聞台同台灣嘅中天新聞台同埋東森新聞台合作，取得電視台無附加字幕嘅新聞片段，經剪輯後喺新聞台播放。喺台灣有大型事件進行時，更可以用嗰兩個台嘅衛星訊號作直播。
喺2007年3月中，新聞台多位台前幕後工作人員，到台灣東森新聞台考察兩日，了解台灣電視新聞嘅運作。
此外，喺香港大型選舉進行前，好似2007年香港特別行政區行政長官選舉、2007年香港立法會港島選區補選，有線新聞台都會同港大民意研究計劃合作，進行民意調查。2008年2月27號財政預算案公佈日，新聞台推出革新環節「還富於民‧我有嘢講」，喺時代廣場設直播點畀觀眾發表意見，市民亦可以自拍短片上載到雅虎香港網站[8]。
當有重大事件發生，新聞台會畀觀眾來電、傳真同有線寬頻網站留言，並抽取部份留言喺新聞報道中播出。例如2009年1月23號發生落馬洲六人死亡車禍[9]。
海外播放
[編輯]有線新聞台除香港可以睇到之外，美國可以透過「DirecTV」收睇。而加拿大龍祥頻道喺黃金時段播放《國際最前線》同《有線中國組》，各佔30分鐘。
攷
[編輯]- ↑ 有線新聞facebook專頁 互聯網檔案館嘅歸檔，歸檔日期2020年11月16號，.facebook專頁
- ↑ 〈有線寬頻選舉網頁〉。原著喺2009-03-18歸檔。喺2011-01-13搵到。
- ↑ 有線寬頻選舉提問片段上載網頁
- ↑ 有線新聞facebook專頁 互聯網檔案館嘅歸檔，歸檔日期2020年11月16號，.facebook專頁
- ↑ 〈【教學】棄睇 TVB 新聞：有線新聞台 24 小時免費任睇！〉。原先內容歸檔喺2020-08-08。喺2019-07-08搵到。
- ↑ 當新聞最前線、十一點最前線或十一點半最前線暫停播出，香港開電視需要滿足免費電視牌照「夜晚6點至12點期間播放兩節唔少過15分鐘」新聞報道。
- ↑ [1]
- ↑ 〈2008年度財政預算案 - 還富於民 我有嘢講〉。原先內容歸檔喺2008-02-28。喺2011-01-13搵到。
- ↑ 落馬洲嚴重車禍六死一傷
睇埋
[編輯]出面網頁
[編輯]
引用錯誤 <ref> tags exist for a group named "lower-alpha", but no corresponding <references group="lower-alpha"/> tag was found