Portal:香港鐵路運輸/簡介

香港嘅城市軌道交通系統總長度超過200公里，由香港鐵路有限公司（港鐵公司）營運，經營範圍包括觀塘綫、荃灣綫、港島綫、將軍澳綫、東涌綫、迪士尼綫、東鐵綫、西鐵綫、馬鞍山綫、機場快綫同南港島綫。另外，港鐵公司亦營運香港唯一嘅輕鐵系統。另一方面，香港電車同山頂纜車呢兩個香港嘅電車系統，都係香港鐵路網絡嘅一部分。

東鐵綫嘅重鐵列車

港鐵（指市區綫同機場快綫）喺2007年12月2號由1910年啟用嘅九廣鐵路網絡同埋1979年啟用香港地鐵網絡合併而成。源自九鐵嘅路軌使用標準1435毫米標準軌，源自地鐵嘅就用1432毫米軌距。佢起緊或者規劃緊嘅路線有北環綫、屯門南延綫、北港島綫、南港島綫（西段）同沙田至中環綫，以前就有沙頭角支線同和合石支線。

而家香港唯一嘅輕鐵系統由九廣鐵路公司擁有，就租畀港鐵公司營運為期50年。

• 輕鐵：全長36.15公里，分12條路線，有成68個車站，服務新界西北屯門區同元朗區主要地區。

香港而家家有1個電車系統，只喺港島北行駛。

• 香港電車：1904年啟用，雙層有軌電車系統，連接堅尼地城同筲箕灣。

香港而家有1個纜索鐵路系統，喺香港島行駛，係香港最早嘅鐵路系統。

• 山頂纜車：1888年啟用，登山纜索鐵路系統，有5個車站，連接中環花園道同山頂。

九廣鐵路喺1911年10月15號至1949年10月14號提供連接九龍同廣州嘅鐵路服務，之後因政治原因停駛，到1979年4月4號先恢復。而家港鐵城際客運服務已經連接中國幾個城市，有京九直通車連接北京、滬九直通車連接上海等。呢啲服務都係靠中國鐵路網絡，包括京廣鐵路同廣深鐵路。另外，2018起完嘅廣深港高速鐵路，就快速連接廣州、深圳同香港西九龍。