1896年奧林匹克運動會

1896年奧運會報告封面

1896年奧林匹克運動會，係自羅馬帝國響393年廢除古代奧運會之後嘅頭一屆現代奧林匹克運動會，響1896年4月3號到4月15號期間響希臘雅典搞。

背景

1894年6月23號，喺法國教育家顧拜旦男爵嘅倡導之下，國際奧委會喺Paris正式成立，重確定由希臘首都雅典搞第一屆現代奧運會。當時希臘並冇太多嘅搞呢類運動會嘅經驗，重一度遇上財政困難，但係雅典奧組委重係按時做好咗各項準備工作，因此呢次運動會基本上被認為好成功。

即使當時嘅運動員水平同今日冇得比，但喺當時舉辦咁大規模嘅國際性體育運動賽事，就係人類有史以嚟嘅頭一次。呢屆奧運會响彭拿典奈高體育場舉辦，係唯一喺19000年前用緊嘅奧林匹克運動場，當時人頭湧湧。奧運會完咗之後，顧拜旦男爵同埋國際奧委會得到咗希臘國王佐治十一世嘅建議，希望繼續喺雅典搞之後嘅奧運會。但係1900年奧林匹克運動會已經確定响法國巴黎舉行，直到108年後嘅2004年夏季奧林匹克運動會，奧運會先至返嚟希臘。

呢屆奧運會一共有14個國家參賽，包括希臘、澳洲、奧地利、匈牙利、保加利亞、智利、丹麥、法國、德國、英國、意大利、瑞典、瑞士、美國。